Oldin ham bu haqida ko‘p gapirganmiz – Angliya kubogi futbol tarixidagi eng qadimiy turnir. Unda Birlashgan Qirollikdagi professional futbol klublarining hammasi ishtirok etish huquqiga ega. Musobaqada qatnashish, albatta moliyaviy tomondan foydalidir. Angliya Futbol assosiasiyasi musobaqaning har bir bosqichi uchun alohida pul mukofotlari belgilagan. Bu esa klublar uchun yaxshigina foyda olish imkoniyatini beradi. Ushbu daromad pastki liga jamoalari uchun katta yordam bӯladi. Shu bilan birga APL vakillari ham turnirda uzoqroqqa borish orqali kattagina rag‘batga ega chiqadi. «Uembli»da esa bosh sovrinni ko‘tarish orqali eng yirik pul mukofotini qo‘lga kiritish mumkin...
Angliya kubogining 2021-22 yilgi mavsumi ilk bosqichlarida qatnashgan va g‘alaba qozongan klubga 1,125 funt mukofot belgilangan. Hatto mag‘lub bo‘lgan tomon ham quruq qo‘yilmaydi. Ular 375 funt bilan siylangan. Bosqichlar yangilangani sayin mukofotlar ham yiriklashadi. Xususan, birinchi raundning g‘oliblari bu mavsumda 22,629 funt yutishga muvaffaq bo‘lgan. Mag‘lublar esa o‘z haqqini yarim final hamda final bahslaridan keyin olishadi.
Musobaqaning uchinchi bosqichida APL va Chempionship jamoalari to‘qnash kelsa, g‘olib tomonga 82,000 ming funt mukofot taqdim etiladi. Shu zaylda, jamoalar yangi bosqichga chiqqani sayin moliyaviy rag‘batlar ham oshib boradi. Jumladan, finalga yetib kelgan jamoa g‘oliblikni qo‘lga kiritsa, 1,8 million funtga ega bo‘ladi. Ushbu klubning mavsum davomida faqatgina FA kubogi turnirida qo‘lga kiritgan umumiy mablag‘i 3 million 412 ming funtni tashkil etadi. Finaldagi mag‘lub klub ham quruq qoldirilmaydi. Ular ham 900 ming funt bilan siylanadi. Mag‘lub jamoa Angliya kubogi davomida yig‘gan umumiy summasi esa 2 million 512 ming funtga teng bo‘lishi ko‘zda tutilgan (2021-22 yilgi mavsum uchun).
Angliya ayollar futbolidagi ayni shu musobaqaning muqobili yaqin yillar ichida tanqid ostida qolmoqda. Bunga asosiy sabab esa mukofot pullarining erkaklarniki kabi ko‘p emasligidir. Xususan, ayollar jamoasi turnirning birinchi bosqichida g‘alaba qozonsa, 850 funtga, mag‘lub esa 215 funtga ega chiqadi (erkaklarniki bilan solishtiring!). To‘rtinchi bosqichda g‘alabaga ega bo‘lgan klub bor-yo‘g‘i 2000 funt yutib oladi. Mag‘lub esa – 500 funt (juda kulgili summa). Final bosqichidagi zafarning narxi 25 ming funt qilib belgilangan. Umumiy hisoblaganda, finalga chiqqan ayollar klublari g‘olibining mavsumiy daromadi 39 ming, mag‘lubniki esa 29 ming funtni tashkil etadi ( faqat FA kubogi turnirida).
Biroq Angliyadagi jamoatchilik va tegishli tashkilotlarning bosimi bilan musobaqa tashkilotchilari ayollar turniriga keyingi mavsumdan umumiy qiymati 3 million funtga teng bo‘lgan mukofot puli qo‘yishni rejalashtirmoqda. Bu esa katta ijobiy o‘zgarishlarga sabab bo‘ladi.
Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
