Har yili 8 mart hotin-qizlar bayrami sifatida nishonlanadi. Ammo, shu bilan birgalikda 2017 yildan boshlab “Barselona” muxlislari ham ushbu kunni o‘zlarining bayrami sifatida nishonlashga haqlidir. Gap shundaki 2017 yilda ayollardan ko‘ra ko‘proq bir voqea futbol olamini uo‘proq o‘ziga jalb etgan. Uning nomi “remantada” deya atalgan. O‘sha go‘zal bahor kunida “ko‘k-anorranglilar” futbol tarixidagi eng buyuk kambekni amalga oshirishga muvaffaq bo‘lgan edi. “Barselona” ishqibozlari 2017 yilning 8 mart kunini ayollar bayrami sifatida emas, balki Robertoning golini, Enrikening hursandchilikdan maydon bo‘ylab yugurganini, muxlislarning quvonch ko‘z yoshlarini va daxshatli kambekni eslashadi.
Siz "Barselona"ni yoqtirmasligingiz, bu voqeani tan olmasligingiz va klubni har qancha yomonlashingiz mumkin. Ammo tanqid va shubhalaringiz bilan ham, siz "Kamp Nou"dagi 6:1 eng buyuk voqea ekanligini yana bir bor tasdiqlaysiz. Biz buni sport deymiz, futbolni aynan shu maqsadda tomosha qilamiz. Bu biz g‘ururlanadigan borliqni idrok etishning noyob tajribasi va biz bir kun kelib nevaralarimizga aytib berishimiz mumkin bo‘lgan voqeadir. Aytgancha, o‘sha g‘alati penaltilar haqida, Neymar va Suaresning simulyasiyalari haqida xohlaganingizcha gapirishingiz mumkin. Ammo haqiqat haqiqat bo‘lib qolaveradi. Chempionlar ligasi tarixida hech kim to‘rtta gol o‘tkazib yuborib, keyingi bahsda o‘ziga kerakli natija qayd eta olmagan. “Barselona”dan boshqa hech kim. Robertoning so‘nggi soniyalarda to‘pga teginishi allaqachon tarixning, balki g‘alaba qozongan “Barselona” DNKsining bir qismiga aylangan. Hozir ham ushbu uchrashuvning eski chiptalarini saqlab qo‘ygan insonlarni topishingiz mumkin. Hatto “PSJ”ga o‘tgandan so‘ng Neymar ham o‘sha o‘yin haqida ko‘plab iliq fikrlar bildirgan.
"Barselona" 2016-2017 yilgi mavsumni Ispaniya Superkubogidagi g‘alaba bilan boshlagan. Kataloniyaliklar “Sevilya”ga qarshi kechgan ikki final uchrashuvida hech qanday muammoga duch kelmadi. Aynan shu 2016 yil “Sevilya” va “blaugranas”ning hayotida burilish nuqtasi bo‘ldi va burilish nuqtasi o‘zaro bog‘liq edi. Unai Emeri Yevropa ligasida qatnashishni yaxshi ko‘rgan sevimli “Sevilya”ni yozda tark etdi. Bu daho murabbiy g‘alaba qozonish va sovrinlarni qo‘lga kiritishni bilar edi, uning yutuqlari ro‘yxatida faqat bitta minus bor edi. Emeri "Barselona"ni qanday mag‘lub etishni bilmaydi! U har doim kataloniyaliklarga yutqazgan - "Almeriya", "Valensiya"b "Spartak" ni boshqargan inson sifatida va faqat "Sevilya"ni boshqarganida, u to‘qqiz o‘yinda, faqat bir marta g‘alaba qozonishga muvaffaq bo‘lgan.
G‘alabali 2015 yildan so‘ng, “Barselona” Chempionlar Ligasidagi ketma-ket ikkinchi chempionlik uchun asosiy favorit hisoblangan. Ammo 2016 yilda “oq-qizil” Madrid jamoasi kataloniyaliklarni turnirdan chiqarib yuborgan edi va Ispaniya poytaxtining boshqa jamoasi yakunda Yevropani zabt etgandi. Mavsum boshlanishidan oldin murabbiy yakunda jamoani tark etishini ma’lum qildi. Jamoa Enrike ketishini himobga olgan holda o‘z oldiga maqsad qo‘ydi. "Barselona" Chempionlar ligasida g‘alaba qozonishi kerak edi. Kataloniyaliklar guruh bosqichini muvaffaqiyatli yakunladilar. Leonel Messi o‘nta gol urdi va urilgan va o‘tkazib yuborilgan gollar farqi bo‘yicha kataloniyaliklarga teng keladigani topilmadi. “Ko‘k-anorranglilar” faqat bir marta mag‘lub bo‘ldi. Gvardiola qo‘l ostida "Manchester Siti" yuqori o‘rin uchun "Barselona"ning asosiy raqibi edi. O‘shanda Pep o‘zining sobiq jamoasini bir marta mag‘lub eta olgandi.
Emeri boshchiligidagi «PSJ»ga esa biroz kamtaronaroq omad kulib boqdi. Parijliklar bor-yo‘g‘i uch marta va yaqqol autsayderlar bilan g‘alaba qozonishdi. “Arsenal” bilan guruh peshqadami sifatida ikki marta durang o‘ynadi va yakunda “Ludogores”ni mag‘lub etishdi. Kavani oltita gol bilan to‘purar bo‘ldi. Urugvaylik futbolchiga Di Mariya, Kurzava va Marko Veratti singari nomlaryordam berishgan edi. Parijliklar safida ikkita sobiq kataloniyalik ham bor edi. Maksvell tez-tez himoyada Kurzavani chap qanotda almashtirdi, Tiago Motta maydonga chiqib, maydon markazini nazorat qildi. "PSJ" guruhda ikkinchi o‘rinni egalladi va shuning uchun ular birinchi o‘yinni o‘z uylarida o‘tkazishlari kerak edi. Qura natijasiga ko‘ra, Park-de Prensga "Barselona" tashrif buyurishi ma’lum bo‘ldi.
Kataloniyaliklar o‘yindan oldin alohida muammolarga duch kelishmadi. Parijdagi o‘yindan bir hafta oldin “blaugranas” "Atletiko" bilan durang o‘ynaydi, bunda Suares va Roberto qizil kartochka olishgandi, safar arafasida esa "Barselona" "Alaves"dan startdagi mag‘lubiyat uchun qasos oladi (6-0).
14 fevral, 2017 yil. Barcha “Barselona” muxlislari uchun tablo daxshatli ko‘rinish olgan kun. O‘yin 4-0 bilan yakunlangan va “Barselona” mag‘lubiyatga uchragan edi. Unai Emeri o‘zining taktikasi bilan barchani hayratda qoldirdi. U "Barselona"ni hammadan yaxshi bilardi va undan oldingi barcha xo‘rliklar uchun o‘ch oldi. Yuqori pressing kataloniyaliklarning o‘yinini o‘ldirdi. Kavanining maydon bo‘ylab harakatlanishi esa juda a’lo darajada edi. U hamma joyda, butun maydon bo‘ylab, hattoki har qanday himoyachi havas qilgidek tarzda to‘plarni olib qo‘yardi.
Oradan bir oy o‘tar-o‘tmas “Barselona”ni taktika bilan yenggan murabbiy aynan o‘zgartirilgan taktika bilan yutqazdi. Emeri o‘sha o‘yinda “Barselona” kambek qilishini tushida ko‘rgan bo‘lsa kerak. Negaki uning hujumkor jamoasi himoyada uynamas edi. Shunchaki o‘sha xato butun futbol ishqibozlari uchun unutilmas o‘yinni taqdim etgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
