Toshkentda o‘tkazilgan Osiyo og‘ir atletika federasiyasi (AWF)ning navbatdagi Kongressida Parij-2024 Olimpiadasiga yo‘llanmalar o‘ynaladigan 2024 yilgi kattalar o‘rtasidagi Osiyo chempionati mezbonligini O‘zbekiston qo‘lga kiritdi.
Xabaringiz bor, shu yilning 15-25 iyul kunlari Toshkentda og‘ir atletika bo‘yicha o‘smirlar va yoshlar o‘rtasidagi Osiyo chempionati o‘tkaziladi. Bugun poytaxtimizda ushbu musobaqa doirasida Osiyo og‘ir atletika federasiyasining navbatdagi Kongressi o‘tkazildi.
«O‘zbekiston» mehmonxonasida bo‘lib o‘tgan Kongressning ikkinchi qismida Xalqaro og‘ir atletika federasiyasi prezidenti Muhammad Hasan Jalud, Osiyo og‘ir atletika federasiyasi (OOAF) prezidenti Al-Mana Muhammad Yusuf, Sportni rivojlantirish vaziri o‘rinbosari, OOAF vise-prezidenti Shaxrullo Mahmudov, shuningdek OOAFning ijroiya qo‘mitasi a’zolari va OAV vakillari ishtirok etishdi.
Kongress kun tartibidan o‘rin olgan eng muhim masalalardan biri – Parij-2024 yozgi Olimpiya o‘yinlariga yo‘llanmalar taqdim etadigan 2024 yilgi qit’a chempionati mezboni nomini qo‘lga kiritish uchun uchta davlat – Hindiston, Turkmaniston va O‘zbekiston kurash olib bordi. Ovoz berish jarayoni yakunlariga ko‘ra, OOAF ijroqo‘m a’zolari ushbu muhim musobaqa mezbonligini yurtimizga ishonib topshirdi. Demak, Parij-2024 Olimpiadasi sari yo‘l Toshkentdan boshlanadi, desak mubolag‘a bo‘lmaydi. Aynan shu musobaqa orqali to‘rt yillikning eng nufuzli musobaqasi - Olimpiya o‘yinlariga yo‘llanmalarni qo‘lga kiritgan barcha atletlari nomi aniqlab olinadi.
Bu albatta yuksak sharaf, shu bilan bir qatorda mamlakatimizda muhtaram Prezidentimiz boshchiligida jismoniy tarbiya va sportni rivojlantirish borasida amalga oshirilayotgan ulkan islohotlarning ijobiy e’tirofidir.
Shuningdek, Kongressda OOAFning hisobot-saylov konferensiyasi o‘tkaziladigan manzil nomi ham e’lon qilindi. Unga ko‘ra, Qatarning Doha shahri nufuzli anjumanga mezbonlik qiladigan bo‘ldi.
Ma’lumot uchun: o‘smirlar va yoshlar o‘rtasidagi Osiyo chempionati bahslarida qit’amizning 22ta davlatidan (hakamlar bilan qo‘shib hisoblaganda 31ta davlat) 400 nafardan ortiq sportchi ishtirok etadi. Musobaqaning tantanali ochilish marosimi ertaga, 17 iyul kuni «Yunusobod» sport majmuasida soat 16:00da bo‘lib o‘tadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
