"Arsenal" 6-turda "Manchester Yunayted" bilan to‘qnash keldi. To‘qnashuvdan oldin har ikki jamoaning ham kayfiyati yomon emas edi. Undan keyin esa "Arsenal"ning kayfiyatida o‘zgarish bo‘lishi tayin. Xususan, Erik ten Xag boshchiligidagi "qizil iblislar" mavsumni ancha omadsiz boshlab, shunga qaramay, so‘nggi 3 ta o‘yinni g‘alaba bilan yakunlagandi. "Arsenal"da esa ishlar joyida bo‘lgan. Jamoa mag‘lubiyatga qaramasdan hozir ham turnir jadvalida yetakchilik qilmoqda. Ular 5 ta o‘yinda ketma-ket g‘alaba qozongan edi. "MYU"dan esa 3-1 hisobida mag‘lubiyat qabul qilib oldi. Shunga qaramay, so‘nggi yillarda Angliyaning ushbu ikki yirik klubining ishlari unchalik ham yurishayotgani yo‘q. Xususan, ularning hech biri 3 mavsumdan beri sovrin yutgani yo‘q. Quyida "MYU" hamda "Arsenal"ning joriy mavsumdagi tarkibidan tuzilgan terma jamoa haqida so‘z boradi.
"Arsenal" sardori bo‘lgan Martin Edegorning ayni paytdagi sport formasi, uni 10-raqamli futbolchining o‘rniga qo‘yishga asos bo‘ladi. Edegor Fernandeshdan ko‘ra mahsuldor o‘yin ko‘rsatmoqda. Xususan, yosh norvegiyalik allaqachon 3 ta gol urishga erishgan. "MYU"dan esa hujumning chap qanotiga vakil olamiz. Jeydon Sancho bu o‘ringa loyiq topilgan. O‘ng qanot esa Bukayo Saka bilan to‘ldiriladi. Chunki Sakani nimalarga qodir ekanini yaxshi bilamiz. Garchand mag‘lubiyatga uchralgan bo‘lsada, u "MYU"ga qarshi gol urdi. Saka, shuningdek, assistentlik qilish borasida ham kuchli. Markaziy hujumda Reshford hamda Jezus variantlari mavjud. Biz esa Jezusni tanlashga qaror qildik. Negaki, uning o‘z jamoasidagi ta’siri nisbatan ancha kuchlidir.
Tayanch yarim himoyasida Granit Jakani ko‘rmaslikning iloji yo‘q. Ammo 11 talik jamoaga Eriksen hamda Kazemiro loyiqroqdir. Xususan, Eriksen "Lester"ga qarshi bahsda o‘yinni nazorat qilishda katta ishni bajargandi. "MYU"ning ramziy terma jamoadagi so‘nggi vakili markaziy himoyada. Lisandro Martinesning jamoa g‘alabalariga qo‘shgan hissasi katta bo‘lmoqda. Shu sababli unga otilgan tanqid toshlarini ham unutib turamiz.
Chap qanotda Oleksandr Zinchenko harakat qilishini ma’qul topdik. Sobiq chempionlar jamoasi a’zosining darajasi bunga imkon beradi. Martinesga markaziy himoyada Saliba yordam beradi. O‘ng qanotda esa Salibaning eng yaqin sherigi bo‘lgan Ben Uaytni joylashtiramiz. Darvozani kimga ishonib topshirishimizni yaxshi bilasiz. Eron Ramzdeyl bu mavsumni ham yodirishda davom etmoqda. Shu sabab uning nomi David De Xeadan oldin tilga olinadi!
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
