«Chelsi» egasi bo‘lgan Abramovich 10 milliard funt-sterling (12,5 milliard dollar)ga egalik qiladi. Uning Buyuk Britaniyadagi barcha aktivlari ayni damda muzlatib qo‘yilgan. 55 yoshli rus sarmoyadori Rossiyaning Ukrainaga hujumi oqibatida «Chelsi»ga egalik qilishdan, qolaversa, Angliyadagi 152 million funtlik koshonasidan ayrildi. Abramovich hozirga qadar bir guruh dengiz kemalariga ham egalik qilib kelgan. Ularning so‘nggisi o‘tgan yili qurib, foydalanishga topshirilgan edi («SOLARIS»). Ushbu yaxtaning qiymati 430 million funtga tengligi aytiladi.
Jami sakkizta palubadan tashkil topgan zamonaviy muhandislik mahsulida vertolyot qo‘nishi uchun zarur bo‘lgan maxsus maydon ham mavjud. Kema Germaniyaning Bremerxafen shahrida, «Lloyd Werft» kemasozlik birlashmasi tomonidan barpo etilgan. Uni qurish jarayonlari Bukingem maydonidan kattaroq bo‘lgan hududda amalga oshiriladi. Quyida shu kabi Roman Abramovich egalik qil(adi)gan bir nechta super kemalar haqida gap boradi.
«ECLIPSE»
Milliarderning «Eclipse» deb nomlangan kemasida zamonaviylikning hamma detallari aks etgan. Abramovich undan eng ko‘p foydalanadi. Aytishlaricha, kemaning qiymati 1 milliard funt-sterlingga teng ekan. U 2010 yilda qurilgan. 2015 yilda esa kapital rekonstruksiya qilinadi. Eng qizig‘i, ushbu kemada o‘zini-o‘zi himoyalash tizimi mavjud. «Eclipse» hujumga uchragudek bo‘lsa, uning havo-raketa mudofaa bo‘limi avtomatik himoyaga kirishadi. Ushbu kemada 24 ta kabina, 2 ta cho‘milish basseyni, sauna, tungi klub, kinoteatr, konferensiyalar zali va hatto salonlar ham bor.
«LE GRAND BLEU»
Qiymati 135 million funtga teng bo‘lgan kema bir paytlar Abramovichning sevimli «o‘yinchog‘i»dan biri edi. Uning ichidagi lyuks xonalar 20 tagacha mehmonni o‘z bag‘riga sig‘dira oladi. Hayratlanarlisi shundaki, cho‘kish xavfi deyarli bo‘lmasa ham, kemada ko‘plab qayiqlar joylashgan. Ushbu arxitektura namunasi kichik, ammo qulayliklarga boydir. Hozirda kemaga Abramovichning yaqin do‘sti Yevgeniy Shvidler tomonidan egalik qilinadi.
«SUSSURRO»
Ayni damda sotuvga qo‘yilgan kema, bundan 20 yil oldin barpo etilgandi. Uning taqribiy narxi 16 million funtni tashkil etadi. «SUSSURRO» «Feadship» kompaniyasi tomonidan qurilgan bo‘lib, o‘lchami 163 futga teng. Unda 12 ta mehmonni sig‘dira oladigan 6 ta lyuks kabinalar bor. Juda kam foydalaniladigan kema, ayrim xabarlarga ko‘ra, Abramovichning sobiq xotini Irina Malandinaga berilgan. Uning motori 15 ming ot kuchiga teng va 46 knot tezlikda harakat qiladi.
«ECSTASEA»
110 million funt atrofida baholangan kema, ayni damning eng tez harakatlana oladigan transportlaridan biridir. Uning motorida 43 ming ot kuchi mavjud, o‘lchami esa 282 futga yetadi. Abramovich ushbu kemaga 2004 yildan 2009 yilgacha egalik qiladi. 2009 yilda esa pokistonlik biznesmen Alshayir Fiyazga sotib yuborgan. Konstruksiya ichida lyuks darajadagi sharoitda 14 ta mehmonga joy topiladi. Shuningdek, kemada ikkita vertolyot qo‘nish maydonchasi mavjud. «Ecstasea» 2019 yili Karib dengizida kichik halokatga uchrab, ta’mirtalab ahvolga kelib qolgan edi.
«PELORUS»
Umumiy bahosi 270 million funtni tashkil etuvchi kema, 2003 yilda qurib bitkaziladi. 377 fut o‘lchamga ega bo‘lgan «Pelorus», 2004 yilga qadar arabistonlik biznesmen ixtiyorida bo‘lgan. Abramovich 2005 yilda o‘z kemasini Jon Terri hamda Frenk Lempardga dam olishlari uchun ikki haftaga ijaraga beradi. Chunki o‘sha mavsumda «Chelsi» APL chempioni bo‘lgandi. 2007 yili esa kema Jon Terri va uning ayoliga asaloyini maroqli o‘tkazish uchun xizmat qilgan. Shundan keyin, bir muddat rus oligarxining sobiq xotini Irina ixtiyoriga o‘tgan kema, 2011 yilda amerikalik film rejissori Devid Gaffenga pullanadi.
«LUNA»
Hozirda dunyoning ikkinchi raqamli ekspedisiyon kemasi bo‘lgan «Luna», Abramovichga 2010 yilda yetkazib berilgan. Kema ichida har biri 100 metr kvadratdan bo‘lgan 10 ta VIP kabina hamda 20 metrlik basseyn mavjud. Shuningdek, «Eclipse» kabi ushbu yaxtada ham havo-hujumiga qarshi himoya tizimi bor. Kema 2014 yilda ozarboyjonlik milliarder Farxod Ahmedovga 210 million funtga sotib yuborilgan.
Jaloliddin ISMATOV tarjimasi
Neftchi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
