Pol Pogba joriy mavsum «Yuventus» safida bir daqiqa ham o‘ynagani yo‘q, shunga qaramay, klubdan 6 million yevro olishga ulgurdi.
Qolaversa, fransiyalik futbolchi jamoaviy bonuslardan ham bebahra qolmayapti. Diqqat qiling, gap o‘tgan yilning aprel oyidan buyon maydonga tushmagan futbolchi haqida ketmoqda.
POGBA JORIY MAVSUM «YUVENTUS»NING 30ta O‘YININI O‘TKAZIB YUBORDI.
U BU VAQT DAVOMIDA KLUBDAN 6,12 MILLION YEVRO OLDI
Bu chamasi 31 haftalik ish haqi hisoblanadi (soliq to‘lovlaridan oldingi summa)
O‘tgan yilning yozida klub futbolida chiroyli qaytish ro‘y bergandek tuyulgandi. Har holda, APLda zerikkan Pol Pogba «Yuventus»ga erkin agent maqomida qaytdi. Fransiyalik yarim himoyachi hattoki, Turin klubi manfaati yo‘lida yillik maoshi miqdorini pasaytirishga ham rozi bo‘ldi. Deylik, Capology agregatori ma’lumotiga qaraganda, Pol «MYU»da haftasiga 330 ming miqdorida ish haqi olardi. Turinda esa 7 kunlik xizmatining bahosi 197,3 ming yevro bo‘lishiga ko‘ndi. Shu tariqa «Yuventus» Pogbani 2022 yilning 11 iyul kuni rasman o‘z futbolchisi sifatida tanishtirdi. Fransiyalik oradan 2 hafta o‘tgach, «Chivas»ga qarshi norasmiy o‘yinda 45 daqiqa to‘p surdi. Keyin odatiy mashg‘ulotlar jarayonida o‘ng tizzasidan jarohatladi. Shu-shu Pol rasmiy o‘yinlardan chetda qolmoqda. Pogba bu orada «Yuve» qaydnomasidan atigi 1 marta joy oldi. Ya’ni 29 yanvar kuni «A» seriyadan o‘rin olgan «Monsa»ga qarshi bahsni zaxira o‘rindig‘ida kuzatdi. Biroq bu uchrashuvdan keyin yana «g‘oyib» bo‘ldi. Ta’kidlanishicha, futbolchining organizmi uzoq tanaffusdan so‘ng mashg‘ulotlar yuklamasiga dosh berolmagan.
Shunga qaramay, Pogba doimiy ravishda g‘alaba uchun jamoaviy bonuslarga ega chiqmoqda. Bu haqda Gazzetta dello Sport insayderi xabar tarqatdi. Endi Turin klubi shartnomadagi ushbu bandni qayta ko‘rib chiqishni o‘ylamoqda. Demakki, Polning shaxsiy kelishuvi o‘zgartirilishi mumkin. Aytgancha, «Yuventus» bilan shartnomada fransiyalik futbolchining muvaffaqiyati uchun ham alohida bonus belgilangan. Aniqrog‘i, maydonga tushgan o‘yinlari va gollari miqdoriga qarab, 2,6 million yevrogacha mukofot olishi mumkin edi. Klub hozir loaqal shu xarajatdan xoli.
Ma’lumot uchun, Pogbaning amaldagi shartnomasi 2026 yilning yozigacha mo‘ljallangan. Lekin gap-so‘zlarga qaraganda, turinliklar allaqachon u bilan hamkorlik rishtalarini uzish yo‘lini izlashga tushishgan. To‘g‘ri, taniqli insayder Fabrisio Romanoning aytishicha, bu xabarda asos yo‘q. Qolaversa, «Yuventus» bosh murabbiyi Maksimiliano Allegri 10 fevral kuni «Fiorentina»ga qarshi kechgan o‘yin oldidan Polning safga qaytishiga ilhaq ekanligini yashirmadi: «Afsus, hozircha Pogba xizmatidan foydalanolmaymiz. Ehtimol, yana 20 kundan so‘ng safga qaytar. Shaxsan men buni intiqlik bilan kutyapman». O‘z o‘rnida qo‘shimcha qilish kerak, Allegrining o‘zi fevral oyi boshida boshqacha gapirgandi: «Polning to‘liq tiklanishi uchun yana 2-3 oy kerak». Nahotki, Pogbaning chiroyli qaytishini hali uzoq kutishga to‘g‘ri kelsa...
POL POGBA QANCHA O‘YNAMADI?
* Oxirgi marta qatorasiga 3ta o‘yinda to‘liq vaqt harakatlandi
2021 yil 16 oktyabr
* Oxirgi marta 1ta o‘yinda to‘liq vaqt harakatlandi
2022 yil 12 mart
* Oxirgi marta boshlang‘ich tarkibda maydonga tushdi
2022 yil 16 aprel
* Oxirgi marta rasmiy o‘yinda maydonga tushdi
2022 yil 19 aprel
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
