Bir necha kun oldin Edinson Kavani "Manchester Yunayted" bilan shartnomasini uzaytirmasligi ma’lum bo‘ldi. 34 yoshli hujumchining mankunianliklar bilan amaldagi shartnomasi joriy mavsum oxirigacha amal qiladi. Urugvaylik futbolchining yoshi o‘tib bormoqda, lekin uning o‘zi bunday deb o‘ylamayapti. Shu sabab tajribali hujumchining "Old Trafford"dan keyingi manzili qayer bo‘lishini taxmin qilib ko‘ramiz.
Argentina
So‘nggi paytlarda Kavani nomi Argentina chempionati vakillari bilan tez-tez tilga olinmoqda. Olovsiz tutun chiqmaydi. O‘tgan mavsum yakunida futbolchining otasi o‘g‘li oilasiga yaqinroq bo‘lish uchun faoliyatini shu yurtda davom ettirmoqchi ekanligini ma’lum qilgandi. O‘shanda futbolchiga "Boka Xuniors" qiziqish bildirgan va buni “MYU” rahbariyati ham tasdiqlagandi. Biroq hujumchi “Manchester Yunayted” bilan shartnomani yana 1 mavsumga uzaytirishga qaror qildi. Ammo, Edison Krishtianu Ronalduning “Old Trafford”ga qaytganidan so‘ng bundan juda ham afsuslandi.
Argentina chempionati Kavani uchun juda ideal variant. Qolaversa, unga mamlakatning yetakchi klublari “River Pleyt” va “Boka Xuniors” qiziqish bildirmoqda. Ammo, ikkinchi klubning futbolchini qo‘lga kiritish imkoniyati yuqoriroq, chunki Matadorning o‘zi ham “Boka Xuniors”da o‘ynashni istamoqda. Urugvayliklar uchun “River Pleyt”da o‘ynash unchalik qiziq emas. Mish-mishlarga ko‘ra, klub hujumchini shu yozda "Manchester Siti"ga o‘tadigan Xulian Alvaresning o‘rinbosarsifatida xarid qilmoqchi. Ammo tomonlar o‘rtasida muzokaralar o‘tkazilmagan.
MLS
Amerika chempionati Yevropada o‘ynagan futbolchilarni o‘ziga jalb qilishda davom etmoqda. MLS kundan-kunga rivojlanmoqda, qiziqarli va raqobatbardosh musobaqaga aylanib bormoqda. Agar, Kavani xohlasa, "Inter Mayami" va "Los-Anjeles Gelaksi" kabi klubilarning eshigi doimo ochiq. Bu klublar uzoq vaqtdan beri yulduz futbolchilarni o‘z tarkibiga qo‘shib kelmoqda. MLSda mashhur futbolchilarni o‘ziga tortadigan boshqa qiziqarli jamoalar ham bor. Masalan, Nani "Orlando Siti"da o‘ynagan, Lorenso Insinye "Toronto"ga o‘tdi, Jerdan Shaqiri esa "Chikago Fayr" bilan shartnoma imzoladi. Mamlakatning amaldagi chempion “Nyu-York Siti” haqida ham unutmang. Bu klubda o‘z vaqtida Frank Lempard, Andrea Pirlo va David Vilya kabi futbolchilar o‘ynagan.
Kavanini MLSda kutishmoqda. Qolaversa, uning vatandoshi Luis Suares ham ushbu chempionatga o‘tishi kutilmoqda (balki bir jamoada o‘ynashi ham mumkin). Mish-mishlarga ko‘ra, Suares mavsum oxirida "Atletiko"ni tark etib, Amerika chempionatigao‘tishi mumkin. Kavani o‘ziga xos futbolchi, shuning uchun u tezda AQSH klublariga moslashib ketish ehtimoli yuqori.
La Liga
Kavani nomini bir necha yillardan beri La Liga bilan bog‘lab kelishmoqda. "PSJ"dan ketganidan so‘ng, hujumchi "Atletiko Madrid"ga o‘tishga yaqin edi, ammo transfer noma’lum sabablarga ko‘ar amalga oshmadi. Matadorni endi Madridda klubiga o‘tish ehtimoli yo‘q. Chunki,hozirda “Atletiko”da yetarlicha hujumchilar bor. Ammo, so‘nggi bir necha oydan beri Kavanini “Barsa”ga o‘tishi haqida mish-mishlar yuribdi. Urugvaylik futbolchi Kataloniya klubiga o‘tishga tayyor edi, ammo Rangnik undan mankunianliklar safida qolishni iltimos qildi. Natijada futbolchi ingliz klubi bilan shartnomasi oxirigacha o‘ynashga qaror qildi.
So‘nggi xabarlarga ko‘ra, ispan klublaridan Edinsonga hamon takliflar bor. Biroq mahalliy OAV aniq klublar nomini tilga olmagan. "Barselona" Pyer-Emerik Obameyang bilan shartnoma imzolagani uchun bu ro‘yxatdan chiqib ketdi.
A seriya
Odatda Italiya chempionatida keksa futbolchilar uchun ideal musobaqa hisoblanadi. Zlatan Ibragimovich va Krishtianu Ronaldu buning yorqin misolidir. Hozirda Olivye Jiru ham o‘zining ikkinchi yoshligini o‘tkazmoqda. Kavani Italiya chempionatida yo‘qolib qolmasa kerak. Chunki, bu musobaqa futbolchi uchun begona emas. Ehtimol futbolchi sobiq klubi "Napoli"ga qaytishi ham mumkin. Urugvaylik futbolchi bir vaqtlar Neapol klubi safida 138 ta o‘yin o‘tkazib, 104 ta gol urgan. Yozda “adzurrilar” birdaniga ikkita hujumchisidan ayrilishi mumkin - Dris Mertens va Viktor Osimxen. Birinchisining shartnomasi yakuniga yetsa, ikkinchisiga esa boshqa ligalardan jiddiy taklif bor. Kavani Italiyaga qaytsa, klub uchun ham, o‘zi uchun ham yaxshi bo‘lardi. Qolgani esa futbolchining o‘ziga bog‘liq.
Jamshidjon Mahmudov tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
