Navbatdagi JCHda Kilian Mbappe ukasi bilan maydonga tushishi mumkin.
Qatar mundiali davrida klub futbolida pauza yuzaga kelgan bo‘lsada, ko‘pchilik futbolchilar vaqtlarini mashg‘ulotlar va o‘rtoqlik uchrashuvlari bilan o‘tkazishdi. Jumladan, «PSJ» «Parij» bilan kuch sinashdi. Poytaxtdan 20 chaqirim uzoqlikda joylashgan Ooredoo o‘quv markazidagi bellashuv 2ta 30 daqiqalik bo‘lim formatida o‘tdi. «PSJ»ning 2:1 hisobidagi g‘alabasi bilan nihoyasiga yetgan bahsning 16-daqiqasida Nordi Mukiele hisobni ochgan bo‘lsa, 52-daqiqada Ismoil Garbi farqni oshirdi. Hakam tomonidan qo‘shib berilgan vaqtda Yunus al Xanna o‘zi istamagan holda avtogol muallifiga aylandi.
Uchrashuvning 45-daqiqasida esa muhim voqea yuz berdi - «PSJ» tarkibida Kilian Mbappening ukasi Itan maydonga tushirildi. 15 yoshli yarim himoyachi o‘zining debyut uchrashuvida 15 daqiqa to‘p surdi. Keling, u bilan yaxshiroq tanishib olaylik.
Itan Mbappe Bo‘lajak Marko Verattimi?
Kichik Mbappe 2006 yilda tug‘ilgan, 29 dekabrda 16ga chiqdi. Futboldagi faoliyatini u «Bondi» klubida boshlagan, 2017 yilning yozida akasi ortidan «PSJ»ga o‘tgandi. O‘tgan mavsumda Itan 17 yoshgacha bo‘lgan o‘smirlar jamoasida to‘p surib, 15ta o‘yinda 4ta gol urdi. 2021 yilning yozida kichik Mbappe «PSJ» bilan 3 yillik shartnomani rasmiylashtirdi va 19 yoshlilar jamoasiga o‘tdi.
Poytaxt jamoasining 4:3 hisobidagi g‘alabasi bilan yakunlangan «Trua»ga qarshi oktyabrdagi bellashuvdan keyin Itan ilk marta asosiy jamoa mashg‘ulotida ishtirok etdi. Uni bosh murabbiy Kristof Galte taklif etgandi. Marko Verratti va Vitinyaning yo‘qligida 56 yoshli mutaxassis Kilianning ukasini sinovdan o‘tkazishga qaror qilgandi. Itan - «PSJ» akademiyasining kelajagi porloq tarbiyalanuvchilaridan biri.
Joriy mavsumda kichik Mbappe UYEFA o‘smirlar ligasida debyutini nishonlab, 5ta uchrashuvda to‘liq to‘p surdi va 2ta samarali uzatmani o‘z hisobiga yozdirib qo‘ydi.
Itan to‘pni nazorat qilishi, yuksak texnikasi va chap oyog‘ida zo‘r o‘ynashi bilan ajralib turadi. U ko‘pincha Marko Verrattiga qiyoslashadi: u hujumlarni a’lo darajada rivojlantiradi, to‘p uchun kurashganda markaziy himoya chizig‘iga qadar ortga chekinadi.
«Trua»ga qarshi o‘yindan keyin Itan o‘z imkoniyatidan foydalanishga muvaffaq bo‘ldi. U 2-3 yildan keyin asosiy tarkibda porlaydigan «PSJ» akademiyasidagi yangi yulduzcha. Asosiysi, 2024 yilda shartnoma muddati nihoyasiga yetadigan noyob iqtidorni qo‘ldan chiqarib yubormaslik», - deyishdi Fransiyaning Le Parisien gazetasi jurnalistlari.
Qiziq, Liga1 tarkibida akasi bilan yonma-yon to‘p surishga Itan ulgurarmikan? Kilianning «Real»ga o‘tishi xususidagi mish-mishlar tobora avjiga chiqmoqda. Ukasi endi 16ga chiqqanini inobatga olganda, maydonda ularni bitta jamoada ko‘rishning iloji yo‘qdek. Bo‘lajak JCHda ishtirok etish imkoniyati esa Itanda bor - u paytda yosh iqtidor 19ni qoralab qo‘ygan bo‘ladi. Akasi bu yoshda futbol tojdori bo‘lgandi, endi ukasi bilan hamkorlikda kurashishi mumkin.
D.ALIMOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
