2021-2022 yilgi mavsumning katta qismini tahlil qilganda, bu ma’lumotlarni «Barselona» muxlislari o‘qishni istamasligi mumkin. Negaki, avvalboshdan klub uchun hammasi og‘ir bo‘la bordi. Klubga aloqador barchaning hafsalasi pir bo‘lgan, o‘rtada esa yagona savol qolgandi: «Barselona» qanchalik tubga g‘arq bo‘ladi? Ammo jamoa qayta oldi. Ular mavsumni 2 o‘rinda yakunladi. Ortda qolgan mavsum «Barselona» uchun qo‘rqinchli tush bo‘lish bilan bir qatorda, umidbaxsh va o‘zgarishlarga boy davrga aylandi. Quyida siz bilan jamoaning ayrim individlari haqida gaplashamiz.
Mavsum o‘yinchisi – Ronald Arauxo
Jerar Pikening davri o‘tib qolganini sezgan klub, himoya borasida tashvishlana boshlagandi. Ammo katta maydonda Arauxo paydo bo‘ldi. 23 yoshli himoyachi mutlaqo fantastik mavsum o‘tkazdi. Urugvay terma jamoasi a’zosi «Barselona» yulduziga aylanib oldi va jamoasining g‘alabasiga katta hissa qo‘shdi.
Mavsum goli: Jordi Alba («Atletiko»ga qarshi)
Albaning o‘zi balki bu golini eng yaxshisi deb atamagan bo‘lardi. Ammo golning o‘ziga xosligi va muhimlik darajasini hisobga olgan holda, aynan «Atletiko» darvozasiga urilgan golni eng yaxshisi deb topdik.
Alba qanotdan yugurib keladi. O‘ziga uzatilgan to‘pni darvozaning yaqin burchagiga to‘xtatmasdan tepish o‘rniga, to‘pni qarama-qarshi burchakning yuqorisiga yo‘llaydi. Yakunda esa «Barselona» «Atletiko» ustidan 4-2 hisobida g‘alabaga erishadi.
Mavsum o‘yini – «Real Madrid»ga qarshi
«Barselona» «Santiagu Bernabeu»ga tashrif buyuradi. U yerda 4 ta javobsiz gol uradi. Menimcha, bundan yaxshiroq ssenariyni hatto klubning eng ashaddiy muxlislari ham topib bera olmaydi. Ha, o‘shanda «Real» tomonidan ham katta xatolarga yo‘l qo‘yilgandi. Ayniqsa, raqibga moslashish va taktika tanlash borasida. Shu sababdan muxlislar ushbu bahsning har bir taymida ikkitadan gol ko‘rishdi. Ammo bir tomonning darvozasiga. O‘yindan keyin esa «Barselona» uyg‘onganiga guvoh bo‘lgandik.
Mavsum transferi – Obameyang
Mavsum avvalida Serxio Aguero bir dunyo umidlar bilan «Nou Kamp»ga olib kelinadi. Ammo hujumchining yuragi bilan bog‘liq muammolar, uni faoliyatini yakunlashga majbur qilgandi. Shundan keyin klub rahbariyati qishda ham hujumchi izlashga majbur bo‘ldi va uni topdi. APLdan Obameyang tekinga olib kelindi. U «Arsenal»da ancha «zanglab qolgandi». Biroq gabonlik hujumchi Kataloniyada ochilib ketdi. Obameyang 17 ta bahsda 11 ta golga mualliflik qildi. Eng qizig‘i, hech kim undan bu kabi darajani kutmagandi. Bugun esa Obameyangni hamma gapirmoqda...
Mavsum kashfiyoti – Gavi
Bu kategoriyani Gaviga berish adolatdan bo‘lardi. Mavsumni taniqsiz holda boshlab, ko‘p o‘tmay, sayyoradagi eng ajoyib yosh futbolchiga aylanish hammaning ham qo‘lidan kelavermaydi. 17 yoshli yarim himoyachi Ronald Kuman qo‘l-ostida debyut qilgandi. Keyinchalik asosiy tarkib vakiliga aylanib oldi. Gavi terma jamoaning bir bo‘lagi sanaladi. Bugun Ispaniyaning o‘yinlari usiz o‘tmayapti. Bugun Yevropaning istalgan top-jamoasi Gaviga qiziqish bilan qaramoqda. Ammo Xavi uni qo‘yib yubormaydi. Chunki Gavi yaqin kelajakda sayqallana borib, «Barselona»ning yangi Messisiga aylanishi mumkin.
Jaloliddin ISMATOV tarjimasi
Qo‘qon-1912
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
