Jahon chempionatining mavsum o‘rtasida tashkil etilishi, ayrim futbolchilarning foydasiga xizmat qildi. Ayni damga kelib, mundial tugaganidan beri ajoyib mahsuldorlik ko‘rsatayotgan futbolchilar bor va biz ularning eng yaxshilardan o‘ntasini ro‘yxatga kiritdik. Quyida shu haqida so‘z boradi.
10. Teys Dallinga – 8 ta
Agarda bu hujumchi shu zaylda davom etsa, tez orada Niderlandiya terma jamoasi uni o‘z safiga chorlaydi. 22 yoshli futbolchi Jahon chempionatidan beri zo‘r daraja namoyish etib kelmoqda. Dallinga "Tuluza" safida dekabrdan beri 8 ta golga mualliflik qildi.
9. Yussuf En-Neseri – 8 ta
Marokash terma jamoasi a’zosi Jahon chempionatida yaxshi daraja namoyish etgandi. Turnir tugashi bilan En-Neseri klub miqyosida mahsuldorlik ko‘rsata boshladi. 2022-23 yilgi mavsum "Sevilya" uchun dahshatli darajada yomon kechayotgan bo‘lsa ham, Yussuf kabi futbolchilari bilan klub o‘zini o‘nglab bormoqda. Jamoa marokashlik hujumchi yordami bilan La-ligada 12 o‘ringa ko‘tarilib oldi.
8. Lautaro Martines – 8 ta
Jahon chempionatida Martines Argentina termasidagi o‘rnini Alvaresga boy berib qo‘ygandi. Shunga qaramay, Lautaro Messining finaldagi uchinchi golida muhim vazifani bajardi va Qatardan chempion sifatida qaytdi. "Inter" safida esa mundialdan keyin 8 ta golga mualliflik qildi.
7. Kilian Mbappe – 8 ta
Mbappening kayfiyati oldingidek emas. Ammo maksimum o‘ynashga harakat qilmoqda. Uning mahsuldorligi ham avvalgidek emasligi, shundan bo‘lsa kerak.
6. Aleksandr Lyakazett – 9 ta
Lyakazett uchun "Arsenal"dagi davr tugagan edi. Shu sabab yozda u "Lion"ga qaytdi va yana to‘purarlik qobiliyatini namoyish eta boshladi. Mavsum qayta start olganidan beri fransuz hujumchisi hisobida 9 ta gol bor. Bu natija uning o‘tgan mavsumdagi "Arsenal" bilan qayd etgan statistikasidan yaxshiroq sanaladi.
5. Erling Xoland – 9 ta
Mavsum avvalida ko‘pchilik Xoland borasida savollar bergandi. Ammo norveg hujumchisi hammaning og‘zini o‘z gollari bilan yopib qo‘ydi. Jahon chempionatidan keyin u 9 ta gol urishga ulgurgan. Xoland rekordlar sari bormoqda.
4. Viktor Osimxen – 9 ta
"Napoli" hujumchisi Yevropadagi eng ko‘p xaridorlarga ega bo‘lgan futbolchi bo‘lib turibdi. Luchano Spalletti shogirdlarining zafarida asosiy rolni Osimxen o‘ynab berayotgani ko‘p narsani anglatadi. Neopolliklar A seriyada yetakchilik qilishda davom etadi. Nigeriya terma jamoasi a’zosi esa 9 ta golni mundialdan keyin kiritdi.
3. Vissam Ben Yedder – 9 ta
"Monako" bu mavsumda raqiblar uchun eng noqulay jamoaga aylangan. Bu klub so‘nggi 9 ta bahsda mag‘lubiyatga uchragani yo‘q. Bu esa "PSJ"ga bosim yuklamoqda. Ben Yedderning yaxshi sport formasi davomiy bo‘lsa, mavsum oxirida Fransiyada ham chempionlik kurashiga guvoh bo‘lamiz.
2. Karim Benzema – 10 ta
Jarohatlar va yomon muhit sababli Fransiya terma jamoasini tark etgan Benzema, Jahon chempionatini butunlay o‘tkazib yuborgandi. Ammo shundan keyin "Oltin to‘p" egasi ishga kirishdi. U 10 ta golni dekabrdan to hozirga qadar urgan.
1. Markus Reshford – 16 ta
Reshforddan boshqa yana kim ham bo‘lardi? Mubolag‘a qilib aytadigan bo‘lsak, "MYU" hujumchisi tekkan to‘p darvoza to‘ridan joy olmoqda. Erik ten Xag esa Reshfordning bu hislatlarini yanada sayqallashi kerak bo‘ladi. Ko‘ramiz, mavsum oxiriga qadar qanday natija qayd etilarkin.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
