Angliyaning FIFA tomonidan tashkillashtiriladigan Jahon chempionatidagi ishtiroki anchagina salmoqli davrni o‘z ichiga oladi. Bu davlat hozirga qadar 15 marta ushbu nufuzli turnirda qatnashishga ulgurgan. Ammo undagi g‘oliblik unchalik ham ko‘p emas, atigi bir marta. Shunga qaramay, aynan Jahon chempionatlari inglizlardan yorqin yulduzlar yetishib chiqishini ta’min etgan. Quyida ana shunday tarixiy yulduzlarning eng yaxshi o‘ntasi sanab o‘tiladi.
10. Kris Uaddl
JCHda o‘tkazgan o‘yini: 11 ta
Qaysi yillarda?: 1986, 1990
Termadagi umumiy o‘yinlar: 62.
"Nyukasl" hamda "Tottenxem"ning sobiq afsonalaridan biri bo‘lgan Kris Uaddl, 11 marta JCHda qatnashgan. U "Uch Sherlar"ning haqiqiy faxri edi.
9. Gari Lineker
JCHda o‘tkazgan o‘yini: 12 ta
Qaysi yillarda?: 1986, 1990
Termadagi umumiy o‘yinlar: 80.
Ayni damda boshlovchilik va tahlil bilan shug‘ullanuvchi mutaxassis o‘tmishda yaxshigina mashhur bo‘lgan. Uning faoliyati ham ancha salmoqqa ega. Lineker Jahon chempionatlarida 12 marta maydonga tushishga erishgan. Bugun u va uning davri faxr bilan eslanadi.
8. Maykl Ouen
JCHda o‘tkazgan o‘yini: 12 ta
Qaysi yillarda?: 1998, 2002, 2006
Termadagi umumiy o‘yinlar: 89.
O‘ziga yarasha alohida dunyo bo‘lgan Maykl Ouen o‘z faoliyatini Angliyaning eng yaxshi to‘purari va ishtirokchisi sifatida yakunlagan edi. Baxtga qarshi jarohatlar uning o‘sishiga to‘sqinlik qiladi. Shunga qaramay, Ouen "Uch Sherlar" bilan tarix yarata oldi.
7. Stiven Jerrard
JCHda o‘tkazgan o‘yini: 12 ta
Qaysi yillarda?: 2006, 2010, 2014
Termadagi umumiy o‘yinlar: 114.
Stivi Ji Ouen erasini yakunlab bergandi. Uning davri Eriksson, Kapello hamda Xodjson kabi tajribali mutaxassislar bilan xarakterlanadi. Aynan ularning ta’siri bilan Jerrard bugungi maqomga erishdi.
6. Devid Bekxem
JCHda o‘tkazgan o‘yini: 13 ta
Qaysi yillarda?: 1998, 2002, 2006
Termadagi umumiy o‘yinlar: 115.
Bekxem Angliya terma jamoasida 13 marta JCHda qatnashgan yagona futbolchi edi. Shuningdek, u ushbu ro‘yxatdagi yagona mundialda qizil kartochka olgan o‘yinchidir.
5. Bobbi Mur
JCHda o‘tkazgan o‘yini: 14 ta
Qaysi yillarda?: 1962, 1966, 1970
Termadagi o‘yinlari: 108.
Bu inson haqida bir narsa deyish mumkin: Angliya futboli tarixidagi JCH kubogini ko‘targan yagona sardor futbolchi. U jamoaga sardor sifatida millat faxriga aylangan edi.
4. Eshli Koul
JCHda o‘tkazgan o‘yini: 14 ta
Qaysi yillarda?: 2002, 2006, 2010
Termadagi o‘yinlari: 107.
2000 yillar davomida inglizlardan yuqori darajaga erishgan chap qanot himoyachilari deyarli yo‘q edi. Shunday sharoitda Eshli Koul porladi. U o‘zining yuqori saviyasi bilan o‘sha boshliqni to‘ldirib bergandi.
3. Terri Butcher
JCHda o‘tkazgan o‘yini: 14 ta
Qaysi yillarda?: 1982, 1986, 1990
Termadagi o‘yinlari: 77.
Terma jamoa miqyosida maydonga tushish borasida ro‘yxatdagi eng past ko‘rsatkichlardan biriga ega bo‘lishiga qaramay, Butcher 1980 hamda 1990 yillar boshidagi ingliz futbolining yorqin vakili edi.
2. Ser Bobbi Charlton
JCHda o‘tkazgan o‘yini: 14 ta
Qaysi yillarda?: 1958, 1962, 1966, 1970
Termadagi o‘yinlari: 106.
Naq to‘rtta Jahon chempionatini ko‘rgan futbolchi, o‘ziga xos xarakter egasi bo‘lgan. U ham xuddi Bobbi Mur kabi Jahon chempioniga aylanadi. Charlton, aslini olganda, 1958 yilgi mundialda maydonga tushmagan. Ammo "MYU" afsonasining Myunxen fojiasidan omon qolishi, katta baxt edi.
1. Piter Shilton
JCHda o‘tkazgan o‘yinlari: 17 ta
Qaysi yillarda?: 1982, 1986, 1990
Termadagi o‘yinlari: 125.
Shilton hali ham ingliz futboli tarixida eng ko‘p terma jamoa ishtirokchisi bo‘lib turibdi. Shuningdek, u rekord darajadagi JCH bahslarida qatnashish ko‘rsatkichiga ega. U bugun ham hayot va yoshlarga o‘z tajribasini ulashmoqda.
Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
