"Tottenxem" tomonidan ishdan bo‘shatilgan Antonio Konte uzoq ishsiz yurmaydi. Xabarlarga ko‘ra, italiyalik mutaxassis yana "Chelsi"ga qaytishi mumkin. Klub rahbariyati uni "Stemford Brij"da ko‘rishni istamoqda. Konte "Chelsi" bilan 2017 yilda APL chempioni bo‘lgan. 53 yoshli murabbiy ayni damda erkin agent maqomida ishsiz bo‘lib turibdi. Ayrim manbalar Konte va "Chelsi" o‘rtasida allaqachon dastlabki muzokaralar bo‘lib o‘tganini yozadi. Agarda hammasi yaxshi o‘tgan bo‘lsa, keyinga hafta ham tomonlar uchrashadi. Ayni damda Frenk Lempard boshqaruvda bo‘lib turibdi. Bu esa Kontega mavsum oxiriga qadar dam olib, o‘zini tiklab olish imkonini beradi.
Antonio Konte chempionlik yӯlida, "Chelsi" bilan asosan 3-4-3 taktik sxemasidan foydalanardi. Agarda u yana qaytarilsa, jamoa Tomas Tuxel davridan beri amalda bo‘lgan o‘sha tizimga ӯtadi. Xo‘sh, Konte asosiy tarkibni qanday belgilaydi?
Ayni damda jamoada ikkita yuqori mahorati darvozabonlar bor. Shu sababli ulardan biri, yo Kepa Arrisabalaga yoki bo‘lmasa Eduar Mendi klubdan ketishi kerak. Bizningcha, italiyalik Mendini afzal ko‘radi. U himoya markaziga Ris Jeymsni qo‘yishi kutilmoqda. Unga sherik sifatida Benua Badiashile tanlanadi. Qanotda mutlaqo yangi nom paydo bo‘ladi.
Akademiyadan chiqqan Xadson-Odoi o‘ng qanotdan joy egallaydi. U ayni damda "Bayer Leverkuzen" safida ijara mavsumini o‘tkazmoqda. Qarama-qarshi qanotga ikki nomzod bor. Kukurelya hamda Chilvell kurashida ingliz futbolchisi g‘olib bo‘ladi. Shuningdek, bu pozisiyaga "Byornli"da ijara asosida harakat qilayotgan Yan Matsen ham qaytishi kutilmoqda.
Kontening 2017 yildagi jamoasida porlagan N'Golo Kante, yarim himoyada Enso Fernandes bilan harakat qilishi taxmin qilingan. "Aristokratlar" yozda "Milan" yulduzi Rafael Leau uchun katta pul sarflashi aytilgan. Shunday bo‘lsa, Mixail Mudrik va Raxim Sterling taqdiri so‘roq ostida qoladi. Jamoaning yana bir yulduzi Meyson Maunt "MYU" va "Liverpul" tomonidan qiziqishlarga sabab bo‘layotgan edi. Uning ketishi tarkibdagi Kay Xaversni yanada porlashiga yordam berishi mumkin. Hujum markazida 97 million funtga xarid qilingan Romelu Lukaku paydo bo‘ladi. Belgiya terma jamoasi a’zosi Konte bilan yaxshi tanish. Bu tandem 2021 yilda "Inter" tarkibida Italiya chempionligini qo‘lga kiritgandi. Lukaku joriy mavsumda ijara asosida yana jonajon klubiga qaytdi. Ammo uning ishlari "Inter"da yurishmayapti. Xususan, Lukaku 16 ta o‘yinda 3 ta golga mualliflik qilgan xolos. Shunga qaramay, Konte uni o‘z jamoasiga chaqirib oladi. Balki ular "Chelsi"da qaytadan zafarlarga erishar.
Shunday qilib, Antonio Kontening "Chelsi"ga qaytishi katta o‘zgarishlarga zamin hozirlaydi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
