"Barselona" so‘nggi 20 yil ichida bir-biridan kuchli nomlarni yetishtirdi. Ular dunyo futbolining eng muhim futbolchilariga aylandi. Ammo shunday futbolchilar borki, allaqachon "Barselona" safini tark etgan. Biroq, ular hozirga qadar o‘ynashda davom etmoqda. Quyida shu haqida gaplashamiz.
Aleks Song
Aleks Song "Barsa"da faqat 2 yilgina harakat qilgan. Keyinchalik, u "Vest Xem"ga ijaraga berib yuboriladi. Song hozirga qadar "Rubin Kazan" hamda "Syon" kabi jamoalarda o‘ynadi. Ayni damda esa 35 yoshli futbolchi Jibuti chempionatining "Arta" klubi sharafini himoya qilmoqda.
Ruben
Darvozabon Ruben La-liga o‘yinlarida faqat 2 marta ishtirok etgan xolos. O‘shanda u 19 yosh bo‘lgan. 2004 yilda "Valensiya" hamda "Levante" bilan ikkita o‘yin o‘tkazgan futbolchi, qaytib ko‘rinish bermadi. Ruben 2008 yilda sotib yuboriladi. U hozirgacha "Deportivo" hamda "Rayo Valyekano" safida to‘p tepgan. Hozirda esa 38 yoshli qahramonimiz "AYEK Larnaka"da harakat qilmoqda.
Adreas Inyesta
Siz uni kim ekanini juda yaxshi bilasiz. Ha, Inyesta hozir ham futbol o‘ynamoqda va bu aql-bovar qilmas voqea. U 2018 yilda "Vissel Kobe"ga yo‘l olgandi. Mana, oradan 4 yil o‘tgan bo‘lsada, Inyesta hali ham maydonda.
Martin Kaseres
Umuman olganda, "Barselona" Kaseresni nega sotib olganiga hozir ham tushunib bo‘lmaydi. Balki, o‘shanda rahbariyatga uning soch turmagi yoqqandir. Nima bo‘lganda ham Kaseres Gvardiola jamoasida 23 marta maydonga tushgan. Keyinchalik u "Levante"ga sotib yuboriladi. Ayni damda esa Kaseres "LA Gelaksi"da harakat qilmoqda.
Viktor Vaskes
Vaskes 2011 yilda "Barselona"dan ketadi. Shundan keyin, "Bryugge"da ancha vaqt o‘ynadi. Undan tashqari yarim himoyachi Meksika, Kanada, Qatar kabi davlatlarda faoliyat yuritdi. Hozirda u yana Belgiya chempionatida.
Dani Alvesh
Inyesta kabi Alveshni ham hali hamon maydonda ekani haqida futbol muxlislari yaxshi bilishadi. U butun dunyoni lol qoldirib, 2021 yilda yana "Barselona"ga qaytib kelgandi. Alvesh 2001 yilda o‘z professional faoliyatini boshlagan. Shundan beri himoyachi 47 ta sovrin yutishga erishgan.
Nolito
Siz Nolito haqida unutgan bo‘lishingiz mumkindir. Ammo u 2010-11 yilgi mavsumda "Barselona" safida 5 ta bahsda maydonga tushgandi. Keyinchalik yarim himoyachi "Benfika", "Granada" hamda "Sevilya" safida to‘p tepdi. "Manchester Siti"dagi davr esa uning eng yorqin payti edi. Hozirda Nolito Segunda jamoasi sanalmish "Ibisa" safida harakat qiladi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
