"Manchester Yunayted" so‘nggi dekada davomida transferlar uchun ortiqcha pul sarflash borasida yetakchiga aylangan. "CIES Football Observatory" ma’lumotlariga ko‘ra, "qizil iblislar" rahbariyati 2012 yilning iyulidan 2021 yilning noyabriga qadar 33 ta futbolchi xarid qilgan. Ushbu sotib olingan futbolchilar esa o‘zining bozor narxidan ancha qimmatga tushgan. Kelishuvlarning baland narxda belgilanishi natijasida "MYU" 33 ta o‘yinchi uchun jami 1,4 milliard funt sarflab yuborgan. Shundan 210 millioni, ortiqcha sarflangan mablag‘lar hisoblanadi.
"Manchester Yunayted" tomonidan 10 yil ichida sotib olingan futbolchilarning bozor narxi 1,19 milliard funt edi. Ammo yuqorida ta’kidlanganidek, "MYU" ularga 1,4 milliard sarfladi. Bu esa jamoa ichki boshqaruvida, ayniqsa, transferlar masalasida muammolar borligini ko‘rsatadi. Masalan, klubning bu yozdagi harakatiga e’tibor beraylik. Rahbariyat, go‘yoki, muxlislarning "og‘zini yopish" uchun "Ayaks"dan Antoni ismli hujumchini naq 85,5 million funtga sotib oldi. Bu esa futbolchining bozor narxidan 50 millionga ko‘p demakdir. Shuningdek, "Manchester Yunayted" yaqin o‘tmishda, garchand ular shunga arzimasada, Pol Pogba va Xarri Maguayr uchun ham 80 milliondan ko‘p mablag‘ ishlatgan. Ushbu davr mobaynida Yevropadagi biror klub "MYU"chalik o‘z pulini isrof qilgan emas.
Ortiqcha pul sarflash borasida ikkinchi o‘rinni "Yuventus" band etgan. Turinliklar futbolchi xarid qilishda 208 million funtni rejadan tashqari, ya’ni futbolchilar uchun bozor narxidan katta miqdordagi pulni sarflagan.
"PSJ" esa keyingi pog‘onadan joy olgan. O‘ta saxiy bo‘lgan bu klub, 10 yil ichida 142 million funtni orticha ishlatgan. Undan keyin esa, hammani hayron qoldirgan holda, "Aston Villa" turibdi. Birmingemliklar bu borada 130 million funtlik manfiy ko‘rsatkichga ega. Jamoa Olli Uotkins hamda Emi Buyendiani o‘ta yuqori narxlarda transfer qilgan edi. Shuningdek, ro‘yxatdaning kuchli o‘ntaligida "Chelsi" (120 million), "Arsenal" (114 million) hamda "Everton" ham mavjud.
Xususan, "Chelsi" bu yozda himoyadagi bo‘shliqni yopish uchun Vesley Fofana hamda Mark Kukurelyalar uchun me’yoridan baland to‘lov qilishiga to‘g‘ri kelgan.
Fransiya chempionatidan pul sarflash borasida yana bir vakil bor. "Renn" 10 yil ichida 100 million funt va undan ko‘p mablag‘ sarflash borasida kuchli sakkizlikni band etgan. "Borussiya Dortmund" esa 67 million funt bilan o‘nlikka yakun yasagan.
Normal pul sarflash borasida kuchli beshlik chempionatlarining jami 36 ta klubi so‘nggi 10 yil davomida yaxshi natija ko‘rsata olgan. Ular ichida APLning atigi 3 ta klubi bor - "Tottenxem", "Vulverxempton" hamda "Brayton". "Vulvz"da ko‘rsatkich 6 millionga teng xolos. "Shporlar"da bu statistika 5 million, "Brayton"da esa 875 ming funtni tashkil etadi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
