So‘nggi ikki hafta davomida klublarning yetakchi futbolchilari terma jamoasiga yordam berish uchun jo‘nab ketdi. Nihoyat biz kutgan va muxlislar sog‘ingan klublar futboli qaytdi. Bu qaytish har doimgidek APLning grand jamoalariga omadsiz keldi.
29-turda Yurgen Klopp boshchiligidagi "Liverpul" mehmonda azaliy raqiblaridan biri hisoblanmish "Manchester Siti" uyida mehmon bo‘ldi va yirik 4:1 hisobida mag‘lubiyatga uchradi. Bellashuvda Saloh hisobni ochgandi, lekin maydon egalari ushbu golga 4 marta javob berishga muvaffaq bo‘ldi (Alvares, De Bryuyne, Gyundogan, Grilish). To‘g‘ri, mazkur bahsda "qizillar" favorit emasdi, ammo ko‘pchilik Klopp shogirdlarini 4:1 hisobida mag‘lub bo‘lishini kutmagandi.
Shuningdek, bu turda yana bir sensasiya qayd etildi. Londonning "Chelsi" jamoasi "Aston Villa"ni qabul qilib, kutilmaganda 0:2 hisobida imkoniyatni boy berb qo‘ydi. Bu mavsumdagi ko‘rsatkichlardan olib qarasak, kutilgan natija, desak ham bo‘laveradi. Dastlab, Uotkins hisobni ochgan bo‘lsa, ikkinchi taymda Makgin mehmonlarning navbatdagi golini urdi.
Bugun esa Erik Ten Xag boshchiligidagi "Manchester Yunayted" "Nyukasl" mehmoni bo‘ldi va 2:0 hisobida "qarg‘alar"ga imkoniyatni boy berib qo‘ydi. Birinchi taymda hammasi yaxshi ketayotgandek edi. Ikkinchi bo‘limda esa mezbonlarni to‘xtatib bo‘lmadi. Uillok hamda Uilsonning goli "yangi boylar"ga muhim g‘alabani taqdim etdi. Ushbu g‘alabadan so‘ng Eddi Xau shogirdlari APL turnir jadvalida 3-o‘ringa chiqib oldi.
FIFA kunlaridan zararsiz chiqqan kamyob klublar - "Manchester Siti" hamda "Arsenal". Sababi, mazkur jamoalarning asosiy tarkib futbolchilari hamda zaxiradagilarning darajasi deyarli teng. Ular bir-birlarining o‘rnini bemalol to‘ldira oladi.
Misol uchun, "shaharliklar" safida asosiy tarkib o‘yinchisi Kayl Uokerning o‘rnini bemalol markaziy himoyachilardan biri bilan to‘ldirish mumkin. Shuningdek, hujum chizig‘ida Xulian Alvares jarohat olgan Erling Xolandning o‘rnini sezdirmay, gollar urishi mumkin.
"Arsenal"da esa Bukayo Sakaning o‘rnini Leandro Trossard yoki yana bir necha nomzodlar bilan to‘ldirsa bo‘ladi. Shuningdek, klubning yana bir futbolchisi Gabriyel Jezus ham jarohatdan qaytdi.
Yuqorida sanab o‘tilgan jamoalarda aynan bir-birini to‘ldirib turuvchi futbolchilar yo‘qligi yaqqol sezilib qoldi.
Masalan, "Liverpul" da Salohning o‘rnini to‘ldirib, uning yo‘qligini sezdirmaydigan o‘yinchi yo‘q. Jarohatdan qaytgan Jota esa hali o‘zining avvalgi formasiga qaytmagan. "Manchester Yunayted"da Markus Reshford, Brunu Fernandesh almashtirib bo‘lmas o‘yinchiga aylanib qolgan. Shuningdek, yangi kelgan Kazemiro ham bu maqomga mos tushadi. Agar ularning o‘yini chiqmasa yoki maydonda ko‘rinish bermasa, natijasi butun jamoaga ta’sir qiladi.
3-4 ta yulduz futbolchi atrofiga butun jamoani qurgan klublar mana shunday davrlarda qiyinchiliklarga duch keladi. Katta sovrinlarni oldiga maqsad qilib ko‘ygan katta klublar esa har qanday holatga tayyor turishi lozim. Tarkibda teng kuchli va sifatli futbolchilarning ko‘pligi mazkur muammoga ajoyib yechim bo‘la oladi. Nolishlardan esa umuman foyda yo‘q.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
