11 yil avval tarkibida Teofanis Gekas, Xalil Oltinto‘p va Aleksander Mayer kabi futbolchilari bo‘lgan «Ayntraxt» so‘nggi bor Bundesligani tark etgandi.
Kelgusi mavsumda elitaga qaytgan jamoa safida hozirgi sardor - Sebastyan Rode ham bo‘lgan. Quyidagi faktlar Yevropa Ligasi chempioniga aylangan Frankfurt klubi haqida.
* O‘sha kezlari 20 yoshda bo‘lgan Sebastyan Rode uchinchi liga vakili «Kikers Offenbax» jamoasidan endigina kelgandi. Uni jarohatlar qiynadi - maydonda kam ko‘rinish berdi, Bundesliga-2010|2011da bor-yo‘g‘i 11ta o‘yin o‘tkazdi.
* Mavsum-2015|2016da «Ayntraxt» «Nyurnberg»ga qarshi o‘tish o‘yinining ikkinchi bo‘limida quyi ligaga tushib ketishdan qutulib qoldi.
* 2018 yilning bahorida klub kutilmaganda 30 yil ichidagi ilk sovrinini qo‘lga kiritdi - Niko Kovach Germaniya kubogi finalida «Bavariya»ni yengib, so‘ngra Myunxenga ko‘chib o‘tdi. Umuman olganda, «Ayntraxt» chempionlikdan ko‘ra, kubok bahslarida omadliroq chiqmoqda - 5ta sovrin.
* Mavsum-2018|2019da «Ayntraxt» avjiga chiqdi: Yevropa Ligasi guruh bosqichidagi barcha 6 uchrashuvda g‘alaba qozondi, «Benfika», «Inter» va «Lasio» kabi klublarni ortda qoldirdi - yarim finalda penaltilar seriyasida «Chelsi»ga yutqazdi. Ushbu ko‘rsatkichlardan keyin Luka Yovich va Sebastyan Allerni sotish orqali yaxshigina daromad ko‘rdi. Shuningdek, chempionatning so‘nggi turi arafasida ham jamoa Chempionlar Ligasi yo‘llanmasiga da’vogarlik qildi (27 yillikdagi eng yaxshi natijaga erishish uchun biroz omad yetishmadi).
* Frankfurtliklarning Germaniya chempionatida ishlari yurishmayapti - yagona sovrin Bundesligaga asos solinishidan avval (1959 yilda) qo‘lga kiritilgan, so‘nggi yillarda esa atigi bir marta 7dan yuqori pog‘onani egallashgan (o‘tgan mavsum 5-o‘rin). Joriy mavsumda esa jadvalning 11-qatori band etildi. Shunga qaramay, jamoa ilk bor Chempionlar Ligasida qatnashadi.
* «Ayntraxt» Yevropa Ligasi|UYEFA kubogida ikkinchi bor zafar quchdi - dastlabki muvaffaqiyat 42 yil avval (1980) qayd etilgan. O‘shanda yarim final bosqichida to‘rtta (!) Germaniya jamoasi qatnashgan. Kuboklarda esa, avval aytganimizdek, «Ayntraxt»ning ishtiroki nisbatan oson kechadi. Dastlab «Bavariya» to‘sig‘idan o‘tildi, finalda esa Menxengladbaxning «Borussiya»si mag‘lubiyatga uchratildi.
* Yevropa Ligasining yakunlangan mavsumida «Ayntraxt» biror marta yutqazmadi, barcha 13 uchrashuvda gol urdi. Shu tariqa, «Chelsi»-2018|2019dan keyin YELda ushbu ko‘rsatkichga erishgan ikkinchi klubga aylandi.
* Frankfurtliklar yoqimli an’anani davom ettirishdi - ular Ispaniyada o‘tkazilgan yevrokuboklarda biror marotaba mag‘lubiyatga uchrashmadi (so‘nggi final arafasida to‘rtta g‘alaba va bitta durang). Endi esa, ushbu mamlakatda bosh sovrinni o‘zlariniki qilishdi.
* G‘alaba keltirgan penaltini Rafael Santos Borre amalga oshirdi - aynan uning o‘yin paytida urgan goli «Ayn-traxt»ga hisobni tenglashtirishda asqotgandi. Bu kolumbiyalik futbolchilarning YEL finallarida urgan 6-goli bo‘ldi (buning uchun Radamel Falkaoga tashakkur bildirishsa arziydi) - ispanlar ham ayni ko‘rsatkich qayd etishgan. Boshqa hech bir millat vakillari bundan ko‘p gol urishmagan.
* «Ayntraxt» so‘nggi 25 yil ichida daraja jihatidan ikkinchi hisoblangan yevrosovrinni qo‘lga kiritgan ilk nemis klubi bo‘ldi. Qizig‘i, oxirgi marta UYEFA kubogi 1997 yilda Germaniyaga yo‘l olgan - o‘shanda «Shalke» muvaffaqiyat qozongandi. Hozircha UYEFA kubogi|Evropa Ligasi finalidagi g‘alabalar bo‘yicha Italiya, Angliya va Ispaniya vakillari ustun.
****
Finlyandiyaning Xelsinki shahridagi Olimpiya stadionida 10 avgust kuni Yevropa Superkubogi doirasida «Real» va «Ayntraxt» o‘zaro to‘qnash keladi. Madrid klubi Chempionlar Ligasi g‘olibi sifatida ishtirok etadi. Karlo Anchelotti shogirdlari 28 may kuni «Liverpul» ustidan g‘alaba qozonib, YECHL bosh sovrinini qo‘lga kiritdi.
«Ayntraxt» esa Yevropa Ligasi chempioni hisoblanadi. Nemis klubi 18 may kuni «Reynjers»ni mag‘lub etib, shohsupaga ko‘tarildi.
«Ayntraxt» va «Real» 1959/60 yildan beri rasmiy o‘yinlarda bir-biriga to‘qnash kelmagan edi. O‘shanda «qaymoqranglilar» frankfurtliklarni Yevropa Chempionlar Kubogi finalida 7:3 hisobida mag‘lubiyatga uchratgan. Uchrashuvda Alfredo di Stefano het-trik qayd etgan bo‘lsa, Ferens Pushkash pokerga erishgan.
O‘.UMAROV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
