Ten Xag "Manchester Yunayted"ni yangidan qurish uchun kelayotgani aniq bo‘lib ulgurdi. U yozda o‘zining uslubiga mos tushadigan futbolchilarga e’tibor qaratishi turgan gap. Quyida o‘tmishda ten Xagning shogirdi bo‘lgan va "MYU" uchun nishonga aylanishi ehtimol qilingan futbolchilarning ayrimlariga to‘xtalib o‘tamiz.
Frenki de Yong – "Barselona"
Ten Xag hamda de Yong o‘rtasida "Ayaks"dagi davrdan beri yaqin munosabatlar mavjud. Yarim himoyachi "Ayaks"da o‘z debyutini ten Xag kelishini bir yil oldin o‘tkazadi. Ammo aynan ten Xag davrida 24 yoshli futbolchi yuksak darajaga chiqdi. U "Ayaks"da eng yaxshi futbolchi edi. Shu sabab ularni yana birga ko‘rishimiz mumkin. Ammo bu safar "MYU" safida.
Antoni – "Ayaks"
Braziliyalik hujumchi ten Xagning "Ayaks"ida Yevropadagi eng yaxshi talant ekanini ko‘rsatib bera oldi. "MYU" uni o‘tgan yili kuzatuvga olgandi. U paytlar ten Xagning APLga kelishi borasida gap-so‘zlar mavjud bo‘lmagan. Antoniga "Liverpul" ham jiddiy qiziqish bildira boshlagan. Ammo Erik ten Xagning ta’siri ostida, uning "MYU"ga kelish ehtimoli yuqoriroq baholanadi.
Nussair Mazraui – "Ayaks"
Marokash terma jamoasi a’zosi yaxshi daraja va sport formasiga ega. U yozda erkin agentga aylanadi. Himoyachi "MYU"ga asqotishi mumkin. Negaki, o‘ng qanot himoyasi "qizil iblislar"ning nozik nuqtasidan biridir. Shunga qaramay, Mazraui uchun "Bavariya" ham da’vogar va Germaniya chempioni uni ilib ketishga ancha yaqindir.
Matteys de Ligt – "Yuventus"
De Ligt ham xuddi de Yong kabi teng Xagning "Ayaks"dagi ishlari mahsuli edi. "Yuventus" futbolchisi o‘z vaqtida dunyoning eng yosh va yorqin himoyachisiga aylangandi. Shubhasizki, ten Xag uni yana o‘z jamoasida ko‘rishni xohlagan bo‘lar edi. Ammo uni sotib olish oson bo‘lmaydi. Negaki, "Yuventus" himoyasi aynan unga qurilgan. Shu sabab, turinliklar uni kamida 100 million funtga baholagan bo‘lardi. Bu esa istalgan jamoaga qimmatlik qiladi.
Sebastyan Aller – "Ayaks"
Yana bir "Ayaks" yulduzi Aller – ten Xag sevimlilaridan biri. U 2021 yilda "Vest Xem"dan olib kelinadi. Ivuarlik hujumchiga Angliya futboli to‘g‘ri kelmadi. Niderlandiyada esa Aller haqiqiy yulduzga aylandi. Shu sabab "Vest Xem" uni qayta sotib olishi o‘ylamoqda. Ammo uning yo‘lida "MYU"dek katta muammo vujudga keldi. Ko‘ramiz, Aller janoblari kimga nasib qilarkin...
Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
