2022-23 yilgi mavsumga start berildi. Angliya futbolining qaynoq tafti bizni o‘z og‘ushiga oldi. Ochilish uchrashuvlari bir-biridan qiziqarli o‘tdi. Tur "MYU" muxlislaridan tashqari, ko‘pchilik uchun hayajonli va zo‘r o‘tdi deyish mumkin. Quyida tur davomida kiritilgan eng yaxshi gollarni sanab o‘tamiz.
1. Darvin Nunyes – "Fulxem"ga qarshi
"Liverpul" Londonda "Fulxem" mehmoni bo‘ldi. Unda Klopp shogirdlari anchayin qiyinchiliklarga uchradi. 2-2 hisobida tugagan o‘yinda mehmonlar safidan zaxira futbolchisi sifatida o‘yinga qo‘shilib, gol urishga erishgan Nunyesni alohida ta’kidlash kerak. U golni o‘ziga xos uslubda kiritgan edi.
2. Uord-Provs – "Tottenxem"ga qarshi
"Sautgempton" birinchi turda eng ko‘p gol o‘tkazib yuborgan jamoaga aylandi. Ammo dastlab, mehmonlar sardori Uord-Provs ajoyib golga mualliflik qilgandi. Xoh ishoning, xoh ishonmang, bu jarima zarbasi emasdi. "Avliyolar" yetakchisi o‘z golini jarima maydonchasi yaqinida havodagi to‘pni to‘xtatmasdan yo‘llash orqali kiritdi. Afsuski, bu gol "Sautgempton"ga foyda keltirmadi.
3. Deyan Kulusevski – "Sautgempton"ga qarshi
Kulusevski mehmonlar muxlislarini ranjitgan golga mualliflik qildi. Shvesiya terma jamoasi a’zosi "Tottenxem"ning to‘rtinchi golini o‘z uslubida kiritdi. U jarima maydonchasini kesib o‘tib to‘pni Gavin Bazunu darvozasi pastki burchagiga yo‘lladi. Kulusevski golidan oldin Sessenyonning goliga assistentlik ham qilgandi.
4. Fabian Sher – "Nottingem"ga qarshi
Sher birinchi turda o‘zining APLdagi gollari sonini 10 taga yetkazib oldi. Uning goli o‘yinning 90 daqiqasida ro‘y berdi va uzoq masofadan kiritildi. "Nyukasl" himoyachisining zarbasi raqib darvozasi yuqori sohasiga borib joylashgan edi.
5. Kallum Uilson – "Nottingem"ga qarshi
Uilson o‘zining yuqori saviyaga ega ekanini namoyish qilgandi. U raqib darvozaboni Din Xendersonning ustidan to‘pni mohirona oshirib tashlaydi. Uning goliga Joyelinton yordam berdi. "Qarg‘alar" esa o‘z maydonida g‘alabaga erishdi.
6. Dyusberi-Xoll – "Brentford"ga qarshi
Kirnan Dyusberi-Xollning favqulotda iste’dodi "Lester"ga o‘tgan mavsumda rosa asqotgandi. U bu mavsumni ham gol bilan boshlab oldi. Uning birinchi zarbasiyoq golga aylangan. Bu zarba esa 30 yard uzoqlikdan beriladi. Ammo tulkilar o‘yin so‘ngida ustunlikni saqlab qola olmadi va durangga imzo chekdi (2-2).
7. Josh Dasilva – "Lester"ga qarshi
"Arilar" uchun bir ochkoni taqdim etgan golni mehmonlar safidagi Dasilva yo‘lladi. U maydonga zaxiradan tushdi va 6 daqiqa ichida gol urishga erishdi. Yosh futbolchi o‘zining 10 APL bahsida gol urishga muvaffaq bo‘ldi. Dasilva hujumda har qanday raqibga bosh og‘rig‘i bo‘la oladi.
8. Erling Xoland – "Vest Xem"ga qarshi
Kevin De Bryuyne tomonidan uzatilgan pasni ajoyib qabul qilib, tana harakti va tezlik orqali raqib himoyachilarini ortda qoldirgan hujumchi, jamoasiga g‘alaba olib kelgan gollarni kiritgan edi. Xoland o‘zining ilk APL bahsida ikkita golni rasmiylashtirdi. Uning ikkinchi golini biz eng yaxshisi deb e’lon qilamiz. O‘ylaymizki, Xoland mavsumni shu zaylda "yondirish"da davom etadi. Harxolda, endi uning Nunyes bilan o‘zaro raqobati mavjud.
ISMATOV J.
Shabab al-Ahli
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
