"Manchester Siti" ustozi Pep Gvardiola murabbiy sifatida izlanishi va rivojlanishini aytib o‘tdi.
"Barselona B" jamoasidan murabbiylik faoliyatini boshlagan kataloniyalik, 15 yil davomida 31 sovrinni qo‘lga kiritdi va barcha davrlarning eng muvaffaqiyatli futbol ustozlari qatoridan joy egalladi.
Gvardiola "Manchester Siti" murabbiyi sifatida Premyer-Ligadagi 250-g‘alabasini nishonlashi uchun yana bitta o‘yin kerak bo‘ladi.
Ko‘plab muvaffaqiyatlariga qaramay, u doimiy ravishda o‘z ustida ishlashi, o‘rganishi va rivojlanishini, Yurgen Klopp u yaxshi ko‘radigan hamda o‘rganadigan murabbiylar orasida ekanligini ham aytib o‘tdi.
"O‘z ko‘rganlarimdan shuni aytishim kerakki, men Yurgenga yaqinman. Biz ko‘p jihatlar bo‘yicha juda o‘xshashmiz, ammo uning hujum uchligi sifat bo‘yicha havas qiladigan darajada. Lekin, men faqat Yurgendan emas, balki Premyer-Ligada to‘qnash kelgan barcha murabbiylardan o‘rganaman.
Raqibning nima ish qilayotganini ko‘rishga qiziqaman. Ularning o‘yin uslubini kashf qilish va ularni biz qanday nazorat qilishimiz mumkinligini ko‘rish - mana shu sababdan men murabbiyman, sizning qarshingizda o‘tiribman", - deya jurnalistlarga murojaat qildi Gvardiola.
"Ba’zida o‘yinchilarni g‘amgin holatda ko‘rganimda ko‘p asabiylashaman, chunki ular o‘ynashga munosib bo‘lishadi va bu paytda javobgarlikni his qilaman. Buni yoqtirmasligim yaxshi emas, biroq ko‘p narsalarni o‘rganaman. Shuning uchun ham faoliyatimni boshlagan davrimga nisbatan o‘zimni yaxshiroq murabbiy sifatida his qilaman.
Raqiblardan o‘rganaman, taktika yoki boshqa narsalar haqida kitoblar o‘qish orqali izlanaman, ularning nima qilishlari borasidagi tajribalari va qanday fazilatga ega ekanliklarini bilib boraman. Shuningdek, keyingi safar ularga qarshi yaxshiroq o‘ynashga va g‘alaba qozonishga harakat qilaman" - deydi ispaniyalik mutaxassis.
Bundan tashqari, Gvardiola Angliyadagi OAV va jamoat oldida murabbiy bo‘lish mukammal atmosferani taqdim etishini ta’kidlab o‘tdi.
"Bu yerda xotirjamroq. Angliya futbolchi va murabbiy bo‘lish uchun eng yaxshi mamlakat sanaladi. Yutganimizda yoki yutqazganimizda, tanqidlarni va ko‘plab yaxshi narsalarni qabul qilamiz. Ammo, bu yerda odamlar murabbiylar va o‘yinchilarni qanday hurmat qilishidan kelib chiqib ayta olamanki, bu yerni men bo‘lgan davlatlar bilan solishtirib bo‘lmaydi.
Bu yerda barcha futbolga boradi, tashqaridan ko‘plab insonlar jalb qilinadi. Bu yerda barchasi mukammal", - deya ta’kidladi Pep Gvardiola.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
