APLda 16 turdan keyin mavsumning birinchi qismi o‘z nihoyasiga yetdi. Futbol olamidagi eng kuchli chempionat mundialga qadar muxlislar uchun ajoyib shou namoyish etib berdi. Ta’kidlash lozimki, mavsum avvalida taxmin qilingan fikrlar o‘zini oqlamadi. Ayrim jamoalar kutilganidan ko‘ra ancha yaxshi natijalar qayd etdi. Jumladan, Mikel Arteta boshchilik qilayotgan «Arsenal», kutimaganda chempionlik uchun jiddiy da’vogarga aylandi. London jamoasi «Manchester Siti» bilan kurashga kirishdi va ayni damda 5 ochkolik farq bilan turnir jadvalini boshqarib turibdi. Shuningdek, bu borada «Nyukasl»ni ham alohida ta’kidlash lozim. «Qarg‘alar» Eddi Xau bilan ayni damda 3 o‘ringa ko‘tarilib olishga erishdi.
Mavsumning birinchi qismiga qarab, ramziy terma jamoa tuzishda, tabiiyki, yuqorida nomlari zikr etilgan jamoalar vakillari yetakchilik qiladi. Quyida aynan shu haqida gap boradi.
Darvozabon borasida «Nyukasl» vakili Nik Poupni alohida ta’kidlash lozim. U bu mavsumda 6 ta quruq o‘yin o‘tkazishga erishdi. U bu borada «Arsenal» posboni Aron Ramsdeyldan bittaga ortda qolmoda. Ammo Poupning seyvlari katta ahamiyatga ega edi. U hozirga qadar 43 ta seyv ijro etgan. Shu sabab uning nomzodi terma jamoaga kiritildi.
Himoyada ham ikki «Nyukasl» vakili mavjud: Kiran Trippyer va Den Bern. Ular qanot himoyachilari vazifasini bajarishadi. Markaziy himoyadan «Arsenal» futbolchilari Vilyam Saliba hamda Gabriellar joy olgan. Ta’kidlash kerakki, ushbu juftlik bu mavsumda ikkitadan golga mualliflik qildi.
Yarim himoyadan ham «Arsenal» yulduzi joy olgan. Granit Jaka o‘zining 3 ta goli bilan ramziy terma jamoaga kirish sharafiga sazovar bo‘ldi. Unga esa «Manchester Siti» sardori Kevin De Bryuyne hamrohlik qiladi. Jamoada o‘ninchi raqam vazifasini «Lester» yarim himoyachisi Jeyms Meddison bajarib beradi. O‘ng qanot uchun ikki jiddiy nomzod bor edi. Bukayo Saka va Migel Almiron bu joyga da’vo qiladi. Ammo biz mavsumda urgan gollari hisobi bilan Almironni tanlashga qaror qildik. Paragvaylik hujumchi 8 ta golni o‘z hisobiga yozdirib qo‘ya olgan. Chapda esa yana «Arsenal» yulduzi Martinelli va «Brayton» vakili Leandro Trossard e’tirof etilgan. Biroq, natijalari e’tibori bilan Trossard tanlab olindi. «Chag‘alaylar» vingeri hisobida 14 turdan keyin 7 ta gol ga 3 ta assist mavjud.
Markaziy hujumda kim bo‘lishini hamma yaxshi anglab turibdi. Ha, «shaharliklar»ning yangi a’zosi Erling Xoland 14 ta turda 18 ta gol bilan bu nomga sazovar bo‘ldi. Norvegiyalik bu mavsumda APLda harakat qilmoqda. U o‘z ishini davom ettirsa, mavsum so‘ngida Alan Shirer va Endi Koul tomonidan o‘rnatilgan 34 talik APL rekordi yangilanishi mumkin.
Ramziy terma jamoa quyidagi ko‘rinishda bo‘ldi:
Darvozada: Nik Poup;
Himoyada: Trippyer, Saliba, Gabriel, Bern;
Yarim himoyada: De Bryuyne, Jaka, Meddison;
Hujumda: Almiron, Xoland, Trossard.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
