«Real» hujumchisi Karim Benzema «Oltin to‘p» sovrinini qo‘lga kiritgandan so‘ng o‘z fikrlarini bildirib o‘tdi.
Taassurotlari haqida
Kichkina bo‘lgan paytlarimni eslayman. Hech narsani ko‘zdan qochirmasdim. Hayotimda ikkita namuna bo‘lgan: Zinedin Zidan va Ronaldo.
Bu qattiq mehnat — yana va yana mashg‘ulotlar. Og‘ir damlar ham bo‘lgan. Terma jamoaga chaqirilmagan, biroq ko‘pchilik bilan muloqot qilgan paytlarim og‘ir kechdi. U meni ruhiy jihatdan mustahkamladi.
Xuddi shu ruhda davom etaman, jamoadoshlarim, prezident Florentino Peresga rahmat aytaman. U har doim men bilan ochiq munosabatda bo‘lgan. Jan Mishel va «Lion»ni ham unutmayman, ularsiz orzumni amalga oshira olmasdim.
Yosh ahamiyatsiz deb o‘ylayman. O‘ttiz yoshdan keyin ko‘pchilik o‘z darajasini oshirganini ko‘rganman. Bu maqsadga intilish, qattiq mehnat natijasi. Juda ko‘p mashq qilaman va taslim bo‘lmaslik kerakligini o‘zimga uqtiraman.
Ronaldo kumiri ekanligi borasida
Ronaldo — mening kumirim. Unga o‘xshagan boshqa hujumchi yo‘qligiga ishonaman. Uning maydonda qilgan ishlarini takrorlashni iloji yo‘q, u tarixga kirgan.
Men u tufayli indamasdan zaxira o‘rindig‘ida o‘tirishim mumkin bo‘lgan yagona hujumchi. U yetib bo‘lmas darajada. Xuddi Zidan kabi.
Ronaldo nafaqat men uchun, balki barcha hujumchilar uchun fenomen.
«Oltin to‘p»dan so‘ng faoliyatidagi maqsadlari haqida
Doim «Oltin to‘p» haqida o‘ylardim. 30 yoshdan keyin uni asosiy maqsad qilib olgandim. Dunyoning eng yaxshi jamoasi bo‘lgan «Real»da o‘ynab, yetakchi bo‘la olishimni o‘zimga ko‘p aytardim.
21 yoshimda bunday ambisiyalarim yo‘q edi. Qiyin davrlarni boshdan kechirdim. Ayniqsa, jamoadoshlarim terma jamoalariga ketganida, men «Real» bazasida mashg‘ulotlar o‘tardim.
Har doim ko‘p ambisiyalarga ega ekanligimni aytardim. Fransiya terma jamoasi bilan Jahon Chempionatida g‘alaba qozonmaganman. Bu orzum hali amalga oshmagan. Mana shu mening asosiy maqsadim.
Ayni damda mundialga borib, unda g‘alaba qozonish uchun bor kuchimga ishga solmoqchiman.
Ronalduning ketishi unga motivasiya bo‘lgani haqida
U «yirtqich» edi, Ronaldu bilan birga o‘ynash men uchun faxr edi. U jamoadan ketgach, yanada ko‘proq ishlash istagi paydo bo‘ldi. Krishtianuning ketishi maydonda ko‘proq narsalar qilishim uchun motivasiya berdi.
Karim Benzema o‘z faoliyati davomida ilk bor «Oltin to‘p» sovrinini qo‘lga kiritdi. Benzema 34 yosh-u 290 kunligida ushbu sovringa ega chiqdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
