Klubga qilgan 11 yillik xizmatidan keyin David De Xeaning "MYU"dagi faoliyati yakun topishi mumkin. Angliyadagi debyut mavsumidan keyin, ispaniyalik darvozabon yillar davomida APLning eng ko‘p maosh oluvchi futbolchisi sifatida bo‘y ko‘rsatadi. Garchand so‘nggi mavsumda eng ko‘p quruq o‘yin o‘tkazganiga qaramasdan, "qizil iblislar" posboni jamoadan ketishga kun sayin yaqin kelmoqda. U erkin agent sifatida klubni tark etadi. Quyida De Xea o‘rnini egallashi mumkin bo‘lgan nomzodlar haqida so‘z boradi.
1. Diyegu Koshta
Portugaliya terma jamoasi a’zosi anchadan beri "MYU" tomonidan kuzatib kelinayotgan edi. Ammo futbolchining o‘zi "Portu"da faoliyatini davom ettirishini bildirgan. Shunga qaramay, "MYU" Portugaliya klubi so‘rayotgan 64 million funtni to‘lab, Koshtani o‘ziniki qilishi ham mumkin. U o‘tgan mavsumda aniq paslar va quruq o‘yinlar borasida Portugaliya chempionatining eng yaxshilaridan biriga aylangan edi.
2. David Rayya
"Brentford" vakilining amaldagi bitimi 2024 yilda yakunlanadi. Shu sabab uning klubi darvozabonni sotishga harakat qilmoqda. Rayya uchun "Tottenxem" taklif yuborgan. Ammo "arilar" so‘rayotgan 40 million funt, bu transferning amalga oshishiga to‘sqinlik qiladi. "Manchester Yunayted" ham Rayya uchun poygada ishtirok etishi aytilgan. O‘tgan mavsumda ispaniyalik futbolchi eng ko‘p seyv ijro etgan darvozabonga aylangan edi. Rayyaning qo‘ldan tashqari oyoqda ham yaxshi harakat qilishi ko‘plab klublar e’tiborini tortmasdan qo‘ymaydi.
3. Jordan Pikford
Pikfordni hamma taniydi. U bir necha yillardan beri Angliya terma jamoasi asosiy tarkibida ishonchli harakat qilib kelmoqda. Erik ten Xag uning nimalarga qodir ekanini yaxshi biladi. Aprel oyida "MYU"ga qarshi kechgan bahsda Pikford ten Xag ko‘z-oldida 9 ta seyv ijro etgan edi. U, shuningdek, "Everton"ni APLda olib qolishda katta hissa qo‘shdi.
4. Andre Onana
Onana o‘zini "Ayaks" safida, Erik ten Xag boshchiligida namoyish etgan edi. Kamerun terma jamoasi a’zosi zamonaviy darvozabonlarga xos bo‘lgan barcha xususiyatlarga ega. Ammo uning maydondan tashqaridagi ayrim ishlarini oqlab bo‘lmaydi. Doping mojarosi uning faoliyatiga yomon ta’sir qildi. Ammo so‘nggi mavsumda Onana "Inter" bilan fantastik mavsum o‘tkaza oldi. 27 yoshli futbolchi YECHL doirasida eng ko‘p seyv qilgan(48) va eng ko‘p quruq o‘yin (8 ta) o‘tkazgan darvozabonga aylandi.
5. Mayk Menyan
Ko‘pchilik "Milan" Donnarumma bilan xayrlashganida, klubni ayblagan edi. Ammo italiyalik golkiper o‘rni, tez orada to‘ldirilgandi. "Lill"dan Menyanni olib kelish orqali "nerazzurilar" 2022 yilda Italiya chempionligini qo‘lga kiritadi. Darvozabon o‘zining aqlbovar qilmas barqaror o‘yini bilan ajralib turadi. Shu sababli tez orada Fransiya termasidagi asosiy o‘rin Lyorisdan Menyanga o‘tishi kutilmoqda. 27 yoshli posbon, shubhasiz De Xeaga yaxshi o‘rinbosar bo‘ladi. Ammo uni sotib olish oson emas.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
