Osiyo chempionlar ligasi G‘arb mintaqasida guruh bosqichi o‘yinlari yakuniga yetdi. Alisher Nikimbayev yangilangan OFK koeffisiyentlar jadvalini taqdim etdi.
Guruh bosqichidan so‘ng O‘zbekiston klublari 9,6 ball to‘plashdi. Joriy mavsumda bu ko‘rsatkich G‘arb mintaqasi mamlakatlari orasida to‘rtinchi natija hisoblanadi. Ammo 2021 yildagi yuqori natijamiz tufayli O‘zbekiston G‘arb jadvalida 2-o‘rinni egallab turibdi. Jami — 37.280 ball. Saudiya Arabistoni bizdan ancha ilgarilab ketgan bo‘lsa (61.250), keyingi pog‘onalardagi Eronni 0.555 ballga, Qatarni esa 2.580 ballga ortda qoldiryapmiz. "So‘g‘diyona" klubi OFK kubogidagi ishtirokini boshlagach, bu jamoalar o‘rtasidagi farqni oshiramiz. Boisi, Eron va Qatar vakillari OFK kubogida ishtirok etishmaydi.
Guruh bosqichida ishtirok etgan Eronning 2 klubidan bittasi pley-offga chiqdi va "Fulad" nimchorak finalda Saudiya Arabistonining "Al-Faysaliy" klubi bilan to‘qnash keladi. Qatar esa guruh bosqichida 4 jamoa ishtirok etdi. Pley-offga chiqqan ikki klub ("Duhayl" va "Ar-Rayyan") pley-off bosqichida o‘zaro to‘qnash keladigan bo‘lishdi. Shu bois, Qatar fevral oyida o‘z hisobiga ma’lum ochkolarni qo‘shib qo‘ya oladi.
Shuning uchun mavsum so‘ngida O‘zbekiston 2-pog‘onada qolishi uchun "So‘g‘diyona" va "Nasaf" yaxshi natijalar kutib qolamiz. Osiyo chempionlar ligasining hozirgi formatida bu pog‘ona O‘zbekistonga 2024 yilgi mavsumda "3+1" ko‘rinishida kvota beradi. Ammo, manbaga ko‘ra, aynan 2024 yildan boshlab Osiyo chempionlar ligasi formati o‘zgarishi kutilmoqda. Yangi formatda kvotalarning taqsimoti qanday bo‘lishi haqida hozircha bir gap aytish qiyin.
Ma’lumot o‘rnida. O‘zbekiston Osiyo chempionlar ligasining 2023 va 2024 yilgi mavsumlar uchun "2+2" ko‘rinishida kvotalarni qo‘lga kiritgandi. Ammo OFK kutilmaganda musobaqani "kuz-bahor" tizimiga o‘tkazishga qaror qildi. Natijada O‘zbekiston "2+2" kvotasidan faqat bir mavsum foydalanishi mumkin. Qolganini esa vaqt ko‘rsatadi.
Darvoqe, jadvalda ko‘zingiz tushgan bo‘lsa, 2020 yilgi natijalar bekor qilingan. Boisi, koronavirus pandemiyasi tufayli o‘sha mavsumda OFK kubogi o‘tkazilmagandi. Shuning uchun OFK 2020 yilgi koeffisiyentlari hisobga olmaslikka qaror qilgan, afsuski. O‘sha yili O‘zbekiston juda yuqori ball to‘plagandi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
