Quyidagi material tobora yaqinlashib kelayotgan Qatar mundialining o‘ziga xos jihatlariga bag‘ishlangan.
JCH-2022 emblemasi
Futbol muxlislariga yaxshi tanish bo‘lib ulgurgan navbatdagi eng yuksak nufuzli turnirning timsoli 8 raqamiga aylantirilgan, qizil hoshiyali oppoq halqadan iborat.
8 raqami - Qatardagi stadionlar soniga ishora. Shuningdek, cheksizlik belgisi hamdir.
«Jahon chempionatining logotipi nufuzli musobaqaning regionimiz aholisiga ko‘rsatgan uzoq yillik ta’sirini aks ettiradi. Bundan tashqari, emblemaning yuqori qismi turnir g‘olibiga beriladigan sovrinni eslatadi» - deyishdi JCH-2022 tashkiliy qo‘mitasi vakillari.
JCH-2022 rasmiy to‘pi
Al Rihla - Qatar mundiali rasmiy to‘pi shunday nomga munosib topildi. Arab tilidan olingan ibora «sayohat» ma’nosini anglatadi.
Uni tayyorlagan Adidas kompaniyasi mutaxassislari yangi to‘p eng tezkor va aniq ekanligini aytishdi. Bunday sifatlarga erishish uchun to‘pni CTR-Core texnologiyasidan, ya’ni, to‘p ichiga aniqlik va balansni oshiradigan jajji yadro qo‘yish usulidan foydalanilgan.
JCH-2022 uchun tayyorlangan to‘plar savdosidan olinadigan daromadning 1 foizi barcha professional futbolchilar va murabbiylarni o‘z maoshlarining 1 foizini futbol xayriya jamg‘armalariga da’vat etish bilan shug‘ullanadigan Common Goal tashkilotiga o‘tkaziladi.
JCH-2022 tumori
Qatar mundialining tumori Laib nomli uchar gilamga berildi. Arab tilida u «juda yaxshi o‘yinchi» ma’nosini anglatadi. Shuningdek, Laib arab olamidagi erkaklar bosh kiyimi - kufiyeni eslatadi.
Yaratuvchilarning fikriga ko‘ra, Laib ta’riflash o‘ta qiyin bo‘lgan «qo‘shni maskotlar sayyorasidan» kelgan. U o‘ta chaqqon, quvnoq va qiziquvchan.
«Hissiyotga, mehnatsevarlik va o‘z orzusiga yetishga intiladigan har qanday kishini mamnuniyat bilan qo‘llab,quvvatlayman», - deydi u FIFA saytiga jo‘natilgan videorolikda.
«Laib hammani o‘ziga ishonishga chorlamoqda. U barchaga futbol zavqini olib keladi», - deyiladi xalqaro tashkilotning rasmiy saytida.
JCH-2022 madhiyasi
Mundial madhiyasi mart oyining oxirida Doxada bo‘lib o‘tgan qur’a tashlash marosimida ijro etildi. Shunday sharafga sazovor bo‘lgan Nauua Nauua (Better Together) qo‘shig‘ini amerikalik Trinidad Kardona, afrikalik Davido va qatarlik Oyshalar ijro etdilar.
«Amerika, Afrika va Yaqin Sharq vakillari jo‘rligida yangragan mazkur qo‘shiq musiqa va futbol butun dunyoni birlashtira olishini yaqqol isbotladi. FIFA musiqiy strategiyasining bir qismi bo‘lmish soundtrek ehtirosli futbol ishqibozlarini har qachongidan ko‘ra ko‘proq jahon chempionati ruhiga yaqinlashtiradi», - dedi xalqaro tashkilotning tijorat direktori Key Madati.
S.RAHMONOV tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
