10. Alexandro Balde – 26.38 million funt
"Barselona" o‘z akademiyasi futbolchilarini parvarishlash va ulardan foydalanish borasida Yevropadagi eng yaxshi jamoa hisoblanadi. Shu jarayon mahsuli sifatida Baldeni ko‘rsatish mumkin. U 2011 yildan beri klubda faoliyat yuritadi. Xordi Alba endi unga joyini bo‘shatib berishi kerak. 19 yoshli futbolchiga Xavi katta ishonch bildirmoqda. Himoyachi bu mavsumda allaqachon 42 ta bahsda ishtirok etishga ulgurdi.
9. Jorjo Skalvini – 26.38 million funt
Yillar davomida Italiya diyoridan ko‘plab iste’dodli himoyachilar yetishib chiqqan. Skalvini esa navbatdagi shunday futbolchidir. "Atalanta" vakilining oldida yorqin kelajak kutmoqda. Bu uchun u faqat mehnat qilishi lozim.
8. Xavi Simons – 26.38 million funt
Simons "PSV" safida mavsum davomida fantastik futbol namoyish etib kelmoqda. "PSJ" shu sababdan sobiq futbolchisini qayta sotib olishi mumkin. Talantli hujumchi bu mavsum Erdiviziyada 14 ta gol va 7 ta assistga mualliflik qildi. Simons maydonning ko‘plab qismida o‘zini erkin his qila oladi.
7. Yusuffa Mukoko – 26.38 million funt
"Borussiya Dortmund"da ham o‘ziga xos an’ana bor. Jamoa yosh yulduzlarni yetishtirish borasida yaxshi ishlarni tashkil qilgan. 18 yoshli Mukoko shu narsa mahsulidir. U bu mavsumda 7 ta gol urishga erishdi. Germaniya terma jamoasi yosh hujumchini o‘z safiga qo‘shib oldi. Bundesligada Mukoko har 90 daqiqada gol urmoqda.
6. Xarvi Elliot – 30.8 million funt
Elliotning maydondagi o‘rni borasida ko‘p bahslar bo‘ladi. Yurgen Klopp uni asosan yarim himoyada o‘ynatmoqda. Ammo futbolchining o‘zi qanotda o‘zini erkin his qila oladi. Sobiq "Fulxjm" futbolchisi ingliz futbolida katta o‘ringa ega bo‘lishi mumkin.
5. Rasmus Xyoylunn – 30. 8 million funt
Nima uchun bugun "Atalanta" hujumchisiga talabgorlar ko‘payib ketganini bilib olish qiyin emas. Daniyalik futbolchi fantastik natijalar qayd etmoqda.
4. Florian Virs – 74.79 million funt
Jarohatlari bilan uzoq kurashgan hujumchi yana safga qaytdi. Xabi Alonso Virsdan ajoyib ravishda foydalanmoqda. 19 yoshli futbolchi "Bayer Leverkuzen"ning kelajagi sifatida baholanmoqda.
3. Gavi – 79.2 million funt
Xavi qo‘l-ostida tarbiya topayotgan futbolchi, o‘zini maydon markazida juda erkin his qiladi. Gavining texnika va shijoati, uni dunyodagi eng qimmat futbolchiga aylantirdi. Raqibdan to‘pni olib qo‘yish va vaziyatlar yaratishda Gavi Ispaniya bo‘yicha eng yaxshilardan biri sanaladi.
2. Jamal Musiala – 96.8 million funt
Musiala doimo g‘olib bo‘lishga o‘rgangan. Shunday bo‘lishi ham kerak. Yosh bo‘lsa ham "Bavariya"ning asosiy figurasi bo‘lish oson emas. Nemis yarim himoyachisi qo‘lidan ko‘p narsa keladi. U buni allaqachon isbotlagan.
1. Jud Bellingem – 105.6 million funt
Bellingem benuqson futbolchi va bunga shubha yo‘q. Shu sababdan ko‘plab klublar uning imzosini istamoqda. Bundesligada Bellingem eng ko‘p fint ishlatgan futbolchi bo‘lib turibdi. 19 yosh bo‘lishiga qaramay, Bellingem klub va terma jamoa miqyosida 200 dan ortiq rasmiy uchrashuvlarda qatnashishga ulgurdi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
