UEFA Kosovo bilan o‘ynashdan bosh tortgan jamoalarni jazolaydi. Belarus endi nima qilishi kerak?
2022 yilda “Sport siyosatdan tashqarida” iborasi nihoyat o‘zining asl ma’nosini yo‘qotdi – Yevro-2024 saralash turniriga qur’a tashlash marosimi navbatdagi bahsli munozarani keltirib chiqargan bo‘lsa ajab emas. Gap shundaki, Isroil, Belarus va Kosovo terma jamoalari bir guruhga tushib qolishdi - belaruslar Kosovo bilan o‘ynashga qarshi.
Britaniyaning The Athletic nashri o‘z materialida UEFA katta e’tibor bilan Belarus futbolini, ayniqsa milliy terma jamoani kuzatib borishini ta’kidladi. Ularning fikricha, Ukraina bilan chegaradagi vaziyatning keskinlashuvi milliy terma jamoaning zudlik bilan chetlatilishiga olib kelishi mumkin. Chunki jamoaga neytral maydonlarda o‘ynash taqiqlangan.
Biroz oldin Germaniyaning Der Spiegel nashri Germaniya ichki ishlar vaziri Nensi Freyzer Belarus terma jamoasini xalqaro turnirlardan chetlatishga chaqirganini, chunki mamlakat Rossiyaning siyosiy ittifoqchisi bo‘lganligi haqida xabar bergan edi. Ammo UEFA bunday qadam tashlashga shoshilmayapti, deydi assosiasiya prezidenti Aleksander Cheferin va bunday chaqiriqlarni populizm deb hisoblaydi:
"Chetlatish siyosati biroz bo‘lsada populizmdek aks sado beradi. Hozirda biz bunga hech qanday sabab ko‘rmayapmiz. Agar biror narsa o‘zgarsa, biz albatta javob beramiz. Siyosatchilar qaror qabul qilish kuchimizni hurmat qilishlari kerak. Shuningdek, biz siyosatchilar va hukumatlarga nima qilish kerakligini aytmaymiz”, - deydi Cheferin.
Shu bilan birga, UEFA o‘z pozisiyasini aniq ko‘rsatdi: Kosovo bilan o‘ynashdan bosh tortgan jamoalar diskvalifikasiyagacha jazolanadi. UEFA Yevropa chempionati reglamentining 30-moddasiga ishora qildi. Xususan, unda aytilishicha, “agar assosiasiya o‘yinni o‘tkazishdan bosh tortsa yoki o‘yin bo‘lib o‘tmagani yoki to‘liq o‘tkazilmagani uchun javobgar bo‘lsa, UEFAning Nazorat intizom va axloq bo‘yicha organi (CEDB) o‘yinni bekor qilingan deb e’lon qiladi. Bundan tashqari, ishning holatlaridan kelib chiqqan holda, (CEDB) tegishli uyushmaga har qanday qo‘shimcha intizomiy jazo choralarini qo‘llashi mumkin, shu jumladan tanlovdan chetlatish masalasi.
Belorussiya birinchi navbatda Kosovoga qarshi o‘yinlarda muammoga duch keladimi yoki yo‘qmi hali to‘liq aniq emas. 3 martdan boshlab Belarus terma jamoasiga mamlakat hududida – faqat neytral maydonlarda o‘ynash taqiqlandi. Biroq, Belarusni tan olmagan mamlakatlar jamoalari Kosovo bilan to‘qnash kelganida o‘yinlarda muammo bo‘lmagan. Jumladan, Ispaniya terma jamoasi JCH-2022 saralash doirasida kosovoliklarga qarshi xotirjam o‘ynagan bo‘lsa, Isroil va Kosovo yoshlar terma jamoalari U-21 Yevropa chempionati doirasida o‘yin o‘tkazdi.
Belarus uchun vaziyat hozirgi siyosiy qarashlardan kelib chiqqan holda ancha murakkab. Ammo hozircha belarusliklar Kosovo bilan o‘ynashdan bosh tortgani haqida hech qanday xabar yoki mish-mishlar yo‘q.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
