Mart oyining o‘tgan 31 kuni yorqin xotiralarga boy bo‘ldi. Bu vaqt davomida ikki hafta xalqaro tanaffuslar bo‘lib o‘tgan bo‘lsa ham, Premyer-liga qaynoq voqealarsiz qolib ketmadi. Har oy, siz muxlislarning e’tiboringizga Yevropaning beshta kuchli milliy chempionatidagi eng yorqin futbolchilarni tanlash imkoni taqdim qilinadi. Quyida APLda «Oy futbolchisi» nomi uchun da’vogar o‘yinchilar nomi qayd etib o‘tiladi.
Bukayo Saka – «Arsenal»
O‘yinlar: 4 ta
Gollar: 2 ta
Uzatmalar: 1 ta
Bukayo Sakaning ajoyib sport formasi, «Arsenal»ning mart oyida qo‘lga kiritgan g‘alabalarida har doimgidek muhim bo‘ldi. Uning qayd etgan statistikasi ham buni isbot etadi. Yosh talant «Uotford»ga qarshi o‘yinda fantastik gol hamda assist muallifiga aylangan edi. O‘sha o‘yinda Martin Edegor hamda Sakaning klassik kombinasiyasi e’tiborga molik vaziyat sifatida yodimizda qoldi. «Lester» bilan bahsdagi g‘alabada ham Sakaning harakatlari hal qiluvchi ahamiyat kasb etdi. Shuningdek, aynan Angliya terma jamoasi a’zosining goli, to‘pchilarning «Aston Villa» maydonidagi g‘alabasini ta’minlagan.
2. Harri Keyn – «Tottenxem»
O‘yinlar: 4 ta
Gollar: 4 ta
Uzatmalar: 2 ta
Mavsum o‘z yakuniga yaqinlashgani sayin, Keynning formasi avvalgi holiga qaytib bormoqda. Bu yaxshi, albatta. Oy davomida 4 ta o‘yinda maydonga tushib, 6 ta golda ishtirok etgan futbolchi, ayrim yosh hujumchilar uchun masterklass o‘tab berdi desak, yangishmagan bo‘lamiz. Ular ichida Keynning «Everton»ni 5-0 hisobidagi sharmandali mag‘lubiyatidagi harakatlari va gollari, ayniqsa, e’tiborga molik. U «Vest Xem»ga qarshi bahsda gol urmadi, ammo ikkita uzatma bilan jamoasini g‘alaba tomon yetaklay oldi. Nomzodlar ichida Keyn, nisbatan kuchli pozisiyaga ega.
3. Ayvan Touni – «Brentford»
O‘yinlar: 3 ta
Gollar: 5 ta
Uzatmalar: 0 ta
Ayvan Touni uchun APLdagi ilk mavsum ajoyib kechmoqda. U hozirga qadar, jumladan, mart oyida ham yuqori daraja namoyish etib kelmoqda. Ingliz hujumchisi o‘tgan oy davomida 3 ta o‘yin o‘tkazdi, ammo 5 ta golga mualliflik qildi. Ajoyib mahsuldorlik-a?!
Ushbu gollar «Norvich»ga qarshi bahsdagi xet-trikni hamda «Byornli» bilan o‘yinda dublni o‘z ichiga olgan. Har ikki uchrashuv «arilar» foydasiga hal bo‘ladi. Ha aytgancha, Tonining gollaridagi Kristian Eriksenning ta’sirini alohida ta’kidlab o‘tish lozim.
4. FilippYE Koutinyo – «Aston Villa»
Uchrashuvlar: 4 ta
Gollar: 2 ta
Uzatmalar: 1 ta
Oy hamma jamoa kabi «Aston Villa» uchun ham ikkiga bo‘lingan holda o‘tdi. Ammo Koutinyoning darajasi villianlar uchun o‘ta muhim ahamiyat kasb etdi. Stiven Jerrard shogirdlari oy davomida ketma-ket g‘alabalarga erisha oldi. Bunda esa Koutinyo katta rol o‘ynaydi. Xususan, Braziliya terma jamoasi a’zosi «Sautgempton» bilan bahsda o‘yin futbolchisi deb topildi. 4-0 hisobida yakunlangan uchrashuvda Koutinyo gol va uzatmaga mualliflik qilgan. «Lids»ga qarshi g‘alabali uchrashuv ham bundan mustasno emas.
5. Kay Xavers – «Chelsi»
O‘yinlar: 3 ta
Gollar: 4 ta
Uzatmalar: 1 ta
To‘laqonli aytish mumkinki, mart oyida Kay Xaverts, vanihoyat, o‘zining APLda harakat qilishini dunyoga namoyish etib bera oldi. «Byornli» bilan mehmondagi golidan ilhomlangan hujumchi, «Norvich»ga qarshi o‘yinda gol va assistga erisha oldi. Germaniya terma jamoasi a’zosi «Nyukasl» bilan asabiy va murakkab kechgan uchrashuvda so‘nggi daqiqalardagi g‘alaba goliga mualliflik qilgan edi.
6. Kucho Ernandes – «Uotford»
O‘yinlar: 3 ta
Gollar: 3 ta
Uzatmalar: 1 ta
«Uotford» bu mavsumda qiyin ahvolda qoldi. Jamoa bundan bir yil ilgari Chempionshipda edi, ammo klubda iqtidorli futbolchilar ko‘p. Shulardan biri esa Kucho Ernandesdir. U mart oyini ideal o‘tkazdi desak, mubolag‘a bo‘lmaydi. Kolumbiya terma jamoasi a’zosi oyni «Arsenal» bilan bahsda sensasion «qaychi uslubi»dagi gol bilan boshlab oladi. Keyin esa, «bug‘ular»ning oy so‘ngidagi o‘yini, «Sautgempton» bilan uchrashuvida Ernandesning triumfini tomosha qildik. Ushbu o‘yinda Kuchoning dubli evaziga Roy Xodjson shogirdlari g‘alaba qozongan edi.
Siz ham ushbu havola orqali APLdagi eng yaxshi hujumchini aniqlashda ishtirok etishingiz mumkin.
Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
