"Chelsi" keyingi mavsumda yangi murabbiyga ega bo‘ladi. Agarda jamoa Ruben Amorimni olib keladigan bo‘lsa, asosiy tarkib hozirgisidan mutlaqo boshqacha ko‘rinish olishi mumkin. APLda o‘ta omadsiz qatnashayotgan jamoa, "Sporting" ustozini hammasini o‘nglashiga ishonch bildirishi mumkin. Ayni damda "Chelsi" Grem Potterga o‘rinbosar topishga juda ham qiynalmoqda. Amorim esa hamma masalaga yechim bo‘lishi mumkin. Negaki, u allaqachon Portugaliyada o‘zini ko‘rsatib ulgurgan. 38 yoshli mutaxassis "Sporting"ni 2021 yilda chempionga aylantirgan edi. Bundan tashqari u o‘zi ishlagan jamoalarda liga kubogini uch marta qo‘lga kiritgan. Agarda Amorim "Chelsi"ga kelsa, jamoa tarkibida va uslubida katta o‘zgarishlar yasalishi taxmin qilingan.
Ruben Amorimning "Chelsi"ga kelgach qiladigan birinchi ishi, bu yarim himoyaga sobiq "Sporting" futbolchisi Joau Palinyani olib kelish bo‘ladi. 27 yoshli futbolchi hozirda "Fulxem" safida harakat qilmoqda. U ko‘plab klublar qiziqishiga sabab bo‘lmoqda. Agarda u "Chelsi"ga kelsa, u holda Enso Fernandes bilan maydon markazini qo‘lga olishi mumkin bo‘ladi. Yana bir yarim himoyaga olib kelinadigan futbolchi bu "Vulverxempton" yulduzi Mateus Nunesdir. U "Chelsi"ga qarshi o‘tgan turda fantastik goli bilan jamoasiga g‘alaba olib kelgandi. 24 yoshli hujumkor futbolchi ham Amorim qo‘l-ostida harakat qilgan. Agarda Nunes shunday temptda davom etsa, shubhasiz uning keyingi faoliyati katta klublardan birida davom etadi.
Nunesning o‘sha, "Chelsi" darvozasiga urgan goli haqida "Vulvz" afsonasi Stiv Bull shunday degandi: "Bu g‘alaba goli hayotimda ko‘rgan eng chiroylilaridan biri. U menga Marko van Bastenning 1988 yilgi Yevropa chempionatida urgan golini esimga soldi. Goldan keyin Mateus Nunesning yuziga e’tibor berdim. U xursand edi. Futbolchilar goldan keyin quvonishi shart. Aks holda, ular qayta gol urishga qiynaladi".
Darhaqiqat, gollar urish "Chelsi"ning joriy mavsumdagi eng og‘riqli nuqtalaridan biri bo‘lib turibdi. Klub 30 ta liga o‘yinida jami 29 tagina golga mualliflik qilgan. Bu esa o‘ta kamdir. Shu sababdan yangi mavsumda rahbariyat yozda hujumga yana bir yulduzni jalb etishi mumkin. Albatta, bu xarid Amorim tavsiyasi bilan bo‘ladi. Fransiya terma jamoasi a’zosi Kristofer Nkunku o‘sha futbolchidir. "Leypsig" yulduzi 53 million funt atrofida baholanayotgani aytiladi. Ko‘ramiz, bu masala qanday yakun toparkin. Shuningdek, xabarlarda "Chelsi" "Napoli" hujumchisi Viktor Osimxenni ham sotib olishi haqida ma’lumotlar keltirildi. Todd Boeli bu ishni YECHL futbolisiz ham eplashi mumkin ekan. Agarda shunday bo‘lsa, "Chelsi" Ruben Amorimning 4-3-3 hujumkor taktik sxemasiga moslanadi. "Sporting" ayni damda shunday hujumkor sxemani amalda qo‘llab kelmoqda.
Ismatov J.
Buxoro
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
