O‘zbekiston kubogi 1-tur “Sho‘rtan” — “Yangiyer” (3:1) uchrashuvidan so‘ng mehmonlar bosh murabbiyi Jahongir Jiyamurodov o‘yin haqida o‘z fikrlarini bildirib o‘tdi.
— Bugungi yutuq bilan “Sho‘rtan” jamoasini tabriklayman. O‘yin mazmunli o‘tdi. Birinchi bo‘limda bizni yigitlar juda ham yaxshi harakat qilishdi. Moliyaviy ahvolimiz yaxshi bo‘lmaganligi sababli biz o‘yin kuni G‘uzorga yetib keldik. O‘yin kuni kelganligimiz sababli natijaga o‘z ta’sirini ko‘rsatdi deb o‘ylayman. Yigitlar jismonan anchagina qiynalishdi.
Birinchi liga chempionati o‘yinlari ortga surilganligi sababli, bugungi o‘yin natijasiga ham o‘z ta’sirini ko‘rsatdi deb o‘ylayman. Ikkinchi bo‘limda yigitlar bir-birini tushunishmadi. Shuning evaziga biz mag‘lubiyatga uchradik.
Yigitlarning harakatidan ko‘nglim to‘ldi. Birinchi bo‘limda aytilgan vazifalarni hammasini to‘g‘ri bajarishdi. Ikkinchi bo‘limda natija yaxshi bo‘ladimi deb malakali, yoshi katta futbolchilarni qo‘ygan edim, lekin futbolchilarning jismoniy holati tayyor bo‘lmaganligini bildirib qo‘ydi. Maydonda o‘zlarining pozisiyalarini yo‘qotib quyishdi.
Ikkinchi va uchinchi gollardan keyin jamoadagi bosim kamaygani, o‘yinga e’tiborsizlik natijasida jamoa mag‘lubiyatga uchradimi?
Bu holatda men o‘zimni fikrimni bildirsam, hakamlarga qanaqa ko‘rinadi bilmadimu, lekin ikkinchi golda o‘yindan tashqari holat bor edi deb o‘ylayman. Balkim bo‘lmagandir, lekin yigitlar ikkinchi goldan keyin tushkunlikka tushib qolishdi. Ketma-ket xatoliklarga yo‘l qo‘yildi. Ularga iroda yetishmadi.
— Bugungi o‘yindan kelib chiqib, yangi murabbiy qo‘l ostida “Sho‘rtan” jamoasida nima o‘zgarish ro‘y berdi o‘ylaysiz?
— Aleksey Vladimirovichni murabbiy sifatida yaxshi taniyman. “Sho‘rtan” jamoasini yaxshi shakllantiribdi. Lekin maydonning holati og‘irligi hisobga olganda “Sho‘rtan” jamoasi futbolchilari ham bugungi o‘yinda ancha qiynaldi. O‘yin jarayonida ketma-ket taktik xatoliklarga yo‘l quyishdi.
— Maydon standart talabga javob bermas ekanmi?
— Biz o‘ynab yurgan vaqtimizda maydonning chimi balandroq qilib o‘rilar edi. Ammo hozir maydon futbolchilar uchun biroz og‘irroq deb o‘ylayman..
— Mavsum boshlanganiga hech qancha bo‘lgani yo‘q. Ammo hozirdan jamoada moliyaviy muammolar bor deyapsiz...
— Endi sizga aytsam, bizning klub xususiy bo‘lganligi uchun ozroq moliyaviy qiyinchiliklar bo‘lib turibdi. Aprel oylarida yangi qaror chiqishi kutilmoqda. Shundan so‘ng shartnomalar qayta imzolanadi va hammasi o‘z iziga tushib ketadi degan umiddamiz.
"Sho‘rtan" PFK matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
