Superliga 13-turi doirasidagi «Metallurg»ga qarshi uchrashuvdan keyingi matbuot anjumanida jamoamiz bosh murabbiyi Timur Kapadze o‘z fikrlarini bildirib o‘tdi.
«Metallurg»ni g‘alaba bilan tabriklayman. Bahs emosiya va vaziyatlarga boy, muxlislarga yoqadigan bo‘ldi. G‘alabani qo‘ldan chiqardik. 3 ochkoni saqlab qola olardik. Buning ustiga «Metallurg» 10 kishi bo‘lib qoldi. Yigitlar bo‘shashishdi. 1:2dan so‘ng futbolchilarimiz vaziyatni o‘nglashga harakat qilishdi. Bugungi uchrashuvda xatolar ko‘p bo‘ldi, ammo bu bahsda g‘alaba qozonishimiz mumkin edi".
— O‘tkazib yuborilgan ikkala golda darvozabonning aybi bor...
— Ha, ayniqsa birinchi golda posbonimiz qutqarishi kerak edi. Zarba yaxshi bo‘ldi, biroq to‘pni qaytarish mumkin edi. Ikkinchi va hisobga olinmagan uchinchi gollarda ham xato bo‘ldi. Bugun ba’zi sabablarga ko‘ra, tarkibimizda yo‘qotishlar bor edi. Kimdadir kartochkalar ko‘payib ketgan, kimdadir jarohat. Terma jamoadan keyin tayyorgarlikka vaqt yetishmadi.
— Kelasi bahsda darvozabonni almashtirish haqida o‘ylayapsizmi yoki unga ishonasizmi?
— Men uchun yigitlarga iloji boricha ko‘proq imkoniyat berish muhimroq. Xatolar bo‘lsa, uning ustida ishlaymiz. Agar xatolar takrorlansa, demak rivojlanishda muammolar bor. Darvozamizda muammo ko‘proq, kim yaxshiroq tayyor bo‘lsa o‘shani sinab ko‘ramiz.
— Timur Kapadzeni hurmat qilaman, futbolchilarning yarmi do‘stim, yarmi ukam. Umumiy mavsum haqida savol bermoqchiman, 12ta o‘yinda 15 ochko siz uchun kam. «Olimpik»ka nima yetishmayapti?
— Hali mavsum yakunlanayotgani yo‘q. Kamchiliklar bor. Tarkibda o‘zgarishlar bor. Ikki markaziy himoyachimiz o‘zgardi, yangi o‘yinchilar sinovdan o‘tyapti. Vaqt kerak. Izlanyapmiz, ishlayapmiz. Zaxira yanada kuchli bo‘lganida bundanda yaxshi o‘yin ko‘rsatgan bo‘lardik. Nafaqat o‘yinda, balki mashg‘ulotda ham munosib qarshilik bo‘lishi lozim. Menimcha, o‘yindan o‘yinga kuchayib boryapmiz. Terma jamoaga bog‘liq uzilishlar o‘z ta’sirini ko‘rsatmoqda.
— Abdurauf Bo‘riyevning bugungi uchrashuvda yo‘qligi jamoa o‘yiniga qanchalik ta’sir qildi?
— Albatta, katta yo‘qotish bo‘ldi. Abdurauf bizning eng asosiy futbolchilarimizdan biri hisoblanadi va bugungi uchrashuvda uning yo‘qligi ancha katta yo‘qotish.
— Jiyanovning jismoniy holati Rossiya chempionati darajasiga mosmi?
— Menimcha, ha. Uning yangi jamoasi mavsumga tayyorgarlikni endi boshlamoqda va ushbu jarayon davomida bosh murabbiy Yuran qaror qabul qiladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
