“Inter” yozda “Liverpul” hujumchisi Roberto Firminoni tekinga o‘z safiga qo‘shib olmoqchi.
Braziliyalik hujumchining "Liverpul" bilan shartnomasi 2023 yilning yoziga qadar tuzilgan.
La Gazette Dello Sport xabariga ko‘ra, Italiya klubi Firminoni "Chelsi"dan ijara muddati uzaytirilmasa, Romelu Lukakuning o‘rniga tekinga o‘z tarkibiga qo‘shib olmoqchi. Qayd etilishicha, Roberto “Inter”ga o‘tishga juda qiziqmoqda.
Hozirda Firmino "Liverpul"dan yiliga 10 million yevro maosh olmoqda. "Inter" bunchalik ko‘p to‘lashga tayyor emas. Biroq, Roberto o‘z maoshini yiliga taxminan 8 mln yevroga kamaytirishga rozi bo‘lsa, "Inter" uning maoshini to‘lab bera oladi (bu holda klub soliqlar bilan unga yiliga 10,5 mln yevro sarflaydi).
Bunday maosh Firminoni "Inter"ning eng ko‘p maosh oluvchi futbolchilari qatoriga kiritadi. Bu miqdor hozirda Lukaku olayotgan maoshdan oshmaydi.
Firmino joriy mavsum “qizillar” safida barcha turnirlar doirasida 21 o‘yinda maydonga tushib, 9 ta gol va 4 ta golli uzatmaga mualliflik qildi.