Kilian Mbappening shartnomasi yana diqqat markazida.
Fransiyaning nufuzli Le Parisien nashri Mbappe va “PSJ” o‘rtasidagi kelishuv tafsilotlari haqida yangi insaydlarni e’lon qildi. Ular hammani hayratda qoldirdi.
Mbappening shartnomasi haqida nimalar ma’lum?
Le Parisiyen nashrining yozishicha, yangi shartnomaga ko‘ra, Mbappe soliqlardan oldin 636 million yevrogacha daromad olishi mumkin. Bu mablag‘ bir vaqtning o‘zida bir nechta bandlardan iborat.
• Kilianning yillik maoshi 72 million yevro.
• Shartnomani imzolaganlik uchun bonus - 180 million yevro .U uch bosqichda to‘lanadi va uch yilga mo‘ljallangan. Mbappe shartnoma muddati tugaguncha klubni tark etsa ham to‘liq to‘lanadi.
• Sodiqlik uchun bonuslar: agar u klubda qolsa, 2023 yilning yozida 70 million; 2024 yilning yozida 80 million, 2025 yilning yozida 90 million oladi.
Mbappening xarajatlari “PSJ” byudjetining chorak qismini tashkil qiladi.
Ammo Kilian nafaqat futbolda qirol. Jahon sportida hech kim faqat maoshi orqali bunchalik katta pul topmaydi. Misol uchun, “Kanzas Siti” himoyachisi Patrik Mahomes 503 million dollar ishlab olishi mumkin, ammo 11 yil ichida.
Oktyabr oyida Forbes dunyodagi eng ko‘p maosh oluvchi futbolchilarning yillik reytingini e’lon qildi - Mbappe u yerda allaqachon birinchi o‘rinni egallab turgan edi. Ammo yangi shartnoma imzolanishidan oldin Kilian kuchli uchlikka ham kirmasdi.
“PSJ” hammasini inkor etdi
Klub sizib chiqib ketgan ma’lumotlarga zudlik bilan javob berdi.
Rasmiy bayonot: "Klub taqdim etilgan ma’lumotlar butunlay yolg‘on ekanligini ta’kidlamoqda va gazetadagi maqoladagi biron bir tafsilot haqiqat deb hisoblanmasligi kerak. Nashr vaqti ham savollar tug‘diradi – Chempionlar ligasidagi muhim o‘yinga sanoqli kunlar qolganida. Parij klubi endi bunday ma’lumotlarga izoh bermaydi".
Sport jurnalisti Daniyel Rioloning ishontirishicha, hamma narsa bir sababga ko‘ra ommaga oshkor qilingan. Uning fikricha, yangi insaydlar “PSJ” rahbariyati va Kilian atrofidagilar o‘rtasidagi kurash oqibati bo‘lib, Mbappeni Parijni tark etishga ko‘ndiradi.
Le Parisien nashrining ta’kidlashicha, klubda Mbappening alohida maqomi haqida ko‘p shubhalar bor. Gap shu darajaga yetdiki, “PSJ” nosog‘lom moliyaviy muhit tufayli sanksiyalardan qo‘rqadi. O‘tgan mavsumda klub 350 million yevro zarar ko‘rdi, ammo muammoni tartibga solish uchun UEFAdan muhlat oldi. Xullas bu ertak hali beri tugaydiganga o‘xshamaydi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
