Angliya Premyer-ligasi jamoalari har yili milliardlab funtni o‘z tarkibini kuchaytirish uchun ishlatishadi. 2022-23 yilda "Chelsi", "Arsenal" va "MYU" kabi jamoalar tarkib uchun harajatlar hajmini oshirdi. Hӯsh, endi joriy mavsumda sotib olingan futbolchilarning qay biri eng ko‘p maosh oladi? Quyida bu savolga javob topasiz. Yana shuni ham bilib olasizki, eng yaxshi maoshga ega xaridlarning oltitasi top-klublar tomonidan transfer qilingan. Kuchli o‘nlikning yarmi esa "Chelsi"ga tegishli.
10. Mark Kukurelya – 175 ming funt
62 million evaziga, 175 ming funt haftalik moash bilan jamoaga olib kelingan Kukurelya, mavsumning eng omadsiz transferlaridan biriga aylandi. "Brayton"ning sobiq futbolchisi ham butun jamoa singari mavsumni bir tekisda o‘tkaza olmayapti. Grem Potter ketib, Ben Chilvell jarohatdan qaytganidan keyin, bu jarayon yanada tezlashdi. Ispaniyalik himoyachi haligacha jamoa uchun loyiq ekanini ko‘rsata olgani yo‘q.
9. Enso Fernandes – 180 ming funt
"Chelsi" Fernandes uchun qishda qattiq kurashga kirishgandi. Todd Boeli Argentina terma jamoasi a’zosi uchun rekord darajadagi summa, 106 million funtni to‘lab bergandi. Hozirga qadar Fernandes o‘ziga sarflangan pullarni oqlay oladigan darajada o‘yin ko‘rsata olgani yo‘q. Umid qilamizki, kelajakda jahon chempioni uchun hammasi yaxshi tomonga o‘zgaradi.
8. Manuel Akanji – 180 ming funt
Akanji yaqin yillar ichida "Manchester Siti" tomonidan sotib olingan arzon, ammo muhim futbolchilardan biriga aylandi. Garchand jamoada yaxshigina maosh olsada, shveysariyalik yarim himoyachi o‘ziga bildirilgan ishonchni dastlab oqlay olmadi. Hozir esa Pep Gvardiola uni o‘z tizimiga moslashtirdi. Amaldagi chempionlar tarkibida Akanji tez-tez asosiy tarkibda ko‘rinish bermoqda.
7. Vesli Fofana – 200 ming funt
O‘tgan yozda "Chelsi" Fofana uchun "Lester"ga 70 million funt to‘lov qiladi. Fransiyalik himoyachi Yevropadagi eng yorqin futbolchilardan biriga aylanishi aytilgandi. Ammo u oktyabr oyida "Milan" bilan bahsda jarohat olib, mavsumni katta qismini o‘tkazib yuborishga majbur bo‘ldi. Oradan ko‘p o‘tmay, "Chelsi" uning o‘rnini to‘ldirish uchun Benua Badiashileni olib keldi. Hozir bu ikki himoyachi asosiy tarkib uchun kurashga kirgan.
6. Antoni – 200 ming funt
Agarda yuzta "MYU" muxlislaridan Antonini jamoaga olib kelinishiga munosabat bildirishni so‘rasangiz, yuz xil javob olasiz. Braziliyalik hujumchi maydonda yetarli imkoniyatlarga ega bo‘layotgandi. Ammo hali beri barqaror yo‘lga tushib olgani yo‘q. Harxolda, ko‘pchilik 82 million funtlik futbolchidan ko‘prog‘ini kutgandi. Erik ten Xag Antonini ochib yuborishga harakat qilmoqda. Ammo hali bu rejalar ish bermadi.
5. Gabriel Jezus – 265 ming funt
Jezusning "Arsenal"ga o‘tishi, jamoaga misli ko‘rilmagan darajada ijobiy ta’sir ko‘rsatdi. London klubining o‘yinidagi o‘sish, Jezus nomi bilan bog‘langan. Braziliya terma jamoasi a’zosi "Arsenal"ni chempionlik kurashiga kirishida harakatlantiruvchi kuch vazifasini bajargandi. U "Manchester Siti"dan to‘pchilar safiga o‘tish orqali o‘z maoshini uch karraga ko‘paytirib oldi. Jezus ayni damda haftasiga 265 ming funt olmoqda.
4. Kalidu Kulibali – 295 ming funt
Kulibali APLda eng yaxshi maoshga ega bo‘lgan ikkinchi raqamli himoyachi sanaladi. U bu borada faqat Rafael Varandangina ortda xolos. Shunga qaramay, futbolchi Londonda zaxira o‘rindig‘iga mixlanib qolgan. Aytish kerakki, Kulibali o‘ziga sarflanayotgan pullarni hali oqlay olgani yo‘q.
3. Kazemiro – 300 ming funt
Kazemiro har hafta 300 ming funtni o‘z uyiga olib ketayotgandir. Ammo uning o‘yinlari muxlislarning cheksiz muhabbatiga sabab bo‘ldi. Sobiq "Real" futbolchisi tartib-intizom borasida Angliya futboliga ozgina mos kelmadi, xolos. Ammo u jamoada bo‘lgan paytida "MYU"ning o‘yinlari muvaffaqiyatli chiqmoqda.
2. Raxim Sterling – 325 ming funt
Angliyadagi eng katta nomlardan biri bu, shubhasiz Sterlingdir. Shu sabab o‘tgan yozda "Chelsi" uni jalb etish uchun ancha qiynaldi. 325 ming funt maosh olishi belgilangan hujumchi, o‘zidan kutilgan natijalarni hali bermadi. Negaki, uning jamoasi musobaqalarda omadsiz qatnashmoqda.
1. Erling Xoland – 375 ming funt
Xoland "shaharliklar" safida eng katta moashga ega emas. Bu nom Kevin De Bryuynega tegishli. Belgiyalik yarim himoyachi har hafta 400 ming funt haq oladi. Ammo hu muhim emas. Muhimi, Xolandning olayotgan pullariga munosib natija qayd etayotganidir. U 39 ta o‘yinda 45 ta gol urishga erishdi. Ayni damda butun dunyoda Xolanddan yaxshi hujumchi yo‘q desak yangishmaymiz. Mavsumning eng yaxshi xaridlaridan biri aynan 22 yoshli norvegiyalikdir.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
