"Pari Sen-Jermen" klubi hujumchisi Kilian Mbappe 2022 yilgi "Oltin to‘p" sovrinini kim olishi mumkinligini aytdi. Uning fikriga ko‘ra, "Real" hujumchisi Karim Benzema bunga mutlaqo munosibdir. Haqiqatdan ham "qirollik klubi" forvardi bu safar har taraflama ushbu sovrin uchun munosib ekanini namoyish qildi. Fransiyalik yulduz Ronaldu ketganidan keyin jamoasida yetakchiga aylandi. U o‘tgan mavsumda 46 ta bahsda 44 ta gol va 15 assist bilan o‘ziga xos natijaga erishgandi. 34 yoshli futbolchi bu orqali yana bir bor Ispaniya chempioni va YECHL g‘olibiga aylandi.
"L'Equipe" jurnali bilan suhbatda Mbappe Karim haqida o‘z fikrlarini bildirib o‘tdi va "Oltin to‘p"ning bo‘lajak egasini taxmin qildi:
"Benzema hozir 34 yoshda. Ammo shunday darajada o‘yin ko‘rsatmoqda. U yutish murakkab bo‘lgan sovrinlarni qo‘lga kiritdi. Shulardan biri YECHL kubogi edi. Agarda men Karimning o‘rnida bo‘lganimda, bunday natijalarga erisholmagan, "Oltin to‘p" haqida esa o‘ylashni allaqachon to‘xtatgan bo‘lardim".
Mbappedan bu sovringa da’vogar eng yaxshi uchta futbolchini aytish so‘ralganida u shunday deydi: "Men birinchi o‘ringa shubhasiz Benzemani qo‘yaman. Men va Sadio Mane kuchli uchtalikda bo‘lsak kerak.
Men 18-21 yoshlar oralig‘ida o‘z o‘yinimni topib olishga intildim. U paytlar yetarlicha ta’sirga ega emasdim. So‘nggi ikki yil ichida ancha o‘sdim. Shu sabab "Oltin to‘p"ga da’vogarlar orasida kuchli o‘ntalikdan, kuchli uchtalikkacha ko‘tarildim. Muhim pallalarda hal qiluvchi rolni bajara boshladim. Qisqasi, men endilikda bu sovringa jiddiy da’vogarga aylandim".
Kilian Mbappe o‘zining da’vogar safidagi o‘rni haqida fikr bildirar ekan, jumladan shunday deydi: "Men bir necha yil avval qiziquvchan futbolchi edim. Unda men uchun "Oltin to‘p" uchun kuchli o‘ntalikka kirish ham katta natija edi. Biroq, hozir hammasi boshqacha. Oldin ham aytganimdek, bugun men kuchli uchlikdaman. Balki, beshlik yoki to‘rtlikda. Keyinchalik bu yana o‘zgaradi".
Eslatib o‘tamiz, "Oltin to‘p"ni topshirish marosimi shu yilning 17 oktyabr kuni, Fransiyaning Parij shahri mezbonligida o‘tkaziladi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
