Xabaringiz bor, "Liverpul" yozgi transfer oynasida o‘z tarkibida katta o‘zgarishlarni amalga oshiradi. Jamoa bir qator futbolchilar bilan xayrlashib, ularning o‘rnini yosh, iqtidorli o‘rinbosarlar bilan to‘ldirishga harakat qiladi. Hozirda "Qizillar" safini yozda aniq tark etadigan to‘rt nafar futbolchi aniq bo‘lib ulgurdi, bular: hujumchi Roberto Firmino, yarim himoyachilar Jeyms Milner, Nabi Keyta va Aleks Oksleyd-CHemberlen. Keling, ushbu futbolchilar mersisaydliklar safida nimalarga erishganini sarhisob qilib ko‘ramiz.
Roberto Firmino
Yuqoridagi uchlikdan "Liverpul" safiga eng erta kelib qo‘shilgan futbolchilardan biri aynan Roberto Firmino hisoblanadi. U 2015 yilda Germaniyaning "Xoffenxaym" klubida "qizillar" safiga 41 million yevro evaziga transfer bo‘lgan edi. U jamoa safida hozirgacha jami 361 ta uchrashuv o‘tkazib, 110 ta gol urgan va 79 ta golli uzatma amalga oshirgan. Firmino "Liverpul" bilan 2018/19 yilda Chempionlar ligasini yutdi, shuningdek Klublar o‘rtasidagi jahon chempionati (2020), Angliya chempionligi (2020), UYEFA Superkubogi g‘olibligi (2019/20), Angliya kubogi (2022), Liga kubogi (2022) va Angliya Superkubogini (2023) qo‘lga kiritgan. U bir necha kun avval bo‘lib o‘tgan APL 37-turi doirasidagi "Aston Villa" bilan uchrashuvda gol urib, "Enfild" bilan munosib tarzda xayrlashdi. Hozircha Bobbining yangi klubi qaysi bo‘lishi aniq emas, ammo u uchun kurashda "Barselona" va "Real" kabi klublar ishtirok etmoqda.
Jeyms Milner
Ayni damda 37 yoshda ham yuqori saviyada o‘yin namoyish etib kelayotgan Jeyms Milner ham huddi Firmino kabi jamoaga 2015 yilda kelib qo‘shilgan. Farqi Milner "Manchester Siti" bilan shartnomasi yakunlanganidan so‘ng erkin agent maqomida "qizillar" futbolchisiga aylangan. Milner ayni vaqtgacha mersisaydliklar safida 331 ta o‘yin o‘tkazishga ulgurdi. Ularda ingliz 26 ta gol urib, 46 ta golli pas berdi. Jeyms "Liverpul"da YECHL (2018/19) g‘olibligi, KO‘JCH (202), Angliya chempionligi (2020), UYEFA Superkubogi (2019/2020), Angliya kubogi va Liga kubogida (2022) zafar quchgan. Shuningdek, 2023 yilgi Angliya Superkubogini ham qo‘lga kiritgan. Hozirda Milnerning yangi klubi katta ehtimol bilan "Brayton" bo‘lishi taxmin qilinmoqda. U yerda "Liverpul" sobiq futbolchisi Adam Lallani Jeymsni shaxsan o‘zi jamoaga taklif qilgan.
Nabi Keyta
Firmino va Milnerga nisbatan ancha kech 2018 yilda "Liverpul"ga o‘tgan Nabi Keyta jamoa safida rahbariyat kutgan ishonchlarni unchalik oqlay olmadi, desak mubolag‘a bo‘lmaydi. Uni "qizillar" "Leypsig"dan naq 65 million yevro evaziga sotib olishgan edi. Keyta shu davrgacha jamoada jami 129 o‘yinda bor yo‘g‘i 11 ta gol urdi va 7 bor assist qayd etdi. Taqqoslash uchun u "Red Bull Zalsburg" safida 80 ta o‘yinda 20+11 (gol+assist) natijasini ko‘rsatgan edi. Klopp qo‘l ostida hech qachon asosiy tarkibdan muqim joy olomagan bo‘lsa-da, Keyta Firmino va Milner "qizillar" bilan qanday sovrinlar yutgan bo‘lsa, huddi shu sovrinlarni qo‘lga kiritdi. Hozirda transfer narxi 17 million yevroga qadar pastlagan Keytaning yangi jamoasi haqida ma’lumot yo‘q, ehtimol u yana avval "Leypsig" safida o‘zini ko‘rsatgan Bundesligaga qaytar. Bunisi bizga qorong‘u.
Aleks Oksleyd-CHemberlen
2017 yilning yozida "Arsenal"dan 38 million yevroga xarid qilingan Oksleyd-CHemberlen "Liverpul" uchun 146 ta o‘yinda 18 ta gol urib, 15 ta golli uzatma bergan. U muntazam jarohatlar sababli Klopp qo‘l ostida o‘zining to‘liq potensialini ko‘rsata olmadi. Shunday bo‘lsa-da, u YECHL (2018/19), KO‘JCH (202), Angliya chempionligi (2020), UYEFA Superkubogi (2019/2020), Angliya kubogi, Liga kubogidagi (2022) g‘alabalarda o‘z hissasini qo‘shgan. Hozirda 29 yosh bo‘lgan Aleks faoliyatini Premyer-ligada davom ettirish ehtimoli yuqori.
"Liverpul" yuqoridagi uchlik o‘rnini to‘ldirish harakatlarini allaqachon Boshlab yuborgan. Hozirda jamoa "Brayton"dan argentinalik yarim himoyachi, jahon chempioni Aleksis Makallisterni xarid qilishga yaqin turibdi. "Qizillar" Makallister uchun allaqachon 10-raqamli futbolkani ham tayyorlab qo‘ygan. Nima deb o‘ylaysiz, jamoa Makallisterdan tashqari yana qanday transferlarni amalga oshirishi kerak?
Abduburxon Mamajonov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
