Mixael Zork “Borussiya Dortmund”ning ramziy figurasi hisoblanadi. Nemis mutaxassisi hayotining 44 yilini ushbu klub uchun sarfladi: 20 yil futbolchi, yana 24 yil sport direktori sifatida. Bir necha yil oldin, Zorksiz “asalarilar”ni tasavvur qilishning iloji yo‘qdek tuyular edi. Funksioner “Dortmund” klubida katta hajmdagi ishlarni amalga oshirdi: u transferlar, yoshlar jamoalari va akademiya bilan shug‘ullangan, shuningdek, skautlar bo‘limini boshqargan.
Zork futbolchilik faoliyatini 1998 yilda yakunlagan. Uning so‘nggi klubi “Borussiya” edi. Faoliyati tugaganidan ko‘p o‘tmay, klubga qaytib, sport direktori bo‘ldi. Mixael Zork klub bilan turli davrlarni boshdan kechirdi. “Borussiya” 2005-yilda bankrotlik yoqasida edi. Klub o‘z faoliyatini to‘xtatib qo‘yishi haqida haqiqiy xavf mavjud bo‘lgan. Agar shunday bo‘lsa, shaharning barcha aholisi uchun bu falokat bo‘lardi.
“Borussiya” inqirozdan chiqib ketdi. Klubni bo‘shliqdan chiqarib yuborgan asosiy odamlar: boshqaruv kengashi raisi Xans-Yoaxim Vaske, moliyachi Tomas Tress va Karsten Kramer edi. Inqirozga uchragan jamoa uchun homiylarni izlash va ular bilan til topishish oson bo‘lmadi. Zork ham “Borussiya”ni saqlab qolishda muhim rol o‘ynadi. Juda cheklangan byudjet bilan funksioner jamoaning raqobatbardoshligini saqlab qolishga ishonch hosil qilishi kerak edi. Chempionlar ligasiga yo‘l olish “asalarilar” uchun juda muhim edi.
Bir necha yil davomida “Borussiya Dortmund” uchun qiyin davrlar o‘tdi. Klubning sport bo‘limi butunlay Zorkka ishonib topshirilgan. U esa imkoniyatdan foydalanib, 2008 yilda Yurgen Kloppni bosh murabbiy lavozimiga taklif qildi. Bungacha mutaxassis “Mayns”da 7 yil ishlagan edi. Keyinchalik Mixael Kloppni noilojlikdan ishga olganini tan oldi – lekin u yutqazmadi. Asta-sekin ishlar yaxshilana boshladi. Futbolchilar 7 yil davomida Yurgen bilan birgalikda ikki marta Germaniya chempioni bo‘lishdi, mamlakat kubogi va superkubogini qo‘lga kiritishdi, Chempionlar ligasi finaliga qadar yetib borishdi.
Moliyaviy jihatdan ham vaziyat yaxshilandi. Zork homiyligida “Borussiya” yosh futbolchilarga yaxshi imkoniyatlar yaratib, keyin ularni foyda bilan sotadigan klubga aylandi. “Asalarilar” Pyer-Emerik Obameyang, Kristian Pulishich, Genrix Mxitaryan, Jeydon Sancho va Usmon Dembelening sotuvidan jami 400 million yevro ishlab topgan. Zork o‘zining eng yaxshi futbolchisi, deb hisoblagan Robert Levandovski “Bavariya” tekinga o‘tib ketdi. Ammo Erling Xoland “Manchester Siti”ga 60 million yevro va bonuslar evaziga sotib yuborildi.
Albatta, “Borussiya” uchun sport yutuqlari muhim. Ammo Dortmund klubi uchun moliyaviy barqarorlik yanada muhimroq. Hamma buning ustida ishladi, jumladan Mixael Zork. U o‘yinchilarni topish, ularning o‘yinlarini ochish va sotish uchun butun boshli tizimni yaratdi. Yana bir jihat shundaki, sport nuqtayi nazaridan bu tizim unchalik samarali emas, chunki u uzoq muddatda barqaror jamoani shakllantirishga imkon bermaydi. Zork “Borussiya Dortmund”ning so‘nggi 10 mavsumdan oltitasida Bundesligada 2-o‘rin egallanganini muvaffaqiyat, deb hisoblaydi. Biroq Sebastyan Kel bunday fikrda emas.
Bir necha kundan so‘ng Zork o‘rnini Kel egallaydi. Sebastya Dortmundning “Borussiya”sida 13 yil o‘ynadi va olti mavsum davomida jamoa sardori bo‘ldi. 2018 yildan beri u klub tuzilmasida ishlamoqda – imkon qadar Zorkga yaqin bo‘lishga harakat qildi. Kel tajribali hamkasbidan ko‘p narsani o‘rganganini tan oldi. Shu bilan birga, u “Borussiya”ga o‘z uslubini singdirib, ularni keyingi bosqichga olib chiqmoqchi ekanligini aytdi. Yosh funksioner uchun foydadan ko‘ra sport yutuqlari muhimroq va bu aslida to‘g‘ri qaror. “Asalarilar” asta-sekin o‘yinchilarni qayta sotishdan voz kechishi kerak, aks holda “Bavariya” yana ketma-ket 10 yil chempionlikni qo‘lga kiritaveradi.
“Borussiya” sifatli transfer kampaniyasini Kel ishtirokisiz o‘tkazmoqda. Jamoa himoyachilar Niklas Zyule va Niko Shlotterbekni sotib oldi. Boz ustiga, ikkita markaziy himoyachi uchun atigi 20 million yevro sarflangan. Dortmundning “Borussiya” klubi hujumchi Karim Adeyemini 30 million yevro yevaziga sotib oldi. Bu yosh hujumchi uchun anchagina mos narx. Bundan tashqari, tez orada Dortmundga “Ayaks”ning to‘purari Sebastyan Aller keladi. Bu transfer “Borussiya” uchun rekord summa bo‘ladi.
Kel aqlli yigit. U UEFA lisenziyasiga ega malakali murabbiy. Faoliyatini yakunlagach, Germaniya futbol uyushmasi va Germaniya futbol ligasida ishlashga muvaffaq bo‘ldi. Har ehtimolga qarshi murabbiylik lisenziyasi ham bor. Kel yosh va ambisiyali mutaxassis bo‘lib, oradan bir necha yil o‘tgach, Mixael Zork kabi “Dortmund” klubida jiddiy o‘rin egallaydi. Sebastyanning aytishicha, uning sport direktori etib tayinlanishi “asalarilar”larning nemis futboli cho‘qqisiga qaytishiga asoslangan yangi loyihaning boshlanishi bo‘ladi. Buni tomosha qilish qiziqarli. Agar barchasi ko‘ngildagidek davom etsa, “Borussiya” uchun yangi davr boshlanadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
