Krishtianu Ronalduning "MYU"dan ketishi APLda maosh borasida yangi yetakchi paydo bo‘lganini anglatadi. Hozirga qadar bu boradagi yetakchilikni Ronaldu, haftasiga yarim million funt bilan egallab kelayotgan edi. Xo‘sh, hozirda vaziyat qanday? Quyida APLning eng ko‘p maoshga egalik qiluvchi 10 ta futbolchisi keltirib o‘tiladi.
10. Kalidu Kulibali
Yozgi transferlar oynasining eng shov-shuvli ko‘chishlaridan biri Kulibali edi. U "Napoli"dan "Chelsi"ga o‘tar ekan, kattagina maosh olishga kelishib oladi. Uning hozirda olayotgan ish haqi haftasiga 295 ming funtni tashkil etadi. 31 yoshli himoyachi ayni damda Jahon chempionatida Senegal sharafini himoya qilmoqda.
9. Kazemiro
Kazemiro "MYU" safiga katta maosh evaziga taklif etildi. Qolaversa, uning tranfser qiymati ham juda baland edi – 73 million funt. Mankunianliklar besh karra YECHL g‘olibiga YEL futbolini taklif eta olardi xolos. Ammo maosh masalasida ancha saxiylik qildi. Kazemiro hozirda har hafta 300 ming funt oladi.
8. Jek Grilish
O‘tgan yozning eng qimmat xaridiga aylangan futbolchi, "shaharliklar" safida ancha qiyin davrlarni boshdan kechirdi. Grilish 100 million funtga sotib olingan. Uning maoshi esa haftasiga 300 ming funtdir. Shunga qaramasdan, u o‘ziga bildirilgan ishonchni oqlay olgani yo‘q.
7. Raxim Sterling
"Chelsi" Sterlingni sotib olish uchun yaxshigina taklif bilan chiqishga majbur edi va shunday ham qildi. Ayni damda Angliya terma jamoasi a’zosi Londonda haftasiga 325 ming funt oladi. Ammo "Chelsi"ning undan kutgan natijalari ko‘ngildagidek emas.
6. Rafael Varan
Varanga uncha-muncha futbolchi yeta olmaydi. Chunki u 4 marta YECHL g‘olibi bo‘lish bilan birga, Jahon chempionligini ham qo‘lga kiritgan. Uning "MYU"dagi ishlarini yaxshi deb bo‘lmaydi. Ammo maosh masalasida shunday deya olamiz. Varan haftalik 340 ming funtga egalik qiladi.
5. Muhammad Saloh
Saloh mavsumlar oralig‘ida yangi, 2025 yilga qadar mӯljallangan bitimga imzo chekdi. Bu esa o‘z navbatida, misrlik futbolchini "Liverpul" tarixidagi eng ko‘p maosh oluvchi futbolchiga aylantirdi. Uning ish haqi haftasiga 350 ming funtdir.
4. Jeydon Sancho
"MYU" o‘tgan mavsum, hatto, bu mavsumda ham Sanchodan katta natijalarni kutgandi. Ammo umidlar oqlanmadi. Jeydon Garnacho soyasida qolib ketdi. Garchand haftasiga 350 ming funt olsada, Jeydon Sancho Angliya terma jamoasi tarkibiga kira olmadi.
3. David De Xea
De Xea APL tarixidagi eng ko‘p maosh oluvchi darvozabon sanaladi. Uning haqi 375 ming funtga teng. Ikkinchi o‘rinda esa 150 ming funt bilan "Chelsi" posboni Kepa Arrisabalaga turadi. Oradagi farqni ko‘rib turibsiz. De Xea shunga yarasha harakat qilmoqda, albatta.
2. Erling Xoland
Xoland APLga ko‘plab rekordlarni yangilash bilan kirib keldi. Gvardiola jamoasi Xoland bilan YECHL g‘olibiga aylanadi degan taxminlar ham ko‘p yangramoqda. Balki shunday bo‘lar ham. Norvegiyalik hujumchining bitimida, unga har hafta 375 ming funt berilishi aytilgan. 22 yoshli futbolchi nonini "halollab" olmoqda, deyish mumkin.
1. Kevin De Bryuyne
Ortiqcha fikr bildirmaymiz. De Bryuyne 400 ming funtlik maoshga arzishini hamma biladi. U haqida Gvardiola shunday deydi: "Kevin jamoa uchun eng yaxshi xarid bo‘lgan. Yetti yil davomida u juda katta hajmdagi ishni bajarib kelmoqda. Germaniyadagi o‘yinlarini ko‘rib, men lol qolgan edim. Uni o‘z jamoamda ko‘rishni istagandim. Hozir bu ro‘yobga aylandi. Bundan baxtliman".
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
