2007 yilning yoz oqshomlaridan birida, "Chelsi" akademiyasining to‘qqiz yoshgacha bo‘lgan jamoasi tarkibida Deklan Rays va Meyson Maunt ilk marta uchrashadi. Shundan buyon bu juftlik qalin do‘st. Ha, ular keyinchalik o‘z yo‘lidan, ikki xil yo‘nalishdan ketdi. Xususan, Rays 14 yoshida "Chelsi" maktabidan ketishga majbur bo‘lgan edi. Maunt esa bu klubda yana 10 yil qoldi. U shu yozda "MYU"ga yo‘l olgan edi. Ushbu futbolchilar klub safida bir jamoada harakat qilmasa ham, samimiy do‘stlik va og‘aynilik davom etaverdi. Bu juftlik yozning eng qaynoq va qimmat transferlariga sababchi bo‘lganini ta’kidlash joiz. Rays 1999 yilning yanvarida, Mauntdan to‘rt kundan keyin dunyoga kelgan. U bugun "Arsenal" futbolchisiga aylandi. Juftlikning kattasi esa "Manchester Yunayted" tomon yo‘l oldi. Quyida ularning maoshlari o‘zaro solishtiriladi.
"Chelsi"ga 4 yoshida olib kelingan Maunt, jamoa bilan 20 yil birga bo‘ldi. Ammo yangi rahbariyat qo‘l-ostida yarim himoyachi yangi shartnoma borasida kelisha olmadi. Bunga aynan maosh masalasi sabab bo‘lgandi. Vaziyatdan foydalangan "Manchester Yunayted" Maunt uchun taklif bilan chiqdi va bir necha urinishlardan keyin 60 million funt evaziga uni sotib oldi. Angliya terma jamoasi a’zosini "qizil iblislar" safiga chorlash unchalik ham qiyin bo‘lmagani aytiladi. Negaki, "MYU"da u "Chelsi"dagiga qaraganda 3 barobar ko‘p, haftasiga 250 ming funt maosh oladigan bo‘ldi. Agarda belgilangan besh yil ichida ayrim maqsadlarga erisha olsa, futbolchining maoshi 300 ming funtgacha oshirilishi aytilgan. Bu esa "Chelsi"dagi haftalik 80 mingdan keskin ko‘pdir. Yillik 13 million funt maosh Mauntni "MYU"da Brunu Fernandesh va Antoni Marsyal bilan bir qatorga qo‘ydi. Ayni damda mankunianliklar safida eng katta haq to‘lanadigan futbolchi Markus Reshford bo‘lishi kutilmoqda. U taklif etilayotgan yangi bitimga imzo cheksa, haftasiga 375 ming funt maoshga ega bo‘ladi. Bu esa Mauntnikidan anchagina ko‘proqdir.
Deklan Rays o‘zining yangi jamoasida yaxshigina maoshga egalik qiladi. U uzoq vaqt davomida o‘zi uchun o‘ta ajoyib narxda xizmat ko‘rsatadi. O‘tgan mavsumda yarim himoyachi haftasiga 60 ming funt maosh olardi. Rays "Vest Xem"ning eng yaxshi vakili, sardori bo‘lishiga qaramay, o‘z jamoadoshlarining yarmidan, kamroq ishlab topardi. "Arsenal" esa uni bu muammodan xolos etdi. 105 millionga sotib olingan futbolchi, arzon-garovga ishlamasligi ham turgan gap. 24 yoshli futbolchi "Arsenal"da xuddi Rays singari haftasiga 250 ming funt olishi aytilgan. Mikel Arteta o‘ziga kerakli futbolchilarni yig‘ishga harakat qilar ekan, nafaqat ularning transfer narxlariga, balki oylik maoshlariga ham qarab o‘tirmadi. Masalan, "Chelsi"dan sotib olingan Kay Xaversning transfer narxi Raysning yarim puliga tengdir. Biroq, uning maoshi haftasiga 330 ming funtni tashkil etadi.
Umuman olganda, "Arsenal" joriy transferlar oynasida giper-faol harakat qildi. Klub o‘ziga kerakli bo‘lgan uchta futbolchiga erishish yo‘lida yirik raqiblarni mag‘lubiyatga uchratdi. Bu esa o‘z o‘rnida xarajatlarni oshiradi. Masalan, o‘tgan mavsumda faqatgina Gabriel Jezus Raysnikidan ko‘p maosh olardi (265 ming funt). Ammo yaqindagina shartnomalarini yangilagan Bukayo Saka, Aron Ramzdeyl va Gabriel Martinellilarga, endilikda avvalgidan ko‘ra ancha ko‘p maosh to‘lanadi. Bu esa, o‘z navbatida katta sarf-xarajat qiladigan APL klublari ro‘yxatida oltinchi o‘rinni egallab turgan "Arsenal"ni yanada yuqoriga ko‘taradi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
