1 aprel kuni 2022 yilgi Jahon chempionati uchun saralangan jamoalar o‘rtasida qur’a tashlash marosimi o‘tkazildi. Unda deyarli hamma, guruhdagi raqiblari kim bo‘lishini bilib oldi. Xususan, Angliya terma jamoasi ham. Endi inglizlar 56 yillik tanaffusdan keyin Qatardagi kubokni yutish uchun nimalar qilish kerakligini yaxshi biladi. Garet Sautgeyt shogirdlari tarixdagi ilk qishki mundialda, nisbatan osonroq guruhdan joy oldi.
«Uch Sherlar» B guruhida Eron, AQSH hamda ehtimoliy Uels, Shotlandiya va Ukraina triosi g‘olibi bilan to‘qnash keladigan bo‘ldi. 2018 yilda yarim finalgacha, Yevro-2020da esa finalga qadar yetib bora olgan inglizlar, guruhni g‘olib sifatida yakunlashiga ishonadi. Ammo pley-off bahslari qanday o‘tadi? Turnirning mana shu tomoni jiddiyroq masala sifatida qaralishi kerak.
Quyida e’tiboringizga Angliyaning finalga qadar bo‘lgan ehtimoliy yo‘lini keltirib o‘tamiz.
Guruh bahslari:
B guruhi
Angliya
Eron
AQSH
Uels/SHotlandiya/Ukraina
21 noyabr – Angliya va Eron
25 noyabr – Angliya va AQSH
29 noyabr – Uels/Ukraina/ Shotlandiya va Angliya
Nimchorak final:
3‐6 dekabr.
Agarda Angliya terma jamoasi B guruhini g‘olib sifatida yakunlasa, u holda A guruhida ikkinchi o‘rinni olgan raqib bilan to‘qnash keladi. Bu raqib esa Qatar, Ekvador, Senegal yoki Niderlandiya bo‘lishi mumkin.
Bordi-yu, Sautgeyt shogirdlari ikkinchi o‘rinni olsa, A guruhining g‘olib jamoasiga duch keladi. Bu g‘olib jamoa esa katta ehtimol bilan Afrika chempioni Senegal yoxud Niderlandiya bo‘ladi.
Chorak final:
9-10 dekabr
Siz ayni bosqichga kelib, musobaqaning eng qizg‘in pallasiga guvoh bo‘layotgan bo‘lasiz. Bu yerga Angliya terma jamoasi nimchorakdan o‘tib kelishi kerak bo‘ladi. Agar buni eplasa, ular D guruhi g‘olibi yoki C guruhida ikkinchi o‘rinni olgan jamoaga ro‘baro keladi.
Bu, raqibni ko‘p ehtimol, Fransiya yoki Argentina bo‘lishini anglatadi. Qolaversa, ikkinchi variant ham mavjud. Unda esa jamoalar ko‘p: BAA/Peru, Daniya, Tunis, Saudiya Arabistoni, Meksika va Polsha ham raqibga aylanishi mumkin.
Yarim final:
13-14 dekabr
Agar Angliyaga omad kulib, jamoa 2018 yilgi natijasini takrorlay olsa, u holda yarim finaldagi raqib ancha kuchli bo‘ladi. Ulaf E, F, G yoki H guruhidan chiqib kelgan bo‘lishi mumkin. Ushbu guruhlarning eng favorit jamoalari ichida Ispaniya, Germaniya, Belgiya, Braziliya va Portugaliya mavjud. Shuningdek, Kosta-Rika/YAngi Zelandiya, Yaponiya, Kanada, Shveysariya, 2018 yilgi finalchi ‐ Xorvatiya, Serbiya, Kamerun, Gana, Urugvay hamda Janubiy Koreyaga ham potensial raqib sifatida qarash mumkin.
Final:
18 dekabr
Agarda, yana qaytaramiz, agarda(!) Garet Sautgeyt Angliyani yana bir finalga yetaklay olsa, u yerda «Uch Sherlar» uchun Jahon chempionatiga chiqa olgan istalgan raqib qarshilik qilishi mumkin. Mundial finali esa 18 dekabr kuni, Rojdestvodan atigi bir hafta oldin bo‘lib o‘tadi.
ingliz tilidan Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
