“Andijon” – “Mash’al” (4:2) o‘rtasidagi uchrashuvdan keyin tashkil qilingan matbuot anjumanining ikkinchi qismida mezbonlar yordamchi murabbiyi Oleg Korniyenko qatnashdi.
— Dastlab Andijon viloyatini, xalqini bugungi muhim g‘alaba bilan tabriklayman. Bu kunni biz yil davomida kutib yashadik va mana shu kunga yetib keldik. Hammasi uchun muxlislarga, Andijon xalqiga rahmat. Barchamizni yaqinlarimiz, qarindoshlarimiz g‘alaba bilan tabriklashyapti. O‘yin biz uchun asabiy boshlandi. 4:2 – bu muxlislar uchun yoqimli hisob deb o‘ylayman. Bizda intriga kuchli edi. Lekin shunday bo‘lsa-da, o‘zimizning xatolarimiz tufayli ikkita gol o‘tkazib yubordik. Jamoamiz xarakter ko‘rsata oldi. Buni avval ham aytganman va hozir ham ayta olaman. Yana bir bor hammani g‘alaba bilan tabriklayman. Shu bilan birga yana 3-4 ta golli imkoniyatlardan ham foydalana olmadik. Birinchi bo‘limni o‘zida o‘sha gollarni urishimiz kerak edi.
— Butun Andijon xalqi nomidan jamoani g‘alaba bilan tabriklaymiz. Bugun yaxshi o‘yin bo‘ldi. Ammo jamoa o‘yinida individual xatolar ko‘zga tashlandi. Masalan, darvozabon...
— Ikkita o‘yinda ham darvozabonlarimiz xatolikka yo‘l qo‘ydi. To‘g‘ri, endi o‘rtada qisqa tanaffus bor va ular xato va kamchiliklarini to‘g‘rilab keyingi bahsga shay holatda bo‘ladilar, deb o‘ylayman. Albatta, bu vaziyatlarni biz murabbiylar shtabi ko‘rib, tahlil qilib chiqamiz. Ushbu uchrashuvda yutishimiz kerak edi, tamom. Bugun g‘alaba qozonishimiz kerakligini barcha yaxshi tushunib turgandi. Asosiysi, bugungi o‘yinda g‘alaba qozondik. Bitta xato bo‘ldi, ammo qolganlar uning o‘rnini bosib ketdi. Haqiqiy jamoa bo‘lib shakllangandik. Bir-birini maydonda ham qo‘llab-quvvatlashlarini ko‘rsatishdi. Xarakterli, yutishni yaxshi ko‘radigan va yutqazishni yomon ko‘radigan jamoaga aylandik. Bu yakunda o‘z natijasini ko‘rsatdi. 90+4-daqiqagacha tinmay harakat qildik va bu o‘z samarasini berdi.
— O‘yinda asosiy ko‘rsatmalarni siz berib turdingiz. Bosh murabbiy Viktor Kumikovning yo‘qligi bilinmadimi?
— Albatta, bosh murabbiysiz ancha qiyin bo‘ldi. Nima ham derdik, yana bitta o‘yinda sabr qilamiz va barchasi o‘z o‘rniga tushadi. Bosh murabbiyning o‘z o‘rnida emas, balki tribunadan turib joy kuydirib turganini jamoa a’zolari juda yaxshi his qilib turdilar. Shunga yarasha yetarlicha harakat qilishni o‘zlari ham aytgandilar va o‘z so‘zining ustidan chiqishdi.
“Andijon” matbuot xizmati.
O‘zbekiston
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
%20o%26amp%3Blsquo%3Brtasidagi%20uchrashuvdan%20keyin%20tashkil%20qilingan%20matbuot%20anjumanining%20ikkinchi%20qismida%20mezbonlar%20yordamchi%20murabbiyi%20Oleg%20Korniyenko%20qatnashdi.&image=%2Fimages%2Fnews%2Fkornienko.jpg&noparse=true){kind=link}