22 yoshida Erling Xoland o‘zining ajoyib o‘yinlari bilan butun dunyo muxlislarini aqldan ozdirmoqda va yaqinda Transfermarkt ma’lumotlariga ko‘ra eng qimmat futbolchiga aylandi. Uning otasi Alf-Inge Xoland futbolchilik faoliyati davomida 10 mavsumni ingliz klublarida o‘tkazgan bo‘lsa-da, osmonidan yulduzlar yog‘ilmagan. Kichik Xoland buyuk kelajak uchun mo‘ljallangan futbolchidir, lekin u hali ham otasining bitta yutug‘idan yiroqda.
Norvegiyaliklar, o‘zingizga ma’lum, Qatarda bo‘lib o‘tgan jahon chempionatiga chiqa olishmadi. Xolandning holati Zlatan Ibraximovich bir necha bor bo‘lgan holatga juda o‘xshaydi. Yevropaning eng yaxshi to‘purarlaridan biri va o‘z davrining shunchaki ajoyib futbolchisi sifatida shved 2010 va 2014 yilgi jahon chempionatlarini o‘tkazib yubordi. Erling jahon chempionatida o‘ynash uchun yana kamida uch yarim yil kutishga to‘g‘ri keladi.
Xolandlarning kattasi Norvegiya terma jamoasida o‘ynagan davr ancha omadli kechgan. 90-yillar Skandinaviya jamoasi uchun eng ajoyib vaqt bo‘lgan. Egil Ulsen boshchiligidagi norvegiyaliklar ketma-ket ikki marta jahon chempionatiga chiqishdi, braziliyaliklarni mag‘lub etishdi va nostandart taktik harakatlar bilan futbol olamini lol qoldirdi.
Alfi Xoland 21 yoshida AQSHda bo‘lib o‘tgan jahon chempionatiga borgan. O‘shanda himoyachi "Nottingem Forest"da o‘ynagan va Norvegiya futbolining ko‘tarilgan yulduzlaridan biri hisoblangan. Skandinaviyaliklar ilk o‘yinida Meksika terma jamoasini mag‘lubiyatga uchratib, kichik sensasiyani yuzaga keltirdi. Alf-Inge Xoland va uning himoyadagi sheriklari meksikaliklarning asosiy to‘purari Ugo Sanchesni maksimal zararsizlantirishga muvaffaq bo‘lishdi, o‘yin so‘nggida esa Xyetil Rekdal o‘yindagi yagona golga mualliflik qildi. E’tiborlisi, o‘yin 36 daraja issiqda bo‘lib o‘tdi, biroq bu meksikaliklarning foydasiga ishlamadi.
Turnirning ikkinchi o‘yinida Olsen shogirdlari Kasiragi, Donadoni, Roberto Badjo va Franko Baresi boshchiligidagi Italiya termasi bilan to‘qnash kelishdi. O‘yinning 21-daqiqasida afsonaviy Janluka Paluka oxirgi chora sifatida qo‘pollik ishlatgani uchun maydondan chetlatildi. Norvegiyaliklar muddatidan avval pley-off yo‘llanmasini qo‘lga kiritish uchun ajoyib imkoniyatga ega bo‘lishdi, biroq ularga bu yetishmadi. Ikkinchi bo‘limda "adzurri" Badjoning goli evaziga muvaffaqiyatga erishdi. Doim qattiqqo‘l o‘yin uslubiga ega bo‘lgan katta Xoland bu o‘yinda ikkinchi sariq kartochka olib, guruh bosqichining so‘nggi o‘yiniga diskvalifikasiya qilindi.
Uchinchi turda norvegiyaliklar irlandlar bilan to‘qnash kelishdi. Ushbu o‘yinda "yashillar" safida Roy Kin o‘ynadi. Guruhdan chiqish uchun kurash juda ajoyib bo‘ldi, ammo 90-daqiqa oxirida hisob ochilmadi. Uchinchi turdan keyingi turnir vaziyati nihoyatda noodatiy ko‘rindi: “E” guruhidagi barcha jamoalar 4 ochkodan jamg‘argan. To‘plar farqi 1:1 bo‘lgan norvegiyaliklar mag‘lubiyatga uchragan bo‘lib, oxirgi o‘rinda qoldi. Meksikaliklar va irlandlar dastlabki ikki o‘rindan pley-offga chiqishdi, qo‘shimcha ko‘rsatkichlar bo‘yicha esa jahonning bo‘lajak vise-chempionlari bo‘lmish italiyaliklar esa uchinchi o‘rindan joy oldi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
