Pep Gvardiola yana bir bor Lionel Messi bilan alohida munosabati va uning faoliyatidagi rolini ta’kidladi. "Siti"ning o‘tgan mavsumiga bag‘ishlangan hisobotda murabbiy Chempionlar ligasi doirasida "Bryugge"ga qarshi o‘yin tanaffusida futbolchilarga bosim bilan murojaat qilishga urindi. "Nega Messi hayotimda ko‘rgan eng yaxshi futbolchi? Chunki u g‘alabaga chanqoq, u hayvon! Siz gol urishingiz kerak, bolalar! Messi maydonda istaganini qilardi. Uning maqsadlari bor! U buni amalga oshirardi, - deb g‘azablandi murabbiy.
Pep va Leo o‘n yildan ko‘proq vaqt oldin birga ishlashardi, ammo argentinalik hali ham kataloniyalik strategining kumiri va yetakchi yulduzi. Shu yilning bahorida Gvardiola hujumchiga karyerasi uchun yana bir bor minnatdorchilik bildirdi va u asosan Leo tufayli bu darajaga yetgani, u sabab katta klublardan ajoyib shartnomalar olganini ta’kidladi.
“Faoliyatim uchun Messi hamma narsadir. U meni yaxshiroq qildi. O‘shanda "Barselona"da ko‘plab yulduzlar, tajribali yuqori saviyali futbolchilar o‘ynashgan. Bizda ajoyib jamoa bor edi. Bu hayotda bir marta sodir bo‘ladi. Xavi, Inyesta, Puyol. Messisiz ham g‘alaba qozongan bo‘lardik, lekin bu darajada emas. Men Leoni Maykl Jordan bilan solishtiraman."
Gvardiola o‘yinni Messi atrofida qurdi
Faoliyatining boshida g‘alabalar va sovrinlar uchun Pep yulduzning g‘ayrioddiy harakatlariga chidadi va hatto Leoga suyandi. Argentinalik futbolchi buni darhol his qildi. “Jamoada asosiy boshliq kim?” degan savolga aniq javob. 2008/2009 yilgi mavsum boshlanishining indikativ tarixini beradi. "Valensiya"ga qarshi uy uchrashuvi boshlanishiga 3 soat qolganda "Barselona" futbolchilari klub oshxonasida tushlik qilishdi. Yigitlar kulgili voqealar aytib, ovoz chiqarib kulishardi. Do‘stona muhit, xuddi chaqmoqdek, Messining g‘azablangan qichqirig‘i hammasini to‘xtadgandi: Tushunmadim, mening kolam qani?!” Klub oshxonasida sukunat hukm surdi - o‘yindan bir hafta oldin yangi bosh murabbiy Gvardiola fast fudga qattiq taqiq joriy qildi.
Murabbiy jamoadagi ilk kunlardanoq argentinalik iqtidorning teranligini yaqqol anglab yetdi va undan qanday foydalanish kerakligini angladi. Pep dahoga yondashish yo‘lini izladi, uni mamnun qildi va ulug‘ladi. Leo uchun u hech qanday shubhasiz yaqinda "Kamp Nou"ning kumirlari - Ronaldinyo va Dekoni jamladan ketkazdi. Jumladan, braziliyalikning Messiga katta ta’siri tufayli: ular tungi klublarda birga dam olishardi va mast qiluvchi ichimliklar ichishardi.
Messining murabbiy qurilishidagi beqiyos o‘rni Pepning so‘nggi o‘n yillikning boshida Argentina terma jamoasini boshqargan Aleksandro Sabella bilan suhbatida namoyon bo‘ladi. Bir hamkasbi Leoni o‘z jamoasi shakllanishiga qanday moslashtirish bo‘yicha maslahat olish uchun Kataloniyaga uchib kelgan. "Messi atrofida o‘yin qurish shart emas, unga o‘yinni boshqarishni topshirish kerak. Hali naqadar katta xazinangiz borligini tushunmadingizmi?” Gvardiola javob qilgan.
Lionel murabbiyning sodiqligini yuqori baholagan va nafaqat shogird, balki do‘stona munosabatlarni ham o‘rnatishga harakat qilgandi. Ikki buyuk shaxs o‘rtasidagi janjal 2008 yilning yozida, "Barselona" rahbariyati argentinalikni Pekin Olimpiadasiga qo‘ymaganida paydo bo‘ldi (ish hatto sudda ham ko‘rib chiqildi va klub g‘alaba qozondi). Va keyin Gvardiola aralashdi. U o‘z mas’uliyati ostida yulduzni hayotidagi eng muhim turnirlardan biriga qo‘yib yubordi - Xitoyda Leo oltin medalni qo‘lga kiritdi va murabbiyning ishini yuqori baholadi.
Pep argentinalik uchun yangi pozisiyani o‘ylab topdi va uning uchun Zlatanni jamoadan olib tashladi
Gvardiola doimo hujumchining o‘sishiga yechim izlagan va birinchi marta unga erisha olmasa, taslim bo‘lmagan. Rasionni qayta ko‘rib chiqish va Leoga kola, popkorn, pissa va yeryong‘oqlardan voz kechishga yordam berish uchun murabbiyga fizioterapevt va psixolog Xuanxo Brau yordam berdi.
Ular fast fudning zararlari haqida ko‘p gapirishmagan. Shunchaki ularni yegan Leo qanchalik tez charchayotganini statistikalarda ko‘rsatdi.
Yondashuv mukammal ishladi. Gvardiolaning birinchi mavsumida "Barselona" trebl (La Liga, Qirol kubogi va Chempionlar ligasi)ni qo‘lga kiritdi va Messining o‘yini fantastik darajaga ko‘tarildi. Agar o‘tgan mavsumda Frank Raykard qo‘l ostida argentinalik futbolchi gol va golli uzatmalarda 16+16 natija qayd etgan bo‘lsa, Pep bilan birinchi yilida 38+19 natija qayd etgandi. Keyin 47+12, 53+25 va nihoyat, 2011/2012 yilgi mavsumda 73 gol va 32 golli uzatma. Messining bunday o‘yinlari uchun murabbiy uning tez-tez kayfiyati o‘zgarishiga chidashga tayyor edi.
Gvardiola nafaqat Leo, balki o‘zining murabbiylik mahoratini ham oshirdi. Uning "Barsa"si katta bosim o‘tkazdi va qanotlarni aktivlashtirdi va Pep argentinalik uchun alohida rol o‘ynagan edi. “Real” bilan o‘yin oldidan bir marta murabbiy menga qo‘ng‘iroq qilib, uning kabinetiga kelib, bitta muhim g‘oyani muhokama qilishimni so‘radi. U menga Madriddagi yarim himoya va himoya o‘rtasidagi katta bo‘shliqlar videosini ko‘rsatdi va bu bo‘shliqdan qanday foydalanishni tushuntirdi ", - dedi Leo.
2009 yil 2 may kuni Messi Klasikoni o‘ng qanotda o‘ziga tanish bo‘lgan qanotda o‘yinni boshladi. 15 daqiqadan so‘ng Pep signal berdi, argentinalik futbolchi markazga o‘tib, raqiblarni qiyin vaziyatga tushirib qo‘ydi. G‘oya ajoyib bo‘lib chiqdi - Leo soxta to‘qqizlik rolida "Real Madrid"ni taslim etdi. Kataloniyaliklar 6: 2 hisobida g‘alaba qozonishgan edi. Gvardiola xuddi shu konsepsiyani 2009 yilgi Chempionlar ligasi finalida "Manchester Yunayted"ga qarshi g‘alabada takrorladi va tez orada uni doimiy ravishda amalga oshirdi. Messining yangi roli "Barselona" uchun yana bir muammoni hal qildi – Lionelning presstngda o‘ynamasligini.
Gvardiola jamoaning bir ijrochiga katta bog‘liqligi katta tavakkal ekanligini tushundi, shuning uchun u o‘yinni kuchaytirish uchun boshqa variantlarni qidirdi. Bu 2009 yilning yozida Zlatan Ibragimovichning xaridi edi - kataloniyaliklar "Inter"ga 69,5 million yevro to‘lashdi. Shvesiyalik darhol ko‘p gol ura boshladi, bu esa "Barsa" o‘yini yanada kuchliroq, chiziqli va o‘zgaruvchan bo‘lishiga imkon berdi, ammo bu model Messiga to‘g‘ri kelmadi. Argentinalik futbolchi endi o‘zini yulduzdek his qilmadi va bir marta murabbiyga SMS yozgan: "Men endi jamoa uchun muhim emasman”.
Murabbiy qiyin, ammo aniq tanlov qilish kerak edi. Shvesiyalik to‘purar maydonda ko‘p vaqt topa olmaganida nima xato qilganini hech tushunmasdi, Pep bilan ochiq suhbat ham natija bermadi. Natijada jahli chiqqan Zlatan jamoani tark etishga majbur bo‘ldi, ammo bu murabbiy va uning primasi o‘rtasidagi taranglikni bartaraf eta olmadi. 2011/2012 yilgi mavsum boshida Gvardiola Messiga "Real Sosyedad" bilan o‘yinda dam bergan, ertasi kuni esa argentinalik mashg‘ulotni o‘tkazib yuborgan. Shundan keyin u uch kun davomida hech kim bilan gaplashmadi.
Maydonda Leo mutlaq erkinlikka ega bo‘ldi, individual ko‘rsatkichlarini yaxshiladi (u 2011/2012 yilgi mavsumdagi barcha musobaqalarda 73 ta gol urdi), ammo "Barsa"ning o‘yini odatiy jilosini yo‘qotdi. Agar taktika bitta o‘yinchi uchun moslangan bo‘lsa, bu juda yomon hodisa - u maydonga tushmasa yoki formasida pasayish bo‘lsa, butun jamoa qiynaladi. Bu 2012 yilning bahorida, kataloniyaliklar Chempionlar ligasining yarim final javob uchrashuvida "Chelsi"ga yutqazganida yuz berdi. Jon Terri chetlatilgach, londonliklar ozchilikda o‘ynashdi, ammo "Barsa" raqibini taslim eta olmadi va Messi penaltidan foydalana olmadi.
Pep va Leo o‘rtasidagi to‘rt mavsum davomida kataloniyaliklar 14 ta sovrinni qo‘lga kiritishdi, jumladan, uchta La Liga, ikkita Chempionlar ligasi va ikkita klublar o‘rtasidagi jahon chempionati. Argentinalik futbolchi to‘rt yil davomida "Oltin to‘p"ni hech kimga bermadi va o‘zini jahon futbolining ramzi sifatida ko‘rsatdi. Ikki dahoning hamkorligida muvozanat muhim ahamiyatga ega va Gvardiola bir nuqtada bu chekkada yurish uni hissiy jihatdan zaiflashtirganini va uni ijodiy cheklashini tushundi. Messi qanchalik iqtidorli va g‘alaba qozonishidan qat’i nazar, lekin futbol jamoaviy o‘yin.
Gvardiola o‘z vaqtida bir futbolchi atrofida o‘yin qurishda davom etsa, olg‘a siljolmasligini tushundi va “Kamp Nou”ni tark etdi. Murabbiy davrning eng zo‘r o‘yinchilaridan biri bilan hamkorlikni chinakam qadrlaydi, uni o‘rnak qilib ko‘rsatadi va maqtovlar aytadi, lekin sobiq uslubini jonlantirishga intilmayapti. Ularning obro‘si o‘ziga xos va unutilmas edi, lekin bir tomonlama murabbiy endi o‘zgardi. Shuning uchun Pep Messi bilan yana ishlash uchun barcha imkoniyatlarni rad etdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
