Bugun ko‘plab futbolchilar o‘z shartnomalarining so‘nggi davrini o‘tkazmoqda. Ular tez orada erkin agent sifatida o‘z jamoasidan ketadi va yangi jamoa izlay boshlaydi. Bu hol har yili takrorlanaveradi. Tekin futbolchilarga qiziqqan tomonlar esa bitim orqali ularni jalb etish imkoniga ega bo‘ladi. Quyida yozda erkin agentga aylanadigan o‘yinchilardan tuzilgan ramziy terma jamoa qayd etilgan.
Darvozabon – Valter Benites
«Nissa» darvozaboni bu mavsumda yil kiperi nominasiyasiga nomzod bo‘lgandi. 29 yoshli futbolchida hali o‘zini ko‘rsatish uchun yetarlicha vaqt mavjud. Uni sotib olgan jamoa esa faqat foyda ko‘radi.
O‘ng qanot – Serj Orye
Sobiq «Tottenxem» vakili APLda omadini topa olmadi. Yozda esa istalgan jamoa safini to‘ldirishi mumkin. 29 yoshli himoyachi foydali xaridlardan biri sanaladi.
Markaziy himoyachi – Andreas Kristensen
Daniya terma jamoasi a’zosi «Chelsi»ning muhim vakillaridan biri edi. Ammo London klubi hukumat taqiqi sabab uni jamoada olib qola olmaydi. Shunday ekan u ham ozod qush.
Markaziy himoyachi – Jeyms Tarkovski
«Byornli» vakili o‘z jamoasini o‘zgartiradi. Negaki, uning klubi APLda qola bilmadi. 29 yoshli himoyachi sifatli futbolchidir. Shu sabab uning xaridorlari anchagina. APLning o‘zida Tarkovskiga qiziquvchilar soni ortib bormoqda.
Chap qanot – Xalstenberg
30 yoshli «Leypsig» futbolchisi bu mavsumni jarohatlar iskanjasida o‘tkazdi. Ammo u hali ham Yevropa klublari uchun foydali xarid bo‘la oladi. Nemis futbolchisi nafaqat qanotda, balki markaziy mudofaada ham harakat qiladi. Bu esa uning ustun taraflaridan biridir.
Yarim himoyachi – Pol Pogba
«Qizil iblislar» vakili shu kungacha sayyoramizdagi eng iste’dodli futbolchilardan biri sifatida qaralar edi. Biroq uning APLdagi ishlari yurishmadi. Balki «Yuventus»ga qaytish, uni yana katta sahnaga olib chiqar. Harxolda, u yerda haqiqiy Pogba nimalarga qodir ekanini ko‘rgan edik.
Yarim himoyachi – Florian Grillich
«Xoffenxaym» vakili markaziy himoyachi ro‘lini ham yaxshi bajaradi. 26 yoshli futbolchi bu yoz erkin agentga aylanadi. Avstriya terma jamoasi a’zosi tajribali futbolchi sifatida istalgan jamoaga mos keladi.
Yarim himoyachi – Eriksen
U APLga qaytganidan buyon, top-darajasini namoyon etib kelmoqda. Erkisen «Brentford» klubidan ketishga tayyorgarlik ko‘rmoqda. Ammo yuragidagi muammolar sabab Italiyaga bora olmaydi. Shu tufayli daniyalikni keyingi mavsum ham Angliyaning o‘zida ko‘rsak kerak.
Chap qanot – Usmon Dembele
«Barselona» hujumchisi yozda Kataloniyani tark etadigan ko‘rinadi. 25 yoshli fransuz o‘z faoliyatining burilish nuqtasida turibdi. Dembele ancha qiyinchiliklardan keyin biroz barqarorlikka erisha olgandi. Ammo hali yangi bitim tuzganicha yo‘q.
O‘ng qanot – Paulo Dibala
Argentinalik bu mavsumda jami 15 ta gol urishga erishdi. Ammo «Yuventus» uni olib qolishni istamayapti. Dibala hujum uchligining har qaysi nuqtasida o‘ynay oladi. U hujumchi ortida o‘ynash uchun ham moslashgan. Shu sababli istalgan klub uning ortidan foyda ko‘rishi mumkin.
Markaziy hujumchi – Luis Suares
Ro‘yxatimizdagi eng tajribali futbolchilardan biri Suaresdir. Ammo uning shartnomasi yakuniga yetmoqda va «Atletiko» uni qo‘yib yuborishga tayyor. Urugvay terma jamoasi a’zosi bu mavsumda 15 ta gol urishga erishgan. Suares hali bir necha mavsum yuqori darajada o‘ynab bera oladi. Demak, klublar uni boy bermasligi kerak.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
