Papa Karlo jamoa muammolariga juda bir yoqlama qaraydi. Bu esa «Manchester Siti»dan mag‘lubiyatga olib kelishi mumkin.
«Real Madrid» bosh murabbiyi Karlo Anchelottini xafa qilish qiyin, ammo aprel oyida «Vilyarreal»ga qarshi o‘z uyidagi mag‘lubiyatdan keyin ham (2:3) u o‘zini tuta olmadi. «Taqvim juda tig‘iz, o‘yinlar juda ko‘p. Biz futbolchilarning sog‘ligini kuzatib borishimiz kerak, chunki ular futbolning eng muhim qismi. Vaholanki, hamma faqat o‘zini o‘ylaydi: liga o‘zini o‘ylaydi, federasiya o‘zini o‘ylaydi, FIFA o‘zini o‘ylaydi, UYEFA o‘zini o‘ylaydi. Bu futbol uchun yaxshi emas, noto‘g‘ri. Nimadir o‘zgarishi kerak», - dedi italiyalik.
Karloni tushunish mumkin: agar «Real Madrid» uchun mavsumining birinchi yarmi muammosiz o‘tgan bo‘lsa, JCH-2022dan keyin dahshatli tush boshlandi. O‘yinlar shiddati oshdi, bundan tashqari, Marokashdagi klublar o‘rtasidagi jahon chempionati taqvimga qo‘shildi, shu sababli fevral oyida madridliklar to‘rt hafta ichida to‘qqizta uchrashuv o‘tkazishiga to‘g‘ri keldi. Qolaversa, Ispaniya Superkubogi yanvar oyida yarim final/final formatida Saudiya Arabistonida bo‘lib o‘tdi. Jamoa qator jarohatlar girdobi bilan qoplanib, natijalar pasaygan bo‘lsa ajab emas. «Har uch kunda o‘ynaganingizda shunday bo‘ladi. Sog‘ayish uchun vaqt yo‘q», - deya afsuslandi Anchelotti.
«Valensiya» bilan o‘yinda madridliklar ikki yetakchi futbolchisini boy berdi
Bu mavsumda «Real Madrid» Ispaniya chempionligini himoya qila olmagani tanqid qilinmoqda. Kuzda yevrokuboklardan chiqqan «Barselona» butun masofa bo‘ylab yanada yangi va ishtiyoqli ko‘rindi. Madridliklar esa, ayniqsa, 2023 yil boshidan buyon o‘yinchilarni doimiy ravishda yo‘qotmoqda. Muammolar yanvar oyi boshida «Valensiya» bilan Ispaniya Superkubogi o‘yinda boshlandi.
O‘sha o‘yinda Eder Militao (ko‘kargan mushak, shuningdek, miya chayqalishi) va Karim Benzema (sonning orqa qismi) turli darajadagi jarohatlar oldi. Keyin ikkalasini ham almashtirish kerak edi va agar restavrasiyadan so‘ng «Real Madrid»ning asosiy to‘purari odatdagidek yuqori darajaga qaytgan bo‘lsa, braziliyalikda nimadir noto‘g‘ri bo‘ldi. «Jirona» va «Real Sosyedad» bilan so‘nggi o‘yinlarda markaziy himoyachi raqib uchun golli uzatma berib qo‘ydi va penaltiga sabab bo‘ldi. «Men uning nihoyat uyg‘onishini juda xohlayman. Buni imkon qadar tezroq qilgan ma’qul», - dedi murabbiy Eder haqida gapirar ekan.
«Real Madrid» darajasidagi klub uchun tarkibda faqat bitta chap qanot himoyachisi bo‘lgani ajablanarli. Mart oyida Ferlan Mendi safdan chiqqanidan so‘ng, uning pozisiyasi navbatma-navbat Nacho va Kamavinga tomonidan yopildi va ular ishonchsiz o‘yin ko‘rsatdi. Boldir mushaklari shikastlangani uchun 11 ta o‘yinni o‘tkazib yuborgan Mendining yaqin orada qaytishini kutishning hojati yo‘q. E’tiborlisi, o‘tgan mavsumda fransiyalik futbolchi aynan mart oyida safdan chiqqandi - o‘shanda u xuddi shunday jarohat tufayli 40 kunni o‘tkazib yuborgan, hozir esa 50 kundan oshib ketdi.
Yanvar oyida tizzasidan olgan jarohatidan so‘ng, yana bir himoyachi David Alaba mana endi muntazam o‘ynay boshladi. Asosiy darvozabon Tibo Kurtua bir nechta o‘yinlarni o‘tkazib yubordi, bu esa uning o‘rnini egallagan Andrey Luninning zaifligini yana bir bor tasdiqladi, uning o‘yinida seyvlar juda kam uchraydi. Toni Kroos eng ajoyib mavsumni o‘tkazmayapti, u ham fevral oyida oshqozon kasalligi tufayli bir necha haftani o‘tkazib yubordi. Lukas Vaskes yanvar oyida «Valensiya»ga qarshi o‘yinda to‘pig‘idan jarohat olgach, bir oyga safdan chiqdi, belgiyalik Eden Azar haqida esa ortiqcha gap bo‘lishi mumkin emas.
«Shaxtyor» darvozaboni bilan to‘qnashuvdan so‘ng Ryudigerga 20 ta jarrohlik tikuvi qo‘yilgan
Yaqinda «Jirona» bilan o‘yinda dahshatli voqea yuz berdi - «Real Madrid» yetakchisi Luka Modrich sonini jarohatladi. Joriy mavsumda 37 yoshli xorvatiyalik futbolchi klub safida bor-yo‘g‘i 44 ta o‘yin o‘tkazdi, qolaversa, terma jamoasiga jahon chempionatining yarim finaliga chiqishga yordam berdi.
Tezroq tuzalib ketishi uchun Modrich serbiyalik tabib va mushak jarohatlarini tiklash bo‘yicha mutaxassis Maryana Kovachevich bilan maslahatlashish uchun Belgradga uchib ketdi. «Real Madrid»dagi o‘yinlarning bunday shiddatli o‘tishi bilan shifokorlardan yordam so‘ramaydigan o‘yinchilar deyarli qolmadi. Omad ham «Real Madrid» tomonida emas - Chempionlar ligasi guruh bosqichining «Shaxtyor» bilan kuzgi o‘yinida madridliklar himoyachisi Antonio Ryudiger raqib darvozaboni bilan kurashda dahshatli jarohat oldi. Nemis o‘yinchisining futbolkasi qonga to‘la qizil rangga belandi, u yuziga 20 ta tikuv oldi - futbolchi hatto ko‘zini ham yo‘qotishi mumkin edi.
«Har bir mavsumda tibbiyot xodimlarimiz juda ko‘p ishlaydi, ammo 2023 yil dahshatli tushga aylandi», deb ta’kidladi «Real Madrid» tibbiy xizmati rahbari Niko Mixich, u 2017 yilda Ispaniyaning eng nufuzli 25 kishisi ro‘yxatiga kiritilgandi. 2017 yilda Forbes ma’lumotlariga ko‘ra sog‘liqni saqlash sohasida u yetakchiga aylangan. - Futbolchilar tiklanish vaqti yetishmasligidan qiynalmoqda. Agar siz har mavsumda shuncha ko‘p o‘ynasangiz, ko‘plab jarohatlar surunkali holga kelishi mumkin».
Manchesterliklar o‘tgan yilgi «Real»dan uchralgan mag‘lubiyatdan so‘ng to‘g‘ri xulosa chiqardi
Albatta, bir mavsumda 70 tadan ziyod o‘yin o‘tkazish aql bovar qilmas holdir. Ryudigerning «Chelsi»dan tekinga transferi katta muvaffaqiyat bo‘ldi, ammo bu yetarli emasligi aniq. Isko, Garet Beyl, Borxa Mayoral, Marselo va Luka Yovichlar ketganidan so‘ng, «Real Madrid» yanada zaiflashib qoldi. Shunga qaramay, Anchelotti klub qishki transfer oynasidan bosh tortganini ma’lum qildi. «Bizga transferlar kerak emas. Hozir jamoa o‘tgan mavsumga qaraganda yaxshiroq ahvolda», - degandi italiyalik. Murabbiyning sevimlisi Benzema, hatto 35 yoshida ham ko‘plab rekordlarni yangiladi, lekin shu bilan birga, 2022/2023 yilgi mavsumda u yetti marta jarohat oldi. Hammasi bo‘lib Karim jarohati sabab 82 kunni o‘tkazib yubordi! Modrichning hozirgi sog‘ligi bilan bog‘liq muammolarda hayratlanarli narsa yo‘q - butun mavsum uchun faxriylar yetishmayapti va to‘liq o‘rinbosar yo‘q.
Agar «Manchester Siti» o‘tgan yili «Real»dan uchralgan mag‘lubiyatdan so‘ng xulosa chiqarsa va yozda 150 million yevroga o‘yinchilarni sotib olgan bo‘lsa (birgina Erling Xolandning o‘zi nimagadir arziydi), Madridda eski futbolchilarga tayanishdi. «Real Madrid» rahbariyatini tushunish mumkin – «Santyago Bernabeu»ni rekonstruksiya qilish 900 million yevroga tushdi. Ammo transferlar bo‘yicha tejamkorlikni oshirish rejimi ularni nafaqat dunyoning eng kuchli jamoasi unvonidan, balki katta daromaddan ham mahrum bo‘lishiga olib kelishi mumkin.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
