Bugun yangi mavsum oldidan “Andijon” jamoasi bilan muxlislar o‘rtasida uchrashuv bo‘lib o‘tdi. Andijonlik futbolsevar muxlislar uchun xushxabarlardan biri shundan iboratki, klub endi o‘z bazasiga ega bo‘ldi. Ma’lumki, shahardagi bo‘ston dahasida “Andijon” klubiga tegishli bolalar va o‘smirlar futbol maktabi joylashgan. U yerda shug‘ullanish uchun qator maydonlar bor. Rahbariyat esa yangi mavsum oldidan aynan bolalar va o‘smirlar futbol maktabida asosiy jamoa uchun bazani barpo qildi. 80 o‘ringa mo‘ljallangan yotoqxona mavjud. Futbolchilar uchun barcha sharoitlar yaratilgan. Bungacha “Med Siti” sihatgohida istiqomat qilib kelgan jamoa a’zolari endi yangi qurib bitkazilgan bazaga joylashadi. U yerda futbol maktabi ham faoliyatini davom ettiraveradi.
Jamoa a’zolarining tanishtiruv marosimi yangi bazada o‘tkazilgani ham bejiz emas. Ushbu tadbirda ashaddiy muxlislar, ommaviy axborot vositalari hamda yana bir qator mehmonlar ishtirok etishdi. Kutilganidek, tadbir ko‘tarinki ruhda, shodu-hurramlikda o‘tdi. Garchi “Andijon” ishtirokini pro ligada davom ettirsada, ishonch hamda e’tiborning yuqoriligi ishqibozlarni ham ruhlantiryapti.
Xabaringiz bor, klub qishki seleksiya chog‘ida tarkibiga bir qator yangi o‘yinchilarni qo‘shib oldi. Marosimda jamoadagi barcha 25 nafar o‘yinchilarga yangi futbolka raqamlari bilan topshirildi.
Eldor Adhamov, 1.
Alisher Jo‘rabov, 96.
Xurshid Xodjayev, 46.
Ildar Mamatkazin, 21.
Bogdan Milich, 9.
Goran Miloyko, 20,
Ahror Inoyatov, 8.
Ilhom Abdug‘aniyev, 10.
Farhod Sohibjonov, 17.
Mirjalol Mirzayev, 11.
Islom Mamatkazin, 4.
Izzat Abdulxakov, 7.
Muhammadkarim Toirov, 26.
Bobur Davlatov, 18.
Vladimir Bubanya, 15.
Azamat Isroilov, 3.
Shahboz Erkinov, 22.
Saidumar Sodiqov, 27.
Ibrohim Muxtorov, 99.
Abduvohid G‘ulomov, 5.
Ilhom Alijonov, 66.
Sherzod Esanov, 23.
Ahmad Anvarov, 77.
Abdurahmon Komilov, 14.
Malikshox Rasulov, 19.
Tadbirda so‘zga chiqqan klub prezidenti Jur’atbek Quvvatov shunday dedi: “Muxlislarimizdan pro ligaga tushib ketganimiz uchun uzr so‘raymiz. O‘ylaymanki, biz to‘g‘ri yo‘ldan ketyapmiz. Va’da beramiz, Superligaga chiqishimiz kerak. Buning uchun maydonda futbolchilarimiz yaxshiroq o‘ynab berishlari kerak. Xudo xohlasa. albatta Superligaga qaytamiz. Viloyatimiz hokimiga katta rahmat. Doim e’tibor qaratadi, qanday ishlar olib borilayotgani bo‘yicha ham so‘rab qiziqib turadi. Biz oldimizga ko‘p rejalar qo‘yganmiz. Mana, yangi bazamizni ham bitkazib oldik. Endi stadion “projektori”ni ham yaxshilaymiz. Jamoamizga e’tiborni yanada kuchaytiramiz. O‘sha va’da: chempion qilmaguncha qaytish yo‘q”.
Shu o‘rinda “Andijon” ustozi Viktor Kumikov ham quyidagi fikrlari bilan o‘rtoqlashdi.
“Barcha futbol muxlislarini yangi mavsum bilan tabriklayman. Shuningdek, Jur’atbek Dilshodbekovichga minnatdorchilik bildiraman. Ma’lumki, har bir jamoaning uyi bo‘ladi. Mana, bizni ham endi o‘z qarorgohimiz bor. Bunday yaratib berilgan shart-sharoitlar g‘alabalarimizga zamin bo‘ladi, deb o‘ylayman. Kimlar bu yerda ishlab, mehnat qilgan bo‘lsa, barchalariga rahmat aytaman”.
Paxtakor
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
