«Real» Dortmund «Borussiya»si goleadori Erling Xolandni o‘z tomoniga og‘dirish masalasida xufyona ish ko‘rmoqda, chog‘i. Hammaga ma’lum: ayni payt norvegiyalik hujumchini Madrid klubidan tashqari, «Barselona», «Manchester Siti» va «PSJ»da ilhaq holda kutishyapti. Endi uning ehtimoliy transfer tarixi ayg‘oqchilar haqidagi serialga aylanmoqda. Bu serial yakunda Erlingni aynan «Qirollik klubi»ga yetaklashi ehtimoli katta. Har holda, «Real»ning ishga Adidas firmasini ham jalb etgani ma’lum bo‘ldi.
Germaniyaning Bild nashrida yozilishicha, fevral oyi boshida Adidas kompaniyasi bosh ofisida Zayniddin Zidan, Michu, Erling Xoland va uning otasi o‘rtasida maxfiy uchrashuv bo‘lib o‘tgan. Gap shundaki, norvegiyalik goleador va Nike o‘rtasidagi homiylik shartnomasi muddati tugadi. Izoh berilishicha, «adidaschilar» Xolandni o‘z qanotlari ostiga olish asnosida uning «Real» foydasiga qaror chiqarishga undamoqchilar. Kompaniya shu maqsadda xufyona uchrashuvga Erlingning bolalikdagi kumirlari - Zayniddin Zidan va ispaniyalik Michuni ham taklif qildi.
Hammasi juda oddiy: agar Adidas Erling bilan kelishuvga erishsa, futbolchining bu brend bilan uzoq muddatli munosabatlarga ega «Real» safini to‘ldirish ehtimoli keskin oshadi. Zidan va Michu esa Xolandga klub tanlash masalasida ta’sir ko‘rsatish uchun yollangan. Qo‘shimcha qilinishicha, uchrashuvda Xolandlar oilasi do‘sti Ivar Eggya va huquqshunos Rafaela Pimenta ham ishtirok etishgan.
To‘g‘ri, Nike va Puma ham hamon o‘yin ichida - har ikkisi Xolandga yangi shartnoma taklif qilmoqchi. Erling Nike bilan «Zalsburg» klubida o‘ynayotgan vaqti shartnoma tuzgandi. Yillik qiymati 1 million yevroni tashkil etgan o‘sha bitim shu oy o‘z kuchini yo‘qotdi. Aslida Nike darhol shartnoma muddatini uzaytirmoqchi edi, biroq Adidas va Puma kompaniyalarining hujumchi uchun kurashga qo‘shilgani vaziyatni chigallashtirdi. Zero, har ikki brend vakillari futbolchining shaxsiy agenti - Mino Rayola bilan muzokara jarayonini boshlab yuborishdi. Marca nashrining Futbol Aleman manbasiga tayanib, xabar tarqatishicha, har ikki kompaniya norvegiyalikka 5 yillik hamkorlik uchun chamasi 50 million yevro taklif qilmoqda. Yiliga 10 «limon»! Yomon emas-a... Ha, Erling oldida nafaqat yangi klub, balki yangi brend tanlash masalasi ham turibdi.
Xoland oldidagi yagona yo‘l «Real»mi?
Sport.es nashri xabarida aytilishicha, «Real» allaqachon Xolandning vakillari bilan dastlabki kelishuvga erishgan. Bu hujjat futbolchining otasi Alf-Inge Xoland va Mino Rayolaning agentlik firmasi huquqshunosi Rafaela Pimenta tomonidan imzolangan. Qo‘shimcha qilinishicha, Madrid jamoasi Xoland transferi bo‘yicha ishni yozda yakuniga yetkazadi. O‘rtadagi shartlashuvga asosan, hujumchi endi boshqa klublar bilan muzokara olib borolmaydi.
A.AHMEDOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
