Futbolda raqib darvozasi tomon xavf yaratilishida eng ko‘p ishtirok etuvchilar odatda o‘ninchi raqam egasi bo‘lishadi. Angliyada APLga asos solinganidan buyon (1992-yil) "Arsenal" klubida ana shunday kuchga ega bo‘lgan ko‘plab futbolchilar harakat qilishgan. Quyida ushbu jamoaning eng mashhur va eng yaxshi, libosiga o‘ninchi raqamni taqqan 7 ta futbolchisi haqida so‘z boradi.
7. Vilyam Gallas
"Chelsi"dan Londonning boshqa bir klubiga yo‘l olgach, Gallas "Arsenal"da Denis Bergkampning raqamini oladi. Ha, markaziy himoyachi 10 raqamda o‘ynashi, o‘ta g‘alati tuyuladi. Ammo u tarixda Venger jamoasining muhim bo‘g‘ini bo‘la olgan. Gallas "Arsenal"dagi 4 yilni shunchaki fantastik o‘tkazdi.
6. Emil Smit-Rou
Hamma "Arsenal"ning hozirgi o‘ninchi raqamini yaxshi taniydi. Smit-Rou "Arsenal" akademiyasidan chiqqan yana bir yorqin yulduzlardan biri sanaladi. Aytish mumkinki, uning potensiyali juda yuqori. Ammo ayni damda jarohat sabab, asosiy jamoadan ancha uzoqlashib qolgan. Mikel Arteta esa uni qaytarishni juda xohlaydi.
5. Jek Uilsher
Uilsher dunyodagi "ochilmay qolgan talantlar"ning eng yorqin namoyondasi sanaladi. U o‘zining eng zo‘r davrida "kanonirlar" markaziy maydonini juda yaxshi nazorat qilgan. Arsen Venger undan ko‘p narsa kutgandi. Ammo jarohatning jiddiyligi, hammasini o‘zgartirib yubordi. O‘z faoliyatini erta tugatishga majbur bo‘lgan futbolchi, ayni damda "Arsenal" akademiyasida murabbiylik qilmoqda.
4. Mesut O‘zil
"Arsenal" tarixida O‘zildek ikki xil taassurotga qoldirgan futbolchi bo‘lmagan bo‘lsa kerak. Nemis yarim himoyachisi maydonda dirijorlik qilgan. Ammo ayni paytda, o‘zining ayrim qiliqlari sababli muxlislar g‘azabiga duchor bo‘lgan. Nima bo‘lgan taqdirda ham o‘ninchi raqamda o‘ynagan O‘zildek futbolchi boshqa topilmaydi. Na "Arsenal", va na "Real" tarkibida.
3. Pol Merson
Merson o‘z vaqtida Angliyaning eng yaxshi hujumkor futbolchilaridan biri bo‘lgan. U hujumchilar ortida benuqson harakatlana olardi. Futbolchi 12 yil davomida "Arsenal"ga katta yordam berib, keyinchalik "Midlsbro"ga ketgan. Mersonning APL va ingliz futbolida tutgan o‘rini ham yuqori bo‘lgan.
2. Robin van Persi
APL tarixidagi eng shavfqatsiz hujumchilardan biri bo‘lgan van Persi, Bergkampning raqamida o‘z faoliyatini boshlaydi. U "Arsenal"ning tarixida eng yaxshi hujumchilar ro‘yxatidan joy olgan. Ha, yakunda uning "MYU"ga o‘tishi juda ham g‘alati tuyuladi. Ammo "Arsenal" uchun van Persi hikoyasi o‘zgachadir.
1. Dennis Bergkamp
Maydondagi istalgan futbolchidan oson va oddiy o‘tib keta oladigan hujumchi. Niderlandiyalikka shunday ta’rif to‘g‘ri bo‘ladi. Bergkamp "Arsenal"ning afsonaviy siymosidir. Aynan uning davrida klubning hayrixohlari keskin ko‘paygan. Bu esa hujumchining nimalarga qodir bӯlganidan dalolat beradi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
