YECHLning nimchorak bosqichi bizga ajoyib o‘yinlar, taasurotlar hamda xotiralar berdi. Muxlislar Turindagi shok uchrashuvga guvoh bo‘lishdi. Unda «Vilyarreal» gegemonlikdan qaytib qolgan «Yuventus»ni o‘z maydonida yer tishlatgandi (3-0). Shuningdek, Diyego Simeone boshchiligidagi jamoa «MYU»ni musobaqa bilan xayrlashishga majbur qilgan. Qolaversa, bunda Madrid shahridagi o‘yin turnir bezagiga aylangan: «Real» umumiy hisobda 2-0 bilan ortda borayotib, o‘yinning so‘nggi 45 daqiqasida 3 ta gol bilan raqibga «dam berdi». Quyida shu va boshqa uchrashuvlardagi eng yaxshi futbolchilardan iborat ramziy jamoa haqida gap boradi.
1. Darvozabon va himoyachilar
Yan Oblak (darvozabon) - U vanihoyat o‘z darajasini yana isbotlay oldi. So‘nggi paytlar faoliyatida ancha pasayish kuzatilgan Oblak, «MYU» muxlislarini xafa qiladi. Sloveniya terma jamoasi a’zosi sa’y-harakatlari bilan uning sheriklari «Old Trafford»dan g‘alaba bilan qaytgandi.
Serj Orye (o‘ng qanot himoyachisi) - Ha, u loyiq bunga. Serj Turindagi kutilmagan g‘alabada katta hajmdagi ishni bajargandi. «Vilyarreal» esa YECHLning keyingi bosqichiga yo‘l oladi. Orye bunda bitta assistni o‘z hisobiga yozdirib, darvozani dahlsiz saqlashda yaxshi qatnashdi.
Pau Torres (markaziy himoyachi) - Angliyadagi ko‘plab jamoalar nazariga tushgan futbolchi, o‘tgan chorshanba oqshomida buning sababini ko‘rsatib qo‘ya oldi. U «Yuventus»ga qarshi himoyani ishonchli qo‘riqladi va bitta golga ham mualliflik qildi.
Yan Vertongen (markaziy himoyachi) - Sobiq «Tottenxem» vakili «Ayaks»ga qarshi g‘alabali o‘yinda fenomenal harakatlari bilan yodimizda qoldi. U va jamoadoshlarining muvaffaqiyatli o‘yini «Benfika»ni keyingi bosqichga olib chiqqan edi.
Aleks Grimaldo (chap qanot himoyachisi) ‐ Bunda ham xuddi shunday yakun. O‘zi bu bosqich «Benfika» himoyachilariga atalgandek edi. Grimaldo «Ayaks»ga qarshi sheriklaridan qolishmadi. U haqli ravishda ushbu ro‘yxatdan joy oldi.
2. Yarim himoyachilar
Bernardu Silva (o‘ng qanotda) - Portugaliya terma jamoasi a’zosining nimchorak finalda ko‘rsatgan har ikki o‘yinini qo‘shib, uni eng yaxshi futbolchilar qatorida edi, deyish mumkin. «Sporting»ga qarshi kechgan bahsda Bernarduning xizmati katta edi. U mehmondagi o‘yinda, Lissabonda ikkita golga mualliflik qilgan. Ulardan biri turnirning eng chiroyli goli bo‘lishga nomzoddir.
Luka Modrich (markazda) - Chempionlar ligasi tarixidagi eng yorqin kombekda xorvatiyalikning xizmatlari beqiyos edi. Modrich «PSJ»ga qarshi so‘nggi 20 daqiqalikni fanastik darajada o‘tkazdi. U bu bilan o‘zining sayyoramizdagi eng yaxshi yarim himoyachilardan biri ekanini yana bir bor namoyish qildi.
Tomas Myuller (markazda) - «Leypsig»ga qarshi 7-1 hisobida tugagan o‘yinda tabloda Myuller nomi ham porlab turgandi. Uning Levandovski bilan bog‘liqlik darajasi hali ham Yevropadagi eng yaxshisi deya qaralmoqda. Tomas standart futbolchilar ichida o‘zgacha harakatlari bilan ajralib turadi. Shu sabab ham u ramziy terma jamoada turibdi.
Vinisius (chapda) - Dunyodagi eng yaxshi chap qanot himoyachisi bo‘lgan Ashraf Hakimiga qarshi qanday o‘ynash kerakligini faqat u ko‘rsatishi mumkin. Vini J «Real» uchun allaqachon zaruriy figuraga aylanib ulgurdi. Uning «PSJ» bilan ko‘rsatgan o‘yini buni yana bir bor qiyoslashga yordam beradi.
3. Hujumchilar
Robert Levandovski (markaziy hujumchi) - Yana bir o‘yin, yana bir ajoyib hafta va yana bir xet-trik («Leypssig»). Umuman olganda, Leva uchun bunday holat allaqachon normal bo‘lib qolgan. Polshalikning nimalarga qodir ekanini ortiqcha ta’kidlab o‘tirish shart emas deb hisobladik...
Karim Benzema (markaziy hujumchi) - Fransiya terma jamoasi a’zosining «PSJ» boshiga qanday kunlar «solib qo‘ygani», hammasini bir nafasda bilib olishga yordam beradi. Ushbu xet-trik YECHL tarixidagi eng yorqin sahifalardan joy oladi. Benzema «Santyagu Bernabeu»da uchta gol urdi. Bu esa «katta kalibrli» futbolchi qanday bo‘lishi kerak, degan savolga o‘ta sodda va tushunarli javobdir.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
