Rossiyaning yetakchi shaxmatchilari Rossiya prezidenti Vladimir Putinga rasmiy murojaat bilan chiqdi.
"Rossiyalik shaxmatchilardan Rossiya Federasiyasi prezidentiga murojaat.
Biz Ukraina hududidagi harbiy harakatlarga qarshimiz va tezda o‘t ochishni to‘xtatishga, mojaroni muloqot va diplomatik muzokaralar yo‘li bilan tinch hal qilishga chaqiramiz. Shu kunlarda xalqlarimiz boshiga tushayotgan falokatni ko‘rish biz uchun chidab bo‘lmas darajada og‘riqli.
Har doim musobaqalarda Rossiya terma jamoasi uchun ham yakkalik, ham jamoaviy bahslarda g‘urur bilan o‘ynaganmiz. Shaxmat ham umumiy sport kabi odamlarni birlashtirishi kerak deb hisoblaymiz. Eng murakkab va nufuzli xalqaro turnirlar pandemiya davrida ham yurtimizda yuqori saviyada o‘tkazildi.
Shaxmat o‘z harakatlariga mas’uliyat bilan yondashishni o‘rgatadi; har bir qadam muhim, xato esa to‘g‘rilab bo‘lmas halokatli nuqtaga olib kelishi mumkin. Bu hamisha sport bilan bog‘liq bo‘lgan, endilikda esa odamlarning hayoti, huquq va erkinliklari, inson qadr-qimmati, mamlakatlarimizning buguni hamda kelajagi xavf ostida.
Ushbu fojiali kunlarda biz ushbu dahshatli mojaroning markazida bo‘lgan odamlar haqida o‘ylaymiz. Ukrainalik hamkasblarimiz bilan dardni baham ko‘ramiz va tinchlikka chaqiramiz.
Ukraina shaxmat jamoasi amaldagi Yevropa chempioni hisoblanadi va biz qatori dunyoning eng yaxshi jamoalaridan biridir. Biz o‘nlab o‘yinlar va yuzlab partiyalar o‘tkazganmiz. Sport kurashini har doim siyosatdan ustun qo‘yganmiz — ukrainaliklar ham bizga shunday javob bergan. Ikki mamlakat jamoalari, o‘yinchilari va oddiy odamlariga o‘zaro hurmat qilish imkoniyatini berishingizni so‘raymiz.
Biz tinchlik tarafdorimiz. Urushni to‘xtating", — deyiladi rossiyalik shaxmatchilar bayonotida.
Murojaatni Yan Nepomnyashiy, Aleksandra Kostenyuk, Daniil Dubov, Petr Svidler, Andrey Yesipenko, Maksim Matlakov, Kirill Alekseenko, Aleksandr Motilev, Yevgeniy Nayer, Aleksandr Xalifman, Polina Shuvalova va boshqa bir qator taniqli shaxmatchilar imzolagan.
Avvalroq Ukrainadagi vaziyat tufayli 2022 yilgi Butunjahon shaxmat Olimpiadasi va FIDE Kongressi Rossiyada o‘tkazilmasligi haqida xabar berilgandi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
