Ko‘pchilik Reshfordning so‘nggi paytdagi o‘yinlariga qoyil qolmoqda. Mutaxassislarning fikriga ko‘ra, Reshford Ronaldu ketgani sabab shunday yuksalishga erisha oldi. Ba’zilar (Ronaldu muxlislari) uchun bu salbiy eshitilar. Ammo statistik ma’lumotlar shuni ko‘rsatmoqda.
Jahon chempionatidan sal oldin Ronaldu "MYU"ni tanqid qilib, intervyu bergandi. O‘shanda u klub egalarini ayblab, Erik ten Xagni hurmat qilmasligini bildirgan. 38 yoshli hujumchining shartnomasi intervyu sababli bekor qilindi. Ronaldu hozir Saudiya Arabistoni chempionatida, yiliga 173 million funt evaziga to‘p tepmoqda. Shunday bir paytda "Old Trafford"da boshqa bir qahramon paydo bo‘ldi. Reshford Jahon chempionatidan keyin yaqqol porlay boshladi. Futbolchining Ronaldusiz natijasi 25 ta o‘yinda 15 ta golga teng. Bu degani Angliya terma jamoasi a’zosi har 123 daqiqada gol urmoqda.
Reshford ilgari Ronaldu bilan 42 ta o‘yin o‘tkazib, bor-yo‘g‘i 12 ta gol urishga erishgandi. Qolaversa, hujumchining boshqa statistikalari, Ronalduning ketgani qanchalik yaxshi bo‘lganini ko‘rsatadi. Xususan, Reshford Ronaldu davrida 90 daqiqada o‘rtacha raqib darvozasi tomon 2,9 ta zarba yo‘llardi. Ularning 1,2 tasi aniq nishonga borgan. Ronaldu ketganidan keyin esa bu ko‘rsatkich 3,2 ga, aniqg‘i esa 1,7 ga ko‘tarilgan.
Ronalduning ketishi Reshfordning maydondagi joylashuvida ham o‘zgarish yaratdi. Masalan, Ronaldu bilan Reshford raqibga katta bosim qilishga majbur bo‘lardi. U Ronalduning o‘rniga ham ishlashi kerak edi. Hozir esa unday emas. Lekin u raqib jarima maydonida Ronaldu davridagidan ko‘proq to‘p bilan muomala qila boshladi. Bu narsa hujumda Reshfordning katta hajmdagi ishni bajara boshlaganidan darak beradi. Buni yaqinda "Barselona" bilan bo‘lgan uchrashuvda ham guvoh bo‘ldik. 25 yoshli hujumchini kataloniyaliklar ham to‘xtata olmadi.
"Manchester Yunayted" yakshanba kuni "Lester Siti" bilan bahs yuritadi. Jamoaning kuchli to‘rtlikdagi raqiblari bu turda "Liverpul" va "Vest Xem"ga qarshi chiqqanni sababli "qizil iblislar"da farqni yanada kattalashtirib olish imkoni bo‘ladi. Keyingi haftaning payshanba oqshomida ten Xag jamoasi "Barselona" bilan javob uchrashuvida, hafta oxirida esa "Nyukasl"ga qarshi liga kubogi finalida to‘qnash kelishi kerak. Agarda finalda g‘alab qozonilsa, bu "MYU"ning so‘nggi olti yildagi ilk tituliga aylanadi. Reshford esa mana shu maqsadlarda jamoaga asqotadi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
